أطعمة لمن يضعون تقويم الأسنان(اتمنى التفاعل يااميرات)

أبشركم ياأميرات بعد أسبوع إن شاء الله بركب مقوم أسنان


والحين بس حطيت الفواصل ولسه في البداية وصعب اكل
وجوعانة حدي

وطبعاً مع وجود التقويم
لايمكن تناول أي طعام وبتظلي جوعانة لسببين :
1-الألم الضاغط على الاسنان (هذا يكون في الاشهر الاولى(
بتحسي بصعوبة في المضغ وألم
2-عدم كسر مقوم الاسنان من الاطعمة الصلبة

الأطعمة الواجب الابتعاد عنها كلياً:
المقرمشات والشيبسات والكورن فليكس والفشار والمشروبات الغازية
والعلكة والكراميل واللحم والبسكويت والبقلاوة والأطعمة القاسية والخشنة
مثل: الخبز والجزر والتفاح والرطب
والمكسرات والثلج

الاطعمة الممكن تناولها لمن يضعون التقويم:
المشروبات:الماء والعصير واللبن والحليب والروب(الزبادي)
والشاي والقهوة عادي تشربوها
وحليب بالكاكاو وحليب بالعسل
والاطعمة اللينة سهلة المضغ مثل:
أطعمة الاطفال والسريلاك
المحلبية(المهلبية) والشوربة الاكل سريع الذوبان
والمكرونة لازم تكون لينة ومطبوخة عدل
و البطاطا المهروسة والبيض
والفواكه اللينة والناضجة
طبعاً لازم تقطعي الاكل بالسكين إلى قطع صغيرة

و.....

الحين دوركم ياأميرات

يلا ابي تفاعل

كل وحدة تكتب أكلة او طبخة لينة وسهلة
وأنا كلما اسمع اكله باكتبها هنا
عشان اي وحدة بتحط تقويم لاتحتار في الاكل

]الموضوع حصري من مجهودي]

مشكورة الله يبارك فيك
اي البارحة اكلت تمر ولبن
وان شاء الله اليوم نسوي جريش

ملاحظة:
يا أميرات إذا عندكم وصفة او طبخة تناسب هالحالة (تقويم الاسنان)
حطوها في موضوع منفصل في قسم الاميرة الطباخة
وتعالي هنا حطي رد واكتبي رابط الوصفة


انتظر باقي الاميرات
^.^

تسلمي حبيبتي على مرورك
ومشكورة على المشاركة الرائعه

موضوع رائع

هذه روابط لأطعمة تناسب التقويم جمعتها من المنتدى:
1-مشروبات ساخنة
2-بطاطا بالجبن
3-ايسكريم توت


وإذا لقيت زيادة برجع اكتبها لك

فقط في الاسابيع الاولى
او الايام الاولى يصعب الاكل ويمكن يألمك
بس بعدين خلاص تاكلي اي شي
اهم شي يكون مو قاسي
ومو من الاطعمة المفروض تجنبها
لانها بتلصق في الاسنان والتقويم وصعب تنظيفها

ماتشوفي شر ياوضحى

ياأميرات يلا ابي تفاعل

على فكرة
الدكتور قال لي:لاتاكلي تمر لأن بيلتصق في الجهاز

مجموعة اكلات:
1-بطاطس مقلي>>بدون تحمير عشان لايصير مقرمش خليه ينقلى زين
2-همبورجر لحم أو دجاج>>قطعيه بالسكين قطع صغيرة وحطي فوقه جبن_مايونيز-كاتشاب ..الخ
3-كيك اليمامة>>ينباع في البقالات والسوبر ماركت علبته زرقاء وعليه صورة حمامة بيضاء, بنكهة الفانيلياومن مميزاته أنه سهل البلع لذيذ وخفيف بس لازم تقطعينه في البداية
4-كفتة دجاج وكفتة بطاطس>>أنا شريتهم جاهزين من البوفية وتقدري انتي تطبخيهم بنفسك
5-كنافة بالقشطة
6-شوربة>>تصدقون اني شربت شوربة باللحم المقطع واكلت اللحم وانا فيني تقويم(اللحم كان مطبوخ زين ولين)
7-مكرونة بالصلصة الحمراء والطماطم
8-صالونة(مرقة) بالخضار,حطي الخضروات اللي تحبيها بطاطس جزر كوسا ..الخ وخليها تطبخ على راحتها وبعدين كليها,تقدري تحطي خبز وتسوينها ثريد بصير لين الخبز من المرقة وبتاكلينه بسهولة
9-صينية بطاطس بالجبن>>بطاطس اللي يسلقوه وبعدين يرصوه في صينيه وحطي معاه جبن وبهارات واللي تحبي تضيفيه
10-بسكويت سادة أو اي بسكويت تحبي وغمسي مع الشاي
11- بيض مسلوق أو مقلي>>طبعاً بدون خبز لأن الخبز خشن,قطعي لك طماط أو جبن واشربي معاه عصير برتقال طبيعي
12- معمول>>الدكتور قال لاتاكلي تمربس انا اكلت معمول يناكل بسهولة ولين(في معمول شريناه اسمه معمول ماما خفيف ولذيذ ولين)
13-مهلبية
14 - روب(زبادي)
15-اسكريم
16-موز-خوخ-خيار مقطع شرايح وبدون قشر
لاتنسوا تشربوا ماء وعصير وحليب

تسلمي حبيبتي
مشكورة على تفاعلك ومرورك

وجبة مناسبة لمن تضع تقويم الاسنان
كورنفليكس وضحى الصحي

انا بصراااحه حاطه تقويم اسنان وما صار لي شهر

تاريخ 22 -3 يصير لي شهر

والله انا مدمنة اكل و واايد ضعيفه وحطيت تقويم وانا ضعيفه

وبصراااحه انا اكل عاادي ما احس بعواار لاني اذا يعت ما اعرف اللي جدامي لووووووول

والله أكل من كنتاكي عااادي سهالات ههههههههههه

بس والله اقطع الصموونه قطع صغااار لوووول

وما تشوفين شر وضحى والله يسهل عليييج وان شاء الله اشيله وياااج :p

واذا لقيت اكلات زينه حق التقووويم بحطهم لج تآمرين

مشكووره طرح وايد حلو ومفييد

تسلمي حبيبتي
وان شاء الله ماتحسي بالام كثيرة
الآلام بتجيك وقت الشد
مابتقدري تاكلي على راحتك

بالتوفيق حبيبتي
لاتخافي مايعور وقت الحط
وإذا عندك أكلة او طبخة تناسب حطيها معنا