الــــــسر نفسي اتوب ومش عارف

الســــر :: نفســى اتـوب ومـش عــارف !!

بسم الله الرحم الرحيــمـ

اسأل الله أن يجعل هذا الموضوع سبب فى هداية وتغيير حياة كتير من المسلمين وأنا أولكم
وأسأل الله أن يجعل هذا العمل كله لوجه الله

كتير مننا ان مكانش كلنا بيقول بينة وبين نفسة دايما
نفسى اتوب .. نفسى التزم فى الصلاة .. نفسى اتحجب (للبنات فقط ) ..الخ

لكن مش بيقدروا !!

طب لية ؟ عايزين نعرف السر

أولاً ربنا تواب رحيم وبيفرح بتوبة العبد

لكن هل انا وحش عشان كدا ربنا مش عايز ينولنى شرف التوبة ؟

لأ يا سمسم لأ

المشكلة فيك يا معلم انت اللى مش عايز

هنا السر> انت اللى تقدر تختار طريقك

ايون بس انت اللى مش عايز او متعرفش تمشى فى الطريق ازاى

اللهم أهدنا الصراط المستقيم "الطريق المستقيم"

تعالى نعمل زووووم اوووت على حياتنا
ونشوفها من بعييييد ومن فوق كأننا بنتفرج عليها

ونستعرض خريطة الحياة اليومية لحياتنا كأننا بنتفرج عليها

... زوووم اوت ...

بصحى من النوم .. بفطر .. انزل اركب مواصلة اروح شغلى او دراستى .. اعد مع صحابى اتصرمح .. ارجع انام شوية واصحى اكل .. انزل اتصرمح مع صحابى
..ارجع البيت اعد ع النت.. انام

طبعا دا بشكل اجمالى لو استعرضنا التفاصيل
هنلاقى حياتنا فيها

-فراغ
- معاصى
**النظر (تبص للبنات فى الشارع او على بنت الجيران او صحباتك ف الجامعة او ف الشغل .. ترجع تتفرج على قنوات اغانى وكليبات ايييه .. تعد ع النت صور وكليبات وبردة اييييه )
** اللسان (فى البيت تشتم وتتعصب على اهلك واخواتك .. ف الشارع تشتم دا وتتنرفز على ده .. وانت مع صاحبك تجيب فى سيرة فلان وتغتاب فلان ..
** اصحاب السوء (طبعا صديقك مرايتك على رأى الدرس بتاع ابتدائى .. سجاير وحشيش وبنات وخمرة وعربدة )
** السمع (مقضيها انت أغانى عشان تتمتع وتمتع ودانك وللأسف كتير مننا بيستحل الأغانى واتعودنا من مجتمعنا ان الاغانى حلال وشئ طبيعي زيها زى غيرها من المحرمات اللى استحليناها وخليناها شئ عادى)

وغيرها كتير

طبعا مع اختلاف درجات المعصية من شخص لاخر

..
طيب ادينا استعرضنا حياتك او حياتى او حياة شخص من اللى متابعين (كل واحد يعمل استعراض مماثل بس لحياتة هو ودا اول الطريق ان شاء الله)

طيب عملنا الاستعراض

فين ربنا فى حياتك ؟

بص

مش هقولك خاف الله واستحى من الله وكدا مع انه كلام صح والمفروض كلنا
نعمل بيه لكن انا عارف ان الاستحياء والخوف من ربنا مش موجود بسبب
كثرة المعاصى اللى بتقسى القلب وبتخليى عليك علبة بولاك اسود
وتخلى الكلام مش بيأثر فية ولا يحوأ فية نصيحة ناصح ولا قران

بس هدلك على بعض الحاجات اللى تدخلها فى حياتك بشكل تدريجي
وحاجات تانية تطلعها بشكل تدريجي

بس هتحس ان الأمر صعب جدا جدا جدا ودا طبيعي لأنك
بتحارب التعود
بتحارب هوى النفس
بتحارب الشيطان
بتحارب المجتمع اللى بئى كل شئ فية عادى
(خمر عادى .. مخدرات وحشيش اشطة بئى شئ طبيعي .. سجاير بييييس اوى .. أغانى ولا كأنها حرام وعادى جدا .. مناظر الشباب والبنات المقزززة فى كل مكان دا بردة عادى وسهل ومش حرام! النميمة والغيبة والشتيمة والسب كلللللله عادى )

بس انت مش بطل عشان تفوز على كل دول بس انت معاك ربنا هيعينك
لو رفعتله ايدك وقولتلة يارب اعنى على ترك كل ما يغضبك والقرب من كل ما يرضيك

حاجات هتخرجها من حياتك بالتدريج
هتخرج كل المنكرات والحاجات الحرام (لانك كل ما بتقرب خطوة من ربنا المعاصى بتبعدك الف خطوة ودا احد اسرار عدم قدرتنا على التوبة )
الأغانى .. افات اللسان زى السب واللعن والغيبة والنميمة .. الفورجة ع الاباحة بتاعة الكليبات والافلام (+20 و +18 على اساس انها لاقل من كدا حلال وعادى ) والنظر للبنات وللصور وتتبع عورات وعيوب الناس وفايحهم و .. و .. الخ

اللهم ارحمنا يا رب واسترنا فوق الارض وتحت الأرض ويوم العرض عليك

حاجات هندخلها فى حياتنا
زى ما قولنا الحاجات اللى هندخلنا فى حياتنا ونخرجها صعبة فى اولها
لأنها جديد كأى شئ جديد بيكون صعب (تباين الصعوبة الوقت من شخص لأخر)
لكن مع الصبر والتعود كلة بيبقى تمام لان دا هو الصح ودا اللى يرضى ربنا

حياتنا فاضية يا جدعان من اى شئ يقربنا من ربنا
وعايزين بقدرة قادر نقرب من ربنا !!!

طب ازاى يعنى!!

استغل الانترنت فهو كان سبب فى توبة كتير جدا بفضل الله
استغل الوقت فى عربيتك وفى المواصلات عن طريق موبايلك

استخدم التكنولوجيا اللى يا ما ودتنا ف داهية واستخدمناها فى اغراض
ابيحة جة الوقت اللى نستخدها فى الخير

املى موبايلات دروس وقران واناشيد
املى جهازك ادخل على اليوتيوب
والمواقع الإسلامية المتخصصة

طول ما انت على جهازك
اسمع درس
اسمع قران
اقرا فى المواقع الاسلامية والمنتديات الاسلامية مقالات وقصص

طول ما انت ف المواصلات حط الهدفون فى ودانك واسمع دروس
استغل وقتك الضايع دا وانت اعد ع الكمبيوتر بتعمل اى حاجة
خد البرنامج دااجمد برنامج اسلامى فى العالم

بدل ما تسمع اغانى ولو جالك ملك الموت وانت حاطط الهدفون
ومقضيها عمرو وتامرواليسا وجاستن وافريل هتقول اية لربنا ؟

اسمع درس لعله يكون سبب فى هدايتك
اسمع قران بصوت القارئ اللى يعجبك

ولعل يكون ميعاد لقاء ربك
فأختار نفسك تموت وانت فى ودنك الهدفون وشغال فية اية ؟
افريل ؟ ولا قران ؟

اشحن قلبك

جينا لأهم ما فى الموضوع
ازاى ميكونش فى حياتك الحاجات دى وعايز تبقى ملتزم وقلبك خاشع ؟
- زور المقابر
- اكثر من ذكر الموت (بقلبك مش بلسانك ) يعنى عند كل معصية افتكر الموت
- زور المستشفيات وشوف انك فى نعمة وشوف اللى حتى مش قادر يتحرك
- اعطف على الغلابة والايتام
- استغل وقتك فى المواصلات وعلى النت بسماع القران والدروس الإسلامية
-ابعد عن الاصحاب اللى بيساعدوك ع الشر وقرب من اصحاب يعينوك ويساعدوك على طاعة الله

كل دى حاجات بترقق القلب الحجر
مهما كنت فاجر او عملت كل ذنوب الارض
ربنا فاتحلك ابواب التوبة

بس انت اللى مش عايز

فى النهاية برشحلك المووضع دا
محاضرة تاب بسببها الكثير فيها استعراضى لقدرة الله
على انه يسلب منك كل نعمك فى ثوانى وفيها عبره كبيرة
تستاهل التحميل اعتبرها فيلم جديد لسة نازل فى السينما
[مداهمات]المحاضرة التي تاب بسببها اكثر من 450 مشاهد في يوم واحد

يا جماعة الكلام ده ليا اولا قبل ما يكون ليكــو

واسأل الله ان يتقبل مننا التوبة جميــعاااا

الموضوع منقوول
من احد المنتديات السلاميه وموثوق فيه جدا
وصاحبه تاب لوجه الله توبه صادقه بعد مااتعبت معه كثرا باحد المنتديات
ولقد احلفني ان اسطر توبته كلها في جميع المنتديات
اتمني ااااان موضوعي ننااااااااال اعجااااابكم

يارب اعنى على ترك كل ما يغضبك والقرب من كل ما يرضيك

يعطيج العافية ع الموضوع
ان شاء الله كلنا نتوب ونمشي على الصراط المستقيم

انشاء الله
بارك الله فيك وجزاكي الله الجنه
اشكرك لمرورك العطر

بني آدم غره طول الامل
دائماً يسوف ويقول غداً أتوب غداً أتوب ولايتوب
والموت يأتي غفلة
مشكورة على الطرح الرائع

الـــــــــعــــــفوووو
مشكورة حببتي
ياغاليتي علي مررررروووووررررررك العطررررر

من يهده الله فلا مضل له ومن يضلل فلا هادي له

قال بعض الحكماء:
( احذر طول الأمل فإنه سبب هلاك الأمم! ).

جزاك الله خير
تسلم الايادي عالطرح

الله يسلمك

ومشكورة ياحببتي علي مررررروووورررك العطر