رفيق عمري

موضوع: رفيق عمري الجمعة فبراير 04, 2011 5:57 pm

(كانت بالليل سهرانة مع اصحـابها،وكانوا بيتكلموا وبيهزروا،وفجاة سارة سكتت)

منة:ايه يابت الهدوء ده هخاف عليكي
سارة:فاكرة احمد؟
منة: (زعلت انها فكرت سارة باحمد اللى بتحاول تخليها تنساه،وحاولت تخليها تنسى بانها تهزر معاها وتهرب من الموضوع) احمد مين يابت انتى بتخونينى
سارة:يامنة احمد اللى كان معايا فى المدرسة وانا صغيرة، وكنت انا وهو اعز اصحاب،وكنا مشهورين فى المدرسة اننا على طول مع بعض، واتفرقنا للاسف
منة: (اتضايقت ان صاحبتها لسه فاكرة احمد)هو انتى لسه فكراه؟
سارة:اكيد،انا حكتلك عنه كتير اصلا، كنت ببقى بضحك معاه ويقولى امسكى دمعتك قبل ما تنزل، وكنت اقعد اقنعه انى مبسوطة وفرحانة، يقولى لا انتى متضايقة ،واللى يخلينى فاكرة الكلام ده لحد دلوقتى،اننا كنا اطفال، 3 ابتدائى يعني اللى كان يخلينى ازعل ان لعبتى اتكسرت ،وكنت ببقى هتجنن واعرف هو عرف منين انى زعلانة،ولما كنت اساله كان يضحك ويقولى بحس بكده ومعرفش ليه بحس بكده،ومعرفش اشمعنى انتى بالذات اللى بحس بيكي،وكنت اضحك واقوله علشان احنا اصحاب
منة:يعنى انتى نفسك تتطمنى عليه؟
سارة:انتى عارفة يامنة انى مش بكلم ولاد،لكن ممكن اعرف اخباره من بعيد،بردوا احنا كنا اخوات اوي يابنتى،كمان انا كنت بحب مامته وباباه اوي وهما كانوا بيحبونى،يعنى كان ليا علاقة بالعائلة كلها ونفسى حتى اشوف مامته تانى علشان حتى مامتى بتفكرنى بيها،وعلى ما اعتقد كان ليه اخت بس انا مكنش ليا علاقة بيها خالص لانها كانت دمها تقيل ومش بتحبنى،ومش فاكرة اسمها
منة:وانتى مش فاكرة حتى اسم باباه يمكن نعرف نلاقيه
سارة:للاسف مش فاكرة حاجة،ولا حتى فاكرة اسم مامته
منة:انا حاسة ان الواد ده شبه اخويا
سارة:لا الواد كان قمور
منة: (بعتتلها اسمايل بيضحك)اخويا اكيد احلى
سارة:بس يابت انتى،انا اعرف اكتر منك
منة:بس بردوا انا نفسى تصدقى بقا ان حمادة بيحبك
سارة:ياشيخة وانا قولت انه مش بيحبنى
منة:الله الله الله ،شكلك وقعتى ومحدش سمى عليكى يابت
سارة:مش انا اللى اقع يابنتى،ده انا تقيلة اوي
منة: (حبت ترخم على سارة علشان عارفة انها بتتضايق لما حد يقولها انها تخنت،او يتكلم ان وزنها زاد) ايه انتى وزنك بقى كام دلوقتى؟
سارة: (بعتتلها سمايل متعصب)انا وزنى لسه زي ما هو بقى
منة:انتى اللى قولتى انا تقيلة،مجبتش حاجة من عندي
سارة:بطلى رخامة ها
منة: (منة طلعلتلها سمايل مطلع لسانه)حاضر حاضر
سارة: بقولك يامنون
منة:قولى ياقلبى
سارة:انتى عملتى ايه مع محمد
منة:استغفر الله العظيم، ليه ياشيخة بس تفكرينى
سارة:انا اسفة مكنش قصدى بس عايزة اتطمن عليكي
منة:لا عادي فداكى، والله انا مزعلتش بس انتى عارفة انه بيخنقنى
سارة:معلش ياقلبى ان شاء الله ربنا يخلصك منه
منة:معرفتش ياسارة اعمله حاجة خالص
سارة: ليه بس يابنتى
منة:النهاردة كان واقف فى الشارع ومعاه ناس، وكان عمال يبصلى من بعيد وانا بصور الورق،وكان عايز يجي طبعا يضايقنى من قرب،بس مجاش جنبى الا لما الولاد مشيوا،على اساس بقى انه بيخاف عليا يعنى
سارة: اياكي تقولى كلمك على الموبايل بردوا؟
منة: اه يابنتى كلمنى عالموبايل،وطبعا كل ما يتصل اقفل عليه،بس يابنتى معرفتش اقفل الموبايل علشان ماما مرة زعقتلى لما قفلت الموبايل علشان قلقت عليا ،وبعدين قعد يعملى بايده من بعيد، كانه بيسلم عليا يعنى،ياربى انا بجد حاسة انى بتعصب لما بشوفه وهتجنن واعرف جاب رقمى ازاى
سارة: (حاولت تخلى صاحبتها تنسي)شوفى يابت اخوكي بيصاحب مين
منة: (بعتتلها سمايل بيضحك)ضحكتينى والله
سارة:يارب ياعمرى ضحكتك تفضل موجودة على طول
منة:ربنا ميحرمنيش منك ياسوسو
سارة:ولا منك يامنونتى

(ماما سارة ندهت عليها،وكانت متعصبة علشان طلبت من سارة من 4 ايام انها تروق وتنظف اودتها بس سارة كل يوم كانت بتصحى تقعد على النت وتنسى)

سارة:معلش يامنة لازم اقوم ماما شكلها هترمينى بره البيت
منة:ليه بس
سارة:اصلها طلبت منى من 4 ايام انى اروق اودتي،وانا كنت بنسى ،وانتى عارفة انى مشغولة،وقال ايه ماما زعلانة،يرضيكي الكلام ده يامنة؟
منة:الصراحة ربنا يكون فى عون مامتك
سارة: ليه بس ده انا عسولة خالص
منة:عسولة وسكر مقولناش حاجة،بس مطلعة عينها فى الترويق،يابنتي كده مش هتنفعى فى الجواز
سارة:اعمل ايه بس مش بحبهم والله خالص خالص
منة:ربنا يكون مع احمد اخويا لما يتجوزك
سارة:يابنتى يحمد ربنا انه اتجوزنى اصلا، بعدين احنا هنستهبل مين قال انى هتجوزه
منة: (بعتتلها سمايل بيضحك)والله محدش قال انا بخمن
سارة:خمنى بعيد عنى لانى دلوقتى متعصبة علشان هقوم اروق واسيب النت
منة:تستاهلى علشان تتعلمى قبل ما تتجوزي ،مظنش ان جوزك هيستحملك زي مامتك
سارة: (بعتتلها سمايل مبتسم)هسيتحمل هيستحمل،بس اخرجي انتى منها وهي تعمري،و هبقى اكلمك بكره الصبح علشان هجيلك زي ما اتفقنا
منة:اوكي ياحبيبتى هستناكي
سارة:اوكى عايزة منى حاجة يامنونـة
منة:لا يابطوطتى تصبحى على خير بقا لانى هنام
سارة:ماشى ياقمر تصبحى على خير
منة:نظفى كويس وبضمير بلاش نظام الهبل اللى بتعمليه فى الترويق ده
سارة:حاضر ياختى يلا سلام
منة:سلام ياسوسو

سارة: 18 سنة وفى كلية هندسة ديكور وبتعشق صاحبتها،طيبة وقلبها ابيض،نفسها تشوف مصر احسن بلد فى العالم وبتحاول تعمل اللى عليها علشان تثبت ان المصريين اذكي الشعوب وانجحها،واخدة كورس انجليزي وهي صغيرة، وبدات كورس فرنساوي،متدينة وبتحاول تتعلم اكتر فى دينها،حافظة القرآن الكريم وبتحاول تحفظ اللى تقدر عليه من الاحاديث،عندها طريقة للاقناع رهيبة وبتستخدم الطريقة دي فى حل المشاكل بين اصحابها،وفى انها تقنع اصحابها باللى فى مصلحتهم،مشهورة فى جامتعها بأدبها واحترامها ودينها،عايشة حياتها تحت رجل امها وابوها وطلباتهم اؤامر بالنسبة ليها،وطموحة لابعد حدود،عندها افكار لحل مشاكل سياسية وغيرها وبدات تحاول تناقش الافكار دي مع ناس يقدروا يفهومها، مجنونة ودمها سكر وبتحب تعيش حياتها بس تكون فى حدود اللى ربنا سمحه ليها،بتكون طفلة لما تكون وسط اصحابها ،وبتتحمل كامل المسئولية لو الظروف طلبت ده،محجبة وطولها متوسط ،عيونها سوداء غامقة وشعرها قصير ولونه بنى غامق وبشرتها خمرية، ووشها فى براءة ورقة بتزود جمالها

منة: 18سنة ومعاها فى كلية هندسة بس قسم معماري،من اقرب اصحاب سارة وتعرفها من الثانوية،بتعتبرها اختها لانها ملهاش اخوات بنات،وعائلتهم مرتبطة ببعض علشان كده بيروحوا لبعض كتير فى الاجازة او حتى فى الدراسة، بتحب اخوها لانه بيحاول يسعدها باقصى قدرته،وكل همه فى الحياة انه يشوف ابتسامتها،ذكية جدا فى حياتها وفى دراسستها،كانت ال4 على الجمهورية فى الثانوية وده يأكد ذكائها ونجاحها فى تنظيم وقتها،دمها خفيف وفيها كتير من صفات سارة،بتحب الضحك بس بتعرف تفرق بين وقت الضحك ووقت الجد،عندها ثقة فى نفسها تساعدها تنجح فى كل مجالات حياتها،بالرغم من سنها الصغير الا انها عندها خبرة كبيرة فى الحياة وعندها ثقافة،وبتحاول تتطلع على اخبار العالم بشكل يومي،بتاخد كورس تنمية بشرية الى جانب انها كانت بتاخد فرنساوي والمانى فى مدرستها الاعدادية والثانوية،بيضاء ومحجبة،بس شعرها طويل وناعم و لونه اسود غامق،عيونها عسسلى ،وعندها غمازات بتخلى محدش يشوفها الا ويتكلم عن جمالها

احمد: 19سنة فى كلية هندسة بترول واتدرب سنة فى شركة،وبعد ما عرفت الشركة كفاءته شغلته عندها، وطبعا هو اشتغل بالرغم من انه لسه بيدرس علشان يكون مستقبله،اخو منة وبيموت فيها،عارف انها ملهاش غيره علشان كده بيعملها اللى هي عايزاه،بيحاول يسعدها باي طريقة حتى لو على سبيل سعادته،ثقافته ممتدة فى كل المجالات،وبيقرأ كتاب كل اسبوع،وزي اخته بيعرف يتكلم باللغة الفرنسية والالمانية وطبعا اللغة الفرنسية بقت اقوي عنده لانه شغال فى شركة فرنسية،اجتماعي وعنده صداقات حتى مع ناس اجانب، اتعلم من دورات تنمية بشرية ازاى يتكلم مع الناس ويتناقش معاهم وحتى لو اختلفوا معاه،العائلة بتعتبره فليسسوف من جمال كلامه ، ودايما بيتولى حل اى مشكلة تحصل بين اهله،متدين ومششترك فى جمعية خيرية،بيحب سارة من سنة تقريبا ولكنه حابس حبها فى قلبه علشان ميعملش تصرفات تغضب ربنا،كان بيحاول من بعيد لو احتاجت حاجة يعملها ليها بس فى نفس الوقت كان بيحاول ميظهرش ليها انه بيحبها علشان متفتكرش انه مش محترم،او علشان ميعملش مشاكل بينها وبين منة،وطبعا هو بيكون مستقبله علشان يقدر يتقدملها على طول،طويل وشعره اسود غامق وناعم،عيونه بنى غامق،شيك لدرجة خيالية وبيهتم بمظهره ،وفى نظر اهله من الولاد والبنات شيييك وجنتل وذوق

والدة سارة:سارة سارة سارة
سارة:نعمين نعمين نعمين
والدة سارة:اخيرا جيتى، يعنى لازم انده سنة عليكي
سارة: (باست ايد والدتها)انا اسفة ياحبيبة قلب سارة
والدة سارة:اه ما اصل انا مبخدش منك غيرالكلام
سارة:والله ياماما بكره اروق اعمل ايه
والدة سارة:ربنا يكون مع جوزك والله
سارة:هو يطول يتجوز سارة على اصلا
والدة سارة:ليه هيتجوز مادونا
سارة:الله ياماما ياشقية،وكمان تعرفى مادونا
والدة سارة:بس ياعفريتة انتى،وايه شقية دي انتى نسيتى انى مامتك ولا ايه؟
سارة: ياباشا سماح المرة دي
والدة سارة: ايا كان،اتفضلى حضرتك على الاودة بتاعتك علشان تروقيها علشان شكلك كده بتحاولى تهربى
سارة:احم،لا ابدا ياماما ههرب ليه يعنى،ادينى رايحة اهو

(وسارة راحت تروق اودتها وهي مخنوقة،لانها بتكرهه الحاجات دي،بس حاولت تسلى نفسها،شغلت حلقة لبرنامج لداعية معروف،وقعدت تسمعها وهي بتروق،ولما خلصت رمت نفسها على السرير،وطبعا نامت بسرعة البرق)

الساعة 11.30 الصبح

(صحيت بدري وكانت متضايقة انها بتصحي بدري فى الاجازة،لانها نفسها ترتاح وتنام كتير،قامت وراحت غسلت وشها،بعدين دخلت اودتها وظبطت شعرها ووقفت قدام المراية تكلم نفسها،ونسيت ان الباب مفتوح)

سارة:يعنى انا ايه اللى يصحينى بدري مش فاهمة،اللى يشوفنى يقول مبدقش النوم علشان دايبة فى دباديب واحد عبيط
والدة سارة:ومين العبيط اللى حضرتك بقى دايبة فى دباديبه ده؟
سارة: (صرخت،بعدين ضحكت جامد على شكلها الوحش،وراحت جريت على مامتها،وباستها)مش تخبطى ياماما قبل ما تخشى،خدتينى
والدة سارة:متوقعتش ان بنتى اتجننت وبتكلم نفسها
سارة: (ضحكت واتكسفت)احم، لا ده بس من الخنقة ياماما
والدة سارة:اه اه ما انا اخدت بالى،انا عرفت دلوقتى ليه حضرتك بتقفلى الباب على نفسك كتير ليه
سارة: (ضحكت وقعدت تبص حواليها علشان حست ان مامتها فهمتها)هيكون ليه يعنى ياماما
والدة سارة:علشان تعرفى تتكلمى مع نفسك بدون ازعاج
سارة: (ضحكت،بعدين حبت تهرب من الموضوع)ابدا ابدا ياحبيبتى
والدة سارة:ما علينا،سيادتك بقى زعلانة انك صاحية بدري؟
سارة:ايون
والدة سارة:ليه يعنى؟
سارة:يامامتى ياحبيبتى انا واحدة فى اجازة،يعنى حقى الدستوري يسمحلى انام كتير
والدة سارة: (ضحكت)جتك نيلة انتى وحقك الدستوري
سارة:ايه ده بقى،ايه الكلام ده على الصبح
والدة سارة:ايه مش عاجب حضرتك ولا حاجة؟
سارة:لا خالص وانا اقدر اتنفس
والدة سارة:طيب يلا يا ام حق دستوري قومي افطري
سارة:لا مـأما مينفعش،انتى عاوزة تبوظيلى الرجيم بتاعى
والدة سارة: قال رجيم قال،يابنتى انتى لو بطلتى اكل مش هنشوفك الا تحت الميكرسكوب المركب
سارة: (ضحكت جامد)حلوة دي
والدة سارة:والله بتكلم جد،اتجنن واعرف عايزة تخسى ليه
سارة:سؤال جميل ملوش اجابة
والدة سارة: (ضربتها على كتفها)بطلى لماضة وقومي افطري
سارة:لا مفيش فطار
والدة سارة:احسسن ادينا وفرنا فطار النهاردة
سارة:عقبال الغداء يا اختى
والدة سارة: (ضحكت)يلا بقى انا هروح على اودتى بدل ما تبدأي التمارين بتاعك
سارة:ومالها بقي التمارين بتاعتى؟
والدة سارة: مالهاش،بس بحس ان البيت بيميل وانتى بتعمليها
سارة:قصدك انى تخينة يعنى؟
والدة سارة: (ضحكت على هبل بنتها)لا طبعا ياحبيبتى،بس علشان انتى بتعمليها بطاقة حبتين
سارة:اينعم،لان الطاقة تولد حرارة فتجعلنى اقوم بالتمارين على اكمل وجه
والدة سارة: (ضحكت جامد،بعدين فتحت الباب علشان تخرج)سلام قبل ما تجننينى جنبك
سارة: (ضحكت)سلام ياست الكل

(و والدة سارة خرجت،وسارة قعدت تعمل تمارين نص ساعة،وبعدين خرجت من اودتها وراحت تقعد مع ريم فى اودتها،وجابت اللاب توب وفتحته،وجابت جنبها لتر بيبسى علشان تبدأ يومها من اوله على النت)

ريم:سارة هاتى البيبسى ده
سارة:لا حرام عليكم متحرمنوش من البيبسى اللى بحبه،لالا متاخدهوش مني بقى
ريم: (ضحكت جامد،بعدين بصت لسارة وهي رافعة حواجبها)وده من ايه ده؟
سارة: (ضحكت،وبصت لريم)من الحب ياحبيبتى
ريم:يعنى سبتى كل الولاد فى الدنيا،وحبيتى ازازة بيبسى لا بتودي ولا تجيب
سارة: (مثلت انها اتكسفت،وبصت فى الارض)الله بقى متكسفنيش،انتى عارفة اني حبيته وهو حبنى من اول نظرة
ريم: (ضحكت،واتعصبت ان سارة اتكسفت،قامت جابت المخدة من جنبها،ورمتها عليها)عيلة هبلة
سارة:انا حاسة انك بتشتمينى
ريم: (خافت من سارة،وابتسمت ليها)لا خالص ياحبيبتى
سارة: طيب سيبينى بدل ما اقوم ازعلك واياكى والبيبسى
ريم:طيب خلاص هجبلى بيبسى من الثلاجة
سارة:روحى ياشيخة بس حاسبى وانتى ماشية من المواصلات
ريم: هاهاهاهاهاي ياخفة

(ريم راحت جابت بيبسى ليها،ورجعت قعدت على السرير تكتب شعر زي عادتها،وسارة كانت عارفة انها بتكتب لانها متعودة ان اختها فى الوقت ده بتحب تقعد مع نفسسها وتألف شعر او قصص)

(سارة فتحت النت لقيت صاحبتها عهود ونطت من الفرحة)

ريم:اتهدي يابت خيلتينى
سارة: (حبت ترخم على اختها)شكلك هتشتغليلى علشان مش لاقية حاجة تعمليها
ريم:استهبلى استهبلى،على اساس انى مش عارفة انى قاعدة بكتب شعر
سارة:لا مش واخدة بالى
ريم:لا بقى خودي بالك
سارة: ما تاخديه انتى
ريم: (اتعصبت،وبصت لسارة جامد)خلينى اخلص الشعر اللى فى ايدي بدل ما اقوم اقلب البيت عليكي دلوقتى
سارة: (ضحكت،وخافت من ريم علشان كانت متعصبة اوي)احم احم يعنى عايزانى اعملك ايه يارورو ياحبيبتى؟
ريم:باختصار اخرسى
سارة:و ليه فى اختصار،ما تكملى قلة ادبك
ريم: (ضحكت جامد)لا هبقى اكملها بعدين
سارة:ماشى هسكت ،وربنا يكرمك وتخلصى الشعر اللى فى ايدك
ريم:خليكى فى حالك
سارة:ماشى ليك يوم ياظالم
ريم:تنرد فيه المظالم يازفتة

(سارة فتحت بسرعة مع عهود على الايميل علشان تتكلم معاها،وفكرت تبدأ معاها الكلام بطريقة تبين قد ايه هي وحشاها)

سارة:وحشتيني وحشتينى وحشتينى
عهود:ههههههههه فديتك وانتى بعد وحشتينى والله
سارة:فينـــــــــــك يابنتى من زمان محدش بيشوفك
عهود:والله ياعمري كنت مشغولة شوية علشان خطوبتى
سارة:اه قولتيلى،من اولها استاذ يونس هياخدك مننا
عهود: ياقلبى ما حد يقدر ياخدنى منك، انتى عارفة انى بحبك
سارة:احم احم مقدرش عالكلام الحلو ده ياناس
عهود: (بعتت ليها سمايل بيضحك) لا خليكى قوية وهتقدرى،امال ازاى هتستحملى يوم احمد يصير يقولك كلام حلو
سارة: احم احم ،خليه هو يقول كلام حلو الاول وانا ان شاء الله هعمل كل خير
عهود:ياعينى ياعينى،ربنا يقدرك يا احمد وتقول كلام حلو للبت اللى اسمها سارة لنشوف شو راح تسوي
سارة: (بعتت ليها سمايل مطلع لسانه)قوليلى انتى بس عاملة ايه؟
عهود:انا تمام الحمدلله ياسوسو وانتى؟
سارة:الحمدلله تمـــــام ياقلبى
عهود:اخر اخباري كنت امس مو فى البيت
سارة:ايه ده،ازاى تخرجي من غير ما تاخدي مني الاذن؟
عهود: اسفة ماما
سارة: هعمل نفسى مخدتش بالى وهعديها
عهود: والله روحت السينما مع اخوي واختى، كان يوم ولا اروع
سارة:بتغيظينى يعنى وانتى عارفة انى مبخرجش
عهود: ايوا بغيظك مثل ما كنتى تغيظينى زمان
سارة:طلع قلبك اسود يابت وانا معرفشش
عهود:اديكي عرفتى،علشان تتعلمى،مو عندكم تقولون واحدة بواحدة
سارة:اوببا،اتعلمتى المصري من ورايا
عهود:هههههههههه،طبعا طلعت من القعدة قدام التليفزيون بالساعات بفايدة
سارة: ياجامد ياجامد
عهود:قولتلك ترانى مو سهلة
سارة:الله يسهله،صحيح يونس عامل ايه؟
عهود: تمام الحمدلله بيسلم عليكي
سارة:الله يسلمه يارب
سارة:قوليله سارة بتقولك ابيت ام رفضت الفرح هيتعمل فى مصر
عهود:هههههههههه فديتك والله لسه بدرى على الفرح
سارة:مليش دعوة علشان يفهم من دلوقتى ولو مش عايز يعمله فى مصر يسيبك من دلوقت
عهود:والله على كيف حضرتك مثلا هو يسبنى ولا لا؟
سارة: طبعا مش انا صاحبتك،بعدين اهو احسن علشان مبقاش لوحدي
عهود:اما انك ندلة صحيح
سارة:بعضضا مما عندكم
عهود:اه ياكلبة،معلش حبيبتى سوسو بقوم ارتاح شوية وباكل تؤمرينى بشىء
سارة:هتوحشينى يادودي
عهود:ياقلبى وانتى اكتر بس بنتكلم بالليل ان شاء الله
سارة:ان شاء الله
عهود:انتبهى على حالك،سلام حبيبتى
سارة:حاضر وانتى كمان خلى بالك من نفسك،سلام يادودي

(سارة افتكرت انها مكلمتش منة ومنة مستناياها صرخت وضحكت بصوت عالى)

ريم:ياشيخة ادعي عليكي بإيه بس،ارحمينى
سارة: (ضحكت جامد،بعدين بصت لريم وهي بتستم)اسفة والله بس علشان المفروض اكلم منة
ريم:وانا مالى بس؟

(سارة راحت لريم ترخم عليها وحضنتها جامد)

سارة: علشان انتى تؤامي اللدود يارورو
ريم:كرهتينى فى نفسى بسببك ياشيخة
سارة: (ضحكت جامد،بعدين سلمت على ريم من بعيد بايدها)بصى هكلم منة و ارجعلك
ريم:ياريت مترجعيش
سارة:هاهاهاها،متخافيش هرجع يعنى هرجع
ريم:ربنا يرحمني منك ياشيخة

ريم:تؤام سارة والاتنين على طول يهزروا مع بعض،وبيحبوا بعض اوي،وروحهم مرتبطة ببعض وبيحسوا ببعض على طول، ومش بيفترقوا ابدا، وريم فى كلية اعلام انجليزى ومتفوقة فى دراستها، وبتحب كتابة الشعر والقصص وهى ممتازة فيهم، وتحب تاخد راي سارة على طول فى اىحاجة بتكتبها،طويلة وعيونها اسود غامق زي سارة،وششعرها بنى غامق وقصصير زي سارة وهي كمان محجبة،بشرتها خمري بس عييونها واسسعة عن سارة،زي القمـِر فى رأي كل اقاريبها الكبأر،عاقلة وفى نفسس الوقت مجنونة مع اصحـَابها

عهود: 20 سنة ومخطوبة ليونس وصاحبة سارة من النت لانها من الامارات،ونزلت مصر مرة علشان تشوفها،اصحاب اوي وسارة بتموت فيها،طولها متوسط،شعرها اشقر ومحجبة بردوا،عييونها خضراء غامقة و بشرتها سمرة سمار بسييط اوي،يعنى تعتبر بيضاء،دمها خفيف وسكر،بتحب الهزار واللعب،وفى وقت الجد بتتحمل المسئولية، وفى كليية فقه اسلامي

(سارة جريت تكلم منة علشان هي عارفة ان منة هتتعصب عليها،لانهم كانوا متفقين يتصلوا ببعض لما يصحوا،وسارة نسيت)

سارة:حبي الاول والاخير
منة:لا والله
سارة: (بتحاول تكتم ضحكتها)ايه يامنون مالك؟
منة:استهبلى ياختى استهبلى
سارة: (ضحكت جامد)خلاص يامنون نسيت
منة:انتى المفروض انك هتكلمينى لما تصحي كل ده نوم؟
سارة: (بتحاول تتوقع رد فعل منة،وبتتكلم وهي بتضحك)والله انا منمتش كتير،بس نسيتك بقى الصراحة وقعدت على النت
منة:اه يا
سارة:مسمحلكيش
منة: (ضحكت)يلا يازفتِة انا غلطانة اصلا انى عايزة اشوفك
سارة:سوري منون
منة:علشان احمد ياسوسو مش علشانى
سارة:والباش مهندس احمد ماله؟
منة:نسيتى ان احمد مشغول والمفروض هو اللى هيجبنى عندك وهيودينا سوا البيت
سارة:المفروض اخوكي ده لو جنتل يفضى نفسه علشانى
منة:طب تحبى يعملك ايه تانى يا هانم سارة؟
سارة: (بضحك)احم،لا كفاية عليه كده بردوا منتعبوش
منة:يابت هشتمك
سارة:اتفضلى حد ماسكك
منة: (ضحكت جامد)مش عارفة اعملك ايه بجد؟
سارة:حد قالكم تسكنوا بعيد؟
منة:احنا بعدك بساعة يا بتاعة انتى،بعدين تحبى ننقلك بيتنا فين؟
سارة: (حبت ترخم على منة)يعنى لو على النيل يبقى ميرسى
منة: (ضحكت بالرغم من انها متعصبة من سارة)والله انتى هبلة
سارة:ربنا يكرمك
منة:طب اقول لاحمد يقوم يلبس يعنى؟
سارة:اه قومي قوليله وانا كمان هلبس،بس هو احمد زعقلك يابت؟
منة:لا طبعا مش حضرتك حبيبة القلب
سارة: (بضحك)طلعنا بفايدة من حب اخوكي ده
منة: (بضحك)هتتطلع فوايد كتير بس استنى انتى
سارة:ادينى مستنية اهو يامنة بس هو يخلص بسرعة
منة: (ضحكت،بعدين وطت صوتك)اروح اقوله يخلص؟
سارة: لا خلينى تقيلة احسن
منة:مسيرك تقعي
سارة:اكيد هقع لو حد زحلقنى
منة: (بضحك)طبعا طبعا
سارة:يلا قومي البسى يارغاية
منة :اوك بس انتى كمان خلصى بسرعة
سارة:طيب بس بصى رنيلي قبل ما توصلي علشان انزلك
منة:اوك ياحبيبتى سلام
سارة:سلام يابطتى

(سارة جريت على اودتها علشان تلبس،ووقفت قدام الدولاب مش عارفة تلبس ايه،وبقت مش قادرة تفكر علشان هي عارفة انها بتاخد وقت فى اللبس)

سارة:اوبسى مش عارفة البس ايه
ريم:يعنى ياشيخة متقدريش تعيشى من غير ازعاج
سارة: (ضحكت جامد،ولفت وشها لريم وابتسمتلها)تصدقى والله نسيتك
ريم: (اتعصبت جامد)طب اديكي افتكرتى مسمعش صوتك بقى
سارة: اه علشان اسيب الشاعرة ريم تشعر براحتها صح
ريم:طبعا ده لو الباش مهندسة موافقة
سارة:والله هفكر بس ادينى سنتين افكر
ريم: (اتعصبت اوي،وبصت لسارة باستحقار)بردوا اخرسى
سارة:متهونيش عليا يا رورو
ريم:ابوس رجلك سبينى اهون عليكي
سارة: (ضحكت جامد)خلاص خلاص حرام انتى صعبتى عليا
ريم:ياه اخيرأ ياشيخة
سارة: (بابتسامة)طمنينى بس خلصتى قد ايه؟
ريم:خلصت شعرين الحمدلله
سارة:سيدي ياسييييدي
ريم:هنحسسد بقى وانا ناقصصاكي
سارة: (ضحكت)مش هشتمك دلوقتى علشان انا عايزاكي تسعدينى البس ايه
ريم: (غمزتلها)مصلحة يعنى
سارة:طبببببعا
ريم: (ضحكت،وقامت جنب سارة فى االدولاب)من عيونى هساعدك ياستى

(سارة هي وريم قعدوا يدوروا كتير،علششان سارة مش عاجبها حاجة،وبعدين طلعت فستان اسود فيه خطوط بمبي بسيطة،ولفت عليه طرحة اسود وفيها بمبي،ولبست جاكيت صغير لونه بمبي على الفستان ،وشنطة سوداء،وجزمة بمبي،وبعدين جابت نظارتها الشمس والموبايل جنبها علشان تستنى منة ترنيلها،وبعد ربع ساعة من ما سارة خلصت تجهيز حاجتها،منة رنت)

منة:يلا يابت انزلى
سارة: (بضحك)طب طب حاضضر

(ريم جت لسارة قبل ما تنزل عشان تهزر معاها شوية)

ريم:علشان تعرفى اني انا السبب فى الفضل فى الجمال ده
سارة: (ضحكت،وطلعت لسانها لريم)المضمون احلى على فكرة
ريم:المهم تعجبى احمد بس
سارة:اه ياسوسسسة
ريم:بحجزلك عريس الجواز دلوقتى بقى اصعب من العملة الصعبة
سارة: (ضحكت وغمزتلها) متخافيش هو بيحبنى اصلا
ريم:بطلى غرور بقي بدل ما اقطعلك الفستان الحلو ده
سارة: (ضحكت)لا لا خلاص اانا اسسفة
ريم:ايوة كده
سارة:يلا انا هنزل انا بقى علششان منة هتقتلنى،عايزة منى حاجة ياقمر؟
ريم :لا ياحبيبتى شكرأ،انا كمان هنزل بعد شوية
سارة:بوسيلى اية بقى
ريم:من عيونى حاضضر
سارة:يلا سلام ياريمِو
ريم:سلام ياختى

(سارة باست اختها،وسلمت على مامتها ونزلت وهي بتجري)

(منة اول ما شافت سارة ابتسمت،ونزلتلها من العربية علشان كانت وحششاها)

منة:عينى على الجمال ياناس
سارة:لا كده هاخد مقلب فى نفسى
منة: (ضحكت)خدي وانا اديكي على وشك علشان افوقك
سارة: (ضحكت جامد)طول عمرك رخمة
منة: (ضحكت جامد)والله وحششانى
سارة:ياقلبى انتى اكتر،بس ايه ياعم الجمال ده،بجد زي القمر
منة :يؤه بقى متكسفنيش
سارة: (ضحكت بعدين لفت وشها بعيد عن منة علشان ترخم عليها)ماشيى ياست المكسوفة
منة:يلا نخش العربية بدل ما اتحرق فى الشمس،وانتى عارفانى بيضة
سارة: (ضحكت باستهزاء)طبعا طبعا وانتى هتقوليلى
منة: (مسكت سارة من ايدها وخدتها لحد العربية،وفتحتلها الباب،ودخلتها،وبعدين دخلت وراها)ادخلى ياختى
سارة: (وهي بتدخل،بصت فى الارض)السلام عليكم
احمد: وعليكم السلام ورحمة الله وبركاته
سارة: (اتكسفت ومكنتش عارفة تقول ايه)بجد انا اسسفة عطلتك عن الشغل
احمد: (استغرب جامد)شغل ايه انا اجازة النهاردة اصلا
سارة: (بصت لمنة جامد،وزقتها فى كتفها جامد،ومنة ضحكت،وسارة اتكسسفت اوي بعدين بصت فى الارض)اه خلاص
احمد: (خد باله من اللى سارة عملته لمنة وضحك،بس محبش يحرجها)ولا يهمك بس بردوا انا مش ورايا شغل النهاردة
منة:اصل انا قولتلها كده علشان تخلص
سارة: (اتكلمت بصوت واطي)والله هربيكي
احمد: (ضحك)طبعا ما انتى رخمة يامنة هنقول ايه
منة: (ضحكت لسارة)خلاص بقى مكنش قصدي
احمد:حصل خير،تحبوا اشغلكم حاجة فى الكاسيت قبل ما نتحرك؟
منة: (بصت لسارة واتكلمت بصوت واطي)يشغلنا ايه؟
سارة: (بصوت اوطي علشان مش عايزة احمد يسمعها)خليه يشغلنا شريط مسعود كارتس
منة:شريط مسعود كارتس ياباشا
احمد: (ابتسم لاخته فى المراية،وطلع الشريط)عيونى حاضر
منة:ايه ده انا نسيت اتخانق معاكي
سارة: (ضحكت،ورفعتلها حاجبها)وتتخانقى ليه بقى؟
منة:علشان حضرتك بتستعبطي
سارة: ليه يعنى؟
منة:انتى اتاخرتى عليا 10 دقايق
سارة:ده انا كده اتطورت،انتى نسيتى كل مرة كنت برميكي فى الشارع بالنص ساعة
منة: (ضحكت،وبعدين بصت لسارة جامد)ده على اساس انك بتفكرينى بزمان علشان اعمل ايه؟
سارة:عششان تتخانقى كويس بقى
منة: (ضحكت جامد)اما انك بت عايزة الحرق صحيح
سارة:مش هزعلك،انا اسسفة ياحبيبتى
منة:طب خلاص سامحتك
سارة:منة بقولك انا هكلم الدكتور
منة:دكتور مين؟
سارة:دكتور فاروق اساله نتيجتنا امتى
منة:على اساس بقى انك واثقة انك هتتطلعى الاولى يعنى؟
سارة: (ضحكت)مش من مستوايا
منة: (ضحكتلها)امال عايزة تعرفى النتيجة ليه ياستى؟
سارة:عايزة اخلص بقى حاسة بقلق
منة:ما انا واخدة بالى من القلق ده
سارة: (ابتسمت)احم
منة: (اتكلمت بصوت واطي وهي بتضحك)والله لافضحك قدام احمد
سارة: (طلعلتها لسانها)اخرجي انتى منها وهي تعمر
منة:مليش مزاج اخرج
سارة: (ضحكت جامد،واتكلمت بصوت واطي اوي)طز فيكي وفى اخوكي
منة: (اتكلمت بصوت عالى علشان تخلى احمد يسمع)بتقولى ايه ياسارة
سارة: (وشها احمر جامد،وحاولت تتكلم عادي)بقولك هنكلم الدكتور
منة: (ضحكت جامد،وطلعت لسانها لسارة)اه اوك كلميه،بس هو هيقولك نتيجتك انتى صح؟
سارة:لا يابنتى مش هيقولى النتيجة،هو هيقولى هتتطلع امتى،وكمان هيعرف نتيجتك هتتطلع امتى لانه عارف ماشاء الله كل حاجة فى المدرسة
منة:اوك كلميه بس خلصينى هموت من القلق
سارة:طب هستنى شوية لحد ما تموتى
منة: (ضربتها فى كتفها)خلصى ياباردة
سارة: (بضحك)حاضر حاضر

(سارة اتصلت بالدكتور على طول علشان تعرف نتيجتها امتى هتتطلع)

سارة: السلام عليكم يادكتور
دكتور فاروق:وعليكم السلام ورحمة الله وبركاته،سارة صح؟
سارة:هي والله يادكتور
دكتور فاروق: (ضحك)انتى غيرتى رقمك؟
سارة:اه الرقم التانى اتحرق
دكتور فاروق:معلش ياسارة خيرها فى غيرها
سارة: (بضحك)ان شاء الله يادكتور،ازي حضرتك؟
دكتور فاروق:انا الحمدلله انتى عاملة ايه؟
سارة:انا كويسة الحمدلله يادكتور،وايه اخبار الجامعة؟
دكتور فاروق:كويسة،بس نتيجتك ظهرت على فكرة؟
سارة:ايه مين دي اللى ظهرت؟
دكتور فاروق: (ضحك جامد)نتيجتك ياباش مهندسة
سارة:بجـــــــــــــد؟
دكتور فاروق:اه والله،بس هو محدش قالك؟
سارة:دي نعمة من ربنا ان محدش قالى،انا كنت عايزة اقضى اجازتى براحتى الاول
دكتور فاروق: (ضحك جامد)انا جبت نتيجتك اصلا علشان اطمن عليكي،استنى اجبهالك
سارة:ليه بس يادكتور جبتها عايز تتصدم؟
دكتور فاروق: (بضحك)حرام عليكي نتيجتك جميلة ماشاء الله
سارة:انا كده بدات اطمن
دكتور فاروق:اطمني،انتى جبتى فى 3 مواد امتياز مادتين جيد جدا وفى مادة واحدة بس جيد
سارة:لااا مستحيل دي تكون نتيجتى، اكيد الاسم غلط
(منة اتخدت لتكون صاحبتها سقطت ودي اول سنة ليها فى الجامعة)
دكتور فاروق:لا ثقى فى نفسك شوية ياسارة
سارة:يعنى دي بجد والله؟
دكتور فاروق: لا انا بضحك عليكي
سارة: (ضحكت)لا العفو يادكتور،بس ما انا طلعت شاطرة اهو

(منة ارتاحت لما عرفت ان صاحبتها مسقطتش،وابتسمت واستنت تعرف ايه الموضوع لما سارة تخلص)

موضوع: رد: رفيق عمري السبت فبراير 05, 2011 1:17 pm

بانتظار الباقي عزيزتي

موضوع: رد: رفيق عمري الأحد فبراير 06, 2011 1:47 am

روآية في قمة آلروعه

يعطيك آلعآفيه

في آنتظآرك

^^
تحيآآتي

موضوع: رد: رفيق عمري الأحد فبراير 06, 2011 7:04 am

..وااااااااااااااااااااااااااااااو..

..روووووووووووووووعة..

..بالتوفيق..

رفيق عمري 3395

موضوع: رد: رفيق عمري الأحد فبراير 27, 2011 7:05 pm

معـِلش بنــأت كان فى غلـِطة فى القصَـَة وتمِ التصليَح ^$^2

انـِا مبسسـَـوطة جدإ ان القصـِـِة عجبتكِم وان شـأء اللهَ هكملهِِـا على طول H((*)

موضوع: رد: رفيق عمري الجمعة مارس 04, 2011 6:19 pm

دكتور فاروق:طول عمري بقول انك شاطرة،وواثق انك هترفعى اسمي واسم الجامعة لفوق ان شاء الله
سارة: ربنا يخليك يادكتور والله ده من ذوق حضرتك
دكتور فاروق:ربنا يكرمك واشوفك من اشهر مهندسين الديكور
سارة:امين يارب،ولو بقيت كده ان شاء الله كله هيبقى بتوفيق ربنا ثم تعب حضرتك معايا
دكتور فاروق:يارب على طول تفضل درجاتك كده
سارة:ان شاء الله يادكتور
دكتور فاروق:صحيح منة عملت ايه فى نتيجتها انا عرفت انها ظهرت؟
سارة:منة جنبى اهي
دكتور فاروق:اديهانى اسلم عليها واقولها انا ان نتيجتها ظهرت
سارة: (ادت الموبايل لمنة)خودي الدكتور عايزك يامنة
منة: (بخوف وقلق)السلام عليكم يادكتور
دكتور فاروق:وعليكم السلام ورحمة الله وبركاته،ازيك يامنة
منة:انا الحمدلله يادكتور،وحضضرتك
دكتور فاروق:انا كويس الحمدلله،خليكي معايا يامنة اشوفلك نتيجتك
منة: (بقلق)اوك انا مستنية مع حضرتك

(دكتور فاروق ركن الموبايل،وفتح اللاب يشوف النتائج،ودور على نتيجة منة،ومنة قاعدة هتموت من القلق وسارة بتهديها،وبعدين الدكتور بعد 5 دقايق رد على منة)

دكتور فاروق:الحمدلله لقتلك النتيجة بسرعة
منة: طب ايه يادكتور؟
دكتور فاروق: امتياز فى مادة و4 مواد جيد جدأ و جيد فى مادة واحدة
منة:الله الله الله الله
دكتور فاروق: (ضحك جامد)الحمدلله
منة:ربنا يفرحك يادكتور زي ما فرحتنا
دكتور فاروق:مبروك ياباش مهندسسة عقبال التخرج
منة:امين يادكتور ان شاء الله
دكتور فاروق:اسيبكم انا دلوقتى علشان فى ناس عايزة تعرف ليه سقطت فى مادتى قال يعنى نجحوا فى كل المواد وسقطوا فى مادتى بس
منة: (بضحك)ربنا يعينك يادكتور
دكتورفاروق:ان شاء الله،يلا سلام يامنة
منة:سلام يادكتور

(منة بصت لسارة وهي بتضحك،وسالت سارة عن نتيجتها،وسارة قالتلها وبعد كده سارة عرفت نتيجة منة،وهما ال2 ابتسموا جامد من الفرحة وفجاة هما ال2 حضنوا بعض،واحمد شافهم فى المراية وابتسم)
منة:انا شايفاك ساكت يعنى؟
احمد:والمفروض اتكلم واقول ايه ياست منة؟
منة:تسالنى على نتيجتى؟
احمد:اه علشان كنتى بتكلمى الدكتور يعنى؟
منة:طب ما انت سامع المكالمة من اولها اهو
احمد: (ضحك جامد)يعنى مش من اولها اوي،بس انا قولت اسيبك تصوتى وتضحكي وتفرحي شوية وبعدين اسالك
منة:تقدر تسال انا اكتفيت بالقدر ده دلوقت
احمد: (بضحك)عملتى ايه يامنون؟
منة:امتياز فى مادة و4 مواد جيد جدا وجيد فى مادة وبجدارة
احمد: (بضحك)جبتيها ازاى دي؟
منة: قل اعوذ برب الفلق،ايه يابنى انت هتسحدنى ولا ايه؟
احمد: (ضحك جامد)يعنى ما شابه ذلك،شوفى انا موافق على كله ماعدا الامتياز دي
منة: ليه يا استاذ احمد؟
احمد: اصلك كنتى جايلنا ايام الامتحانات بتعيطي
منة: دي بركة دعاء الوالدين يابنى
احمد:مع ان ماما بتدعي عليكي
منة: (ضحكت جامد)يعنى مفيش مبروك؟
احمد:الف مبروك ياحبيبتى،وليكي هدية عندي
منة:ايه ايه ايه؟
احمد:اما افكر فيها هبقى اقولك
منة: (ضحك جامد)ماشيى ياخويا فكر وقولى

(احمد كان عايز يسأل سارة هي عملت ايه،بس حس انه كده تعدي حدودوه،مرديش يسأل وقال يبقى يعرف من منة بعدين،وقعدت منة وسارة يتكلموا طول الطريق،واحمد ساكت وبيسمع الشريط،ولما وصلوا احمد نزل وفتحلهم الباب)

احمد: (بابتسامة)اتفضلوا
منة: (ضحكت،وغمزتله)من امتى الذوق ده؟
احمد: (وطي صوته)من ساعتين كده يارخمة
منة: (وطت صوتها )عارف لو كان فى حديدة هنا كنت فتحتلك دماغك الحلوة دي
احمد: (ضحك جامد،وبص لمنة)ليه كده يابنتى الشر ده؟
منة: علشان عايز تتظبط
احمد:انا متظبط يابت انتى
منة: (ضحكت،ووطت صوتها)خايف على شكلك قدام سارة
احمد: (رفع حاجبه)عايزة ايه يازفتة انتى من الاخر؟
منة:خلاص حرام مش هفضحك قدامها
احمد: (بضحك)هبقى افكرلك فى هدية احسن
منة: (ابتسمت)تسلملى

(ودخلوا البيت،وجات على طول ماما احمد علشان تسلم على سارة لانها بتحبها اوي)

ام احمد: حبيببببببببتى
سارة: (ضحكت،وراحت حضنتها وسلمت عليها)ازيك ياست الكل عاملة ايه؟
ام احمد:انا الحمدلله انتى عاملة ايه؟
سارة:انا كويسة الحمدلله ياطنط والله
ام احمد:والله ليكي وحشة
سارة: (ابتسمت بخجل)ربنا يخليكي ياطنط،والله وحضرتك اكتر
منة:فى احساس جوايا بيقولى ان سارة هي اللى بنتك مش انا
سارة: (ضحكت جامد،وبصت لمنة)ما انا بنت المصريين
ام احمد: (بضحك)الصراحة سارة دي اكتر من بنتى
سارة: (اتكسفت وابتسمت ليها)ربنا يخليكي ياطنط
منة: (حطت ايدها على كتف احمد وضحكت لسارة ومامتها)انا بقول اننا ملناش مكان فى البيت ده يا احمد
احمد: (ضحك ونزل ايد منة)انا بقول تنزلى ايدك مش كده؟
منة: (ضحكت جامد،واتعصبت)شكلى انا اللى همشى لوحدي
ام احمد: (ضحكت جامد)يا احمد سبت البت لوحدها دي البت بتستنجد بيك
احمد: (بص لمامته وضحك)معرفهاش
منة: (ضحكت جامد)ربنا يكرم اصلك
ام احمد: (بضحك)ياحبايبى انتم ولادي اللى مقدرش استغنى عنهم،بس سارة انا مبشفهاش الا قليل
منة:يابختك يا ست سارة
سارة:شكلك هتحسدينى
منة:مفيش مانع يعنى
سارة: (ضحكت وبصت لمنة)وانا تحت امرك ياحبيبتى
منة: (راحت لسارة وباستها)يخليكي ليا يا سارة
احمد: (بص لمامته)فى خبر حلو اوي منة وسارة هيقولوه ليكي دلوقت
منة: (بصت لسارة وابتسمت)تصدقى نسينا نقول لماما
ام احمد: يلا فرحونى يابت انتى وهي
منة: (ضحكت وغمزت لمامتها)احنا نجحنا
ام احمد: (رفعت حاجبها لمنة) ده على اساس انكم كنتوا هتسقطوا يعنى؟
منة: (بضحك)يعنى ،بس اقصد جبنا حاجات حلوة يعنى
ام احمد: طب وايه الحاجات الحلوة دي يا ستى؟
منة:انا جبت فى مادة امتياز وفى 4 مواد جيد جدا وفى مادة جيد
ام احمد: (جريت حضنت بنتها)مبرررررروك ياروح قلبى،عقبال التخرج يارب
منة: (باست مامتها)الله يبارك فيكي يا احسن ام فى الدنيا
ام احمد:وانتى ياسارة عملتى ايه؟
سارة: (ابتسمت لماما احمد) الحمدلله،جبت امتياز فى 3 مواد وجيد جدا فى مادتين وجيد فى مادة

(احمد لما سمع نتيجة سارة ابتسم،بعدين حمد ربنا على النتيجة كأنها نتيجته)

ام احمد: (فرحت اوي،وجريت حضنت سارة)ماشاء الله ،الف مبروك ياقمر ،والله نتيجتك حاجة تفرح
سارة: (ابتسمت بكسوف)ربنا يخليكي ياطنط والله
منة:وانا نتيجتى حاجة تحزن يعنى؟
ام احمد: (بضحك)ده انتى نتيجتك احسن نتيجة فى الدنيا
منة:شكرأ يا ماما ياعسسل
ام احمد:ليكوا بقى بكره حفلة عندي ان شاء الله
سارة:خليها بقى بعدين ياطنطِ معلش
ام احمد:ليه بس؟
سارة:اصلى همشى النهاردة
ام احمد:ياسارة ده اليوم خلاص بيخلص،انتى لحقتى تقعدي معانا؟
سارة:حضرتك عارفة مامتى مش هترضى تخلينى ابات بره،انتى عارفة هي بتخاف عليا قد ايه؟
ام احمد:متخافيش مامتك دي حبيبتى ،خليها عليا انا
سارة:اوك لو كده ماشى
ام احمد:يلا هروح انا بقى اكمل الغداء ياحبايبى

(و راحت ماما احمد على المطبخ،واحمد طلع على اودته،ومنة خدت سارة على اودتها يقعدوا فوق لحد ما مامتها تخلص الاكل)

ام احمد:40 سنة بتعشق ولادها وممكن تعمل اي حاجة علشانهم،ومش بتشتغل علشان هي شايفة ان وجودها فى البيت جنب ولادها اهم،جوزها مسافر فى شغل لكن علاقتهم ببعض كويسة اوي ،دمها خفيف وبالرغم من انها كبيرة بس مش باين عليها لانها بتهتم بنفسها وبتحب تعيش حياتها طول ما هي بتعمل حاجة ترضى ربنا،صاحبة ماما سارة وبتحب سارة زي بنتها

ريم:السلام عليكم
اية: وعليكم السلام ورحمة الله وبركاته
ريم:وحشتينى يازفتة
اية: (ضحكت)احب الرومانسية اللى فيكي
ريم: (ضحكت جامد)شوفتى ادينى مش حرماكي من حاجة اهو
اية:ابوس رجلك احرمينى ياشيخة
ريم: (بضحك)مقدرش
اية:يامصبر يارب،على العموم انتى كمان وحشتينى
ريم:حبيبتى يا اية انتى والله
اية: صحيح فين البت سارة دي محدش بيشوفها
ريم:عند منة صاحبتها ياختى
اية:البت دي مش هتبطل خروج،كده مش هتتجوز
ريم:ومال الجواز بالخروج يا بت انتى؟
اية: (بضحك)معرفش والله
ريم: (ضحكت جامد)يلا ياعبيطة انتى
اية:شكلك كده قايمة تلبسى؟
ريم:اه وقولت افكركِ
اية:لا متخافيش المرة دي فاكرة
ريم:احمدك يارب
اية: انا بقى هقوم البس ولما تخلصى كلمينى قوليلى اوك؟
ريم:من عيونى حاضر،عايزة حاجة مني ياحبيبتى؟
اية:لا ياقلبى ربنا يخليكي،سلام
ريم:سلام

اية: 18 سنة،فى كلية هندسة كمبيوتر بس مش مع سارة فى نفس الكلية،اصحاب هي وسارة وريم من اعدادي وبيموتوا فى بعض،ومقررين انهم يفضلوا قريبين من بعض لحد ما يموتوا،اية شخصية اجتماعية اوي ،دمها خفيف وكل اصحابها بيحبوا يقعدوا معاها علشان بتسمع ليهم كلهم،وبالذات لو حد مخنوق او زعلان،بتحب تقرا كتير وتتعلم،بيضة بس مش اوي بس عندها غمازتين مخلينها صاحبة جمال مش عادي، ولون عيونها اخضر يجنن،شعرها بنى وطويل وناعم،بس هي محجبة وبالحجاب شكلها احلى

(ريم وقفت قدام الدولاب،وبعد وقت طويل وهي بتدور على لبس،طلعت بلوزة حمرا لبستها على جيبة سوداء واسعة من تحت،ولفت الطرحة احمر فى اسود،ولبست جزمة حمرا وشنطة سوداء،و اتصلت باية قالتلها انها خلصت وانها هتنزل،بعدين خدت نظارتها الشمس ومفتاح العربية،ونزلت على طول)

(اية وقفت قدام المراية،وقعدت تضحك من غير سبب،بعدين ضحكت على عبطها،ولبست بنطلون اسود ،وعليها بلوزة بيضاء طويلة،ولفت طرحة واحدة سوداء من فوق،لبست شنطة سوداء وجزمة بيضاء،ونظارة شمس سوداء،ولما ريم اتصلت بيها ،خدت مفاتيح عربية باباها علشان كان سايبها ليها ونزلت،ووصلوا قدام المطعم واتقابلوا عند الباب)

اية: (لما شافت ريم جريت عليها،وحضنتها جامد،بعدين غمزتلها)حبيبتى قمر ياناس
ريم: (ابتسمت وغمزلت لاية)مش لوحدي على فكرة
اية:وحشتينى يا بت بجد والله
ريم:ياقلبى انتى اكتر
اية:بقينا بنات اهو
ريم: (ضربتها على كتفها)امال كنت قبل كده ايه ان شاء الله؟
اية: (بضحك)حسين
ريم: (ضحكت بعدين مسكت ايد اية)انا بقول بقى نخش احسن بدل ما اقع منك هنا
اية: اموت واعرف بتودي الاكل ده فين
ريم:خليكي فى حالك انا معدتى قدها وقدود
اية: (بضحك)طبعا طبعا
ريم: بس اهم حاجة يابنتى انه مش بيبان عليا
اية: (بضحك)على راي المثل،زي القطط بتاكلى وتنسى
ريم: (ضحكت جامد،بعدين فتحت باب المطعم و مسكت اية علشان تدخلها)ادخلى ياخفة
اية: (غمزتلها)انطلقى بقى واطلبلنا كل اللى فى المطعم
ريم : (ضحكت بعدين زقت اية فى كتفها)من الواضح انى عديتك
اية: (بضحك)فداكي،بس يلا اجري
ريم: (مشيت علشان تروح تطلب الاكل،وبصت لاية من بعيد،وطلعلتها لساانها،واتكلمت بصوت واطي خالص علشان محدش يسمعها)مش هطلبلك
اية: (بضحك)هقتلك فيها

(صحيت وكانت حاسة انها مبسوطة،نزلت على السلم ولما لقت اخوها ابتسمت،وراحت قعدت جنبه)

سمر:صباح الفل والجمال ياباشا
خالد: (بضحك وباين على وشه الاستغراب)ايه يابت الروقان ده كله
سمرطلعت لسانها لخالد وهي بتضحك)معلش نسيت اقول صباح الرخامة
خالد:داهية لتكونى مبسوطة يابت؟
سمر: (اتعصبت،وبصتله وهي نفسها تتضربه)اه مبسوطة عندك مانع
خالد:يبقى هتخلصى الاكل النهاردة
سمر: (ضحكت جامد)وانت على طول همك على بطنك كده
خالد: (بضحك)الواحد مبيخرجش من الدنيا دي الا بالاكل يابنتى
سمر: (ضحكت جامد)اما انك جعان جاسوس
خالد:ومفيش عميل بالمرة؟
سمر: (بضحك)لا نسيتها دي
خالد: (حب يرخم على اخته،ضحك بعدين بصلها)اتجنن واعرف مين العبيط اللى هيتجوزك ده
سمر:يابنى ده انا جوزي هيبقى احسن واحد فيكم،وبكره تشوف
خالد:ان مكنش جوزك ده دخل السجن اربع مرات مبقاش انا خالد
سمر: (ضحكت،وطلعت لسانها لخالد)امال هتبقى محمد ولا ايه؟
خالد:لا هبقى تامر يا سخيفة
سمر:والله عايز تتضحك بس مكسوف
خالد:مش باقى الا اتكسف منك انتى يابت
سمر: (باستغراب)ليه يعنى منفعش؟
خالد:لا بس اصل على زمانا البنات هي اللى كانت بتتكسف
سمر: لا ده كان ايام زمان
خالد: بت صحيح واحدة صاحبتك اتصلت بيكي
سمر:مين ها مين ها مين ها مين ها
خالد: (وشه احمر من كتر العصبية)ايه ده ما كفاية واحدة ياغبية انتى
سمر: (بضحك)علشان اصدعك يابنى
خالد:طب ابقى شوفى مين هيقولك مين اللى اتصل بيكي
سمر:وحياتى يا خالد ياحبيبى قولى مين اتصل
خالد: لا والله دلوقتى حبيبك،ومن شوية كنت جاسوس جعان
سمر: (بضحك)وعميل كمان
خالد: (ضحك جامد)باختصار اسرائيلى يعنى
سمر:معلش معلش
خالد:اسمها اريج ياختى
سمر:هبقى اكلمها ان شاء الله،بس انتى شكلك بتهرب على فكرة؟
خالد:يعنى ايه؟
سمر: (بصوت عالى)يعنى عايزة افطر
خالد:ياخوفى منك،شكلك هتاكلى اكلى
سمر: انت تسيب حد ياكل اكلك؟، مصدقهاش دي
خالد:لا صدقيها
سمر: (جابت مخدة ورمتها عليه)ما تبطل رخامة ياواد انت
خالد: (مسك مخدة تانية،ورماها عليها جامد)مش انا اللى اضرب يابت

(بعدين قعدوا يرموا على بعض المخدات،ويجروا وراء بعض،ويلعبوا كانهم اطفال،لغاية ما اترموا هما ال2 على الكنبة وهما ميتين من الضحك)

سمر:18 سنة فى كلية اداب انجليزي،وبتشتغل فى مكتب وبترجم كتب وابحاث واحصائيات،سكر وعسل ومحبوبة بين عائلتها كلها،حبيبة اخوها خالد ومبيقدرش يرفضلها اي حاجة،مثقفة ومعروفة بين جامعتها بالاحترام،بنت خالة سارة وريم وبتحبهم،وهما بيموتوا فيها وبيحبوا يبقوا معاها على طول،شعرها بنى فاتح مدي على اشقر،عيونها واسعة ولونها اسود غامق،طولها كويس وبشرتها بيضاء ،والحجاب مزود جمالها

خالد:21 سنة،كلية صيدلية ،بيدرس وبياخد كورس فى الصيدلة فى جامعة خاصة علشان يزود من علمه،عسل ودمه خفيف اوي،اجتماعي بين عائلته وبيعرف يتكلم مع الكبير قبل الصغير،عنده لباقة فى الكلام وبيقدر يوصل كلامه للناس بطريقة عقلية،جميل ولون شعره اسود غامق وناعم،وعيونه خضراء وبشرته خمرية (بين الاسمر والابيض)،وسيم بدرجة كبيرة وكل اقاريبه بيتكلموا عن احترامه وادبه واخلاقه وشياكته،اخو سمر وبيموت فيها،وبالنسبة ليه حاجة مهمة اوي ميقدرش يزعلها،وابن خالة سارة وريم ومتربى معاهم من زمان،ويعتبروا اكتر من اخوات وميحبش حد يزعلهم

اريج:20 سنة،كلية علوم،نفسها تبقى عالمة ذرة بس لسه مقدرتش تتدرب فى مكان لانها بتدرس فى الاجازة حاجات تساعدها تكون عالمة مشهورة،ذكية وفى نظر الدكاترة فى كليتها عبقرية،ربنا رزقها بطريقة فى التفكير تساعدها انها تكون ناجحة فى شغلها وحياتها،بتحب الضحك والهزار بس فى نفس الوقت بتبقى جد اوي فى المواقف الصعبة،شعرها احمر غامق وطويل لاخر ظهرها ومموج،بس هي محجبة،عيونها رمادي وبشرتها بيضاء اوي،زي القمر،اهلها بيحبوا القعدة معاها علشان بتحترمهم وبتحاول ترضيهم باي طريقة،بنت عمة سارة وريم،وقريبة منهمِ اوي علشان كانت ساكنة جنبهم وهما صغارين وقضوا طفولتهم سوا،بتحبهم وبتعتبرهم اكتر من اخواتها

(راحت سمر صبحت على مامتها،وطلبت منها تعملها الفطار،وراحت تكلم اريج عقبال ما مامتها تخلص)

سمر:حبيب قلبى
اريج:حبيبتى حبيبتى
سمر: (بضحك)عاملة ايه يابت فى الاجازة؟
اريج:زي ما وعدتك،مبقعدش فى البيت
سمر: (بضحك)الله عليكي يا روجتى
اريج:ده انا نسيت شكل لبيت يابنتى
سمر: (ضحكت جامد)احسن، من جمال بيتكم يعنى
اريج:انتى قولتى ايه يابت ؟
سمر: (ضحكت بصوت واطي)لا ولا يهمك
اريج:لو كنت سمعتك بس
سمر: (بضحك)نعمة انك مسمعتيش
اريج: (ضحكت جامد)ماشى ياسمر
سمر:بت انتى وحشانى وعايزة اشوفك بجد
اريج:ياروحي والله انتى وحشانى اكتر
سمر:انتى فاضية النهاردة؟
اريج:مع جزيل اسفى ،ايوة
سمر: (بضحك)طب ما تيجي
اريج: البيت يعنى؟
سمر:اه والله انا صاحية رايقة،يعنى هضحك
اريج:لو فيها ضحك يبقى هاجي
سمر: (بضحك)تنوري يابت
اريج:ربنا يخليكي ياحبيبتى
سمر:ها بجد هينفع تيجي؟
اريج:طب بصى هقفل معاكي واروح اقول لماما وبابا وارجع ارد عليكي
سمر:ااوك مستنياكي
اريج:سلام يابت دلوقت
سمر:سلام ياقلبى

(واريج قفلت ،وراحت غسلت وشها،ودورت على مامتها لقتها بتتفرج على التليفزيون،راحت باست راسها،بعدين باست ايدها وقعدت جنبها،وقالتلها انها عايزة تروح،ومامتها وافقت علشان عارفة قد ايه بنتها بتتعب فى الدراسة وبتبقى محبوسة فى البيت،بعدين اريج راحت لباباها فى المكتب وكان بيقرأ كتاب،باست ايده وطلبت منه تروح لسمر،وهو كمان وافق علشان هو عارف ان اريج بتحب سمر وهتتبسط لو راحتلها،بعدين اريج جريت على اودتها علشان تكلم سمر)

اريج: انا جاية ياباشا ان شاء الله
سمر:ايوة بقى
اريج: (بضحك)هنهيس ياسمسم
سمر: (بضحك)طبعا،بس قوليلى هتيجي بعربيتك؟
اريج:اه عربيتى حبيبتى اللى بتمشى خطوتين وتقول كفاية كده تعبت
سمر: (ضحكت جامد)طب ما تصلحيها يابنتى
اريج: (بضحك)مكسلة يابنتى والله،حتى ماما عمالة تقولى يابنتى خدي عمرو وانزلى شوفى عربية جديدة واشتريها،بس انتى عارفانى بعشق العربية دي
سمر: وهي كمان بتحبك
اريج:بس يارخمة
سمر:طب تحبى اخلى اجي انا وخالد نجيبك؟
اريج:لا حرام يابنتى مش عايزة اتعبه
سمر: انا بقى عايزة اتعبه
اريج: (بضحك)شكلك بتحبيه اوي
سمر: ده خالود حبيبى

(خالد كان رايح اودته وسمعها وهي بتقول خالود،اتعصب اوي لانه بيكره حد يدلعه،ودخل على اودتها بسرعة)

خالد:خالود فى عينك يازفتة انتى
سمر: (نطت من السرير علشان اتخدت،وضحكت جامد)انت بتتسنط عليا يا واد انت؟
خالد: (ضربها على دماغها)كنت معدي وسمعتك بتتنيلى تدلعينى
اريج:شكله سمعك،ربنا يستر عليكي ياسمسم
سمر: (بضحك)على رايك يابت
خالد:بتتكلمى مع مين يازفتة عنى ؟
سمر: (طلعتله لسانها)مع حبيبي
خالد:مين العبيط اللى هيحبك اصلا؟
اريج:اوووووه شكلكم هتبدوا الخناقة
سمر: (بضحك)اه وخليكي انتى الحكم يا اريج
خالد:هبقى محترم،ولما تخلصى لينا كلام تانى
سمر:اه يفضل لحسن البت تخاف مني
اريج: (ضحكت جامد)انا بخاف منك اصلا
خالد:مش عارف هي ليه بتكلم واحدة زيك اصلا (وحس ان سمر هتتعصب،جري،وقفل الباب على طول)
سمر:شوفتى الواد الخواف،رخم عليا وجري
اريج:من الواضح كله بيخاف منك
سمر: (بضحك)انا عاملة ليهم رعب يابنتى فى البيت،بس شوفتى اخويا رخم ازاى؟
اريج: (بضحك)انتم ال2 نكتة مع بعض والله
سمر:شوفتى ضحكتك قبل ما تيجي اهو
اريج: (بضحك)الصراحة اخوكي عنده حق
سمر:فى ايه؟
اريج: (ضحكت بصوت واطي)علي انى ليه مصاحبة واحدة زيك
سمر: طب لما تيجي هوريكي يا اريج
اريج: (بضحك)لا خلاص مش جاية،انا باقية على روحي
سمر: هعملك هركليز لما تيجي بقى
اريج:لا اعملى زينة مراته احلى
سمر: بس يارخمة،وبصى بقى انا هقوم دلوقت اقول لخالد علشان يوصلك وهشوف ايه نظامه اوك؟
اريج:بعد الخناقة دي مظنش يوافق
سمر: (ضحكت جامد)لا خير ان شاء الله
اريج:اوك روحي قوليله انتى،وانا هقوم اجهز حاجتى،ولو منفعش انا هاجي بعربيتى العبيطة دي
سمر: (بضحك)لا هتحايل عليه ،انا بردوا بحبك
اريج: (بضحك)طب ياختى هستناكي تردي عليا
سمر:اوك باي
اريج:باي ياسمسم

موضوع: رد: رفيق عمري الجمعة مارس 04, 2011 6:24 pm

(سمر راحت تخبط على اودة اخوها علشان تقوله ياخدها علشان تجيب اريج لان سمر بتخاف تسوق عربيتها)

سمر: اخويا حبيبى
خالد: (اول لما شافها،جري عليها وشالها ورماها على السرير)ياكلبة ده انا هوريكي
سمر: (قعدت تضحك جامد وبصوت عالى)بس بقى
خالد:هأجل تعذبيك بعد شوية علشان انا مبسوط
سمر:كويس علشان لما انكد عليك،محسش بالذنب
خالد:استغفر الله منك ياشيخة، ده انا اخوكي الوحيد
سمر: (بضحك)و اريج صاحبتى
خالد: (رفع حاجبه ليها)ومال اريج بالخناق اللى بينا ده
سمر:عايزاك تاخدنا ليها علشان اجبها عندنا
خالد: (ضحك بعبط)مش فاهم
سمر:من يومك غبى ياحبيبى
خالد: (بصلها جامد،ورمي عليها المناديل)يابت احترمي نفسك،ده انتي جاية تتطلبى مني حاجة
سمر:انا اسفة بقى
خالد:ياه
سمر:ايه يابنى فى ايه؟
خالد:بقالى قرن مسمعتكيش بتتأسفى لحد
سمر: (ابتسمتله)علشان تعرف انك غالى عليا
خالد:بقى انا اللى غالى ياختى؟
سمر: (لفت وشها بعيد عنه وضحكت وبعدين لفتله وابتسمت)ها
خالد: (شافها وهي بتضحك)اه استهبلى كويس
سمر: (بضحك)ياظالمنى
خالد:معلش اصل انا وحش اوي
سمر: (طلعتله لسانها)مش اوي يعنى
خالد: ايأ كان ،انا مش فاهم يعنى انتى عايزة ايه دلوقت؟
سمر: عايزاك تاخدنى لبيتها اجبها تيجي تقعد معايا
خالد:طب هبقى كويس،وهوديكي ياستى
سمر: (نطت وحضنته)ربنا يخليك ليا يارب
خالد:ويخليكي ليا ياحبيبتى،يلا قومي بقى البسى،وبجد من اجمل الحاجات الحلوة فيكي ياحبيبتى هو انك مش بتاخدي وقت فى اللبس زي البنات التانية
سمر: (سكتت شوية علشان تفكر)تقصد انى مش بنت؟
خالد: (بضحك،وهو عارف ان اخته فهمته)لا العفو ياسمسم،ده انت ست البنات
سمر:بص هعديها دلوقت،علشان هحاسبك لما نرجع بقى علشان تكون اريج الحكم
خالد:طب انا كمان هقوم البس،اخرجي بره بقى
سمر:طب ادينى خارجة اهو

(خرجت وجريت على اودتها علشان تكلم اريج)

سمر: (اتكلمت بصوت عالى)ارييج
اريج: (بصوت اعلي)اييه
سمر: (بضحك)مالك ياعبيطة انتى؟
اريج:اصلك فزعتينى بصوتك ده
سمر:اعيش وافزعك
اريج:ربنا يصبرنى
سمر: (بضحك)قومي البسي علشان خالد وافق
اريج:ربنا يكرمه ويوفقه ويكتر من امثاله
سمر:ياه فكرتينى لما كنتى بتشحتى مني رصيد
اريج:ياكلبة انتى بتذلينى
سمر: (بضحك)حاجة زي كده
اريج:مسيري اذلك انا كمان
سمر: ماشى،بس يلا قومي البسى علشان نخلص،وانا كمان هقوم
اريج:اوك سلام
سمر:سلام

(سمر راحت تلبس،وطلعت بنطلون اسود،وفستان ابيض طويل شوية على البنطلون،ولبست جزمة لونها ابيض،وسكارف سوداء،ومسكت موبايلها ونظارتها الشمس فى ايدها،وخرجت خبطت على اخوها،اللى لبس بنطلون بنى غامق،عليه شميز ابيض ،ولبس كوتشى ابيض،ومسك نظارته،وخرج على طول لاخته)

خالد: (بص لسمر من فوق لتحت، وغمزلها)ياعينى عالجمال
سمر: (ابتسمتله)ربنا يخليك ياحبيبى
خالد:بس هو ممكن سؤال؟
سمر:اكيد
خالد:انتى ليه مش بتمسكى شنطة زي البنات الطبيعية؟
سمر:مش بحبها
خالد:صدقت لما قولت انك مش بنت
سمر: (ضربته على كتفه)بس يارخم
خالد:هسكت اهو
سمر: (ضحكتله)بس ايه ياعم الشياكة دي،اخاف تتعاكس انت وانا لا
خالد: (ضحك جامد،بعدين بص لفوق)وده الطبيعى يابنتى
سمر:عيونك الخضراء دي هي السبب ياخويا
خالد:هتعاكسى اخوكي يابت ولا ايه؟
سمر:مش باقى الا اعاكس سيادتك
خالد: (قعد على كنبة جنب اودته،وحط رجل على رجل)طب مش نازل بقى
سمر:انا اسسفة
خالد: (ضحك جامد وبصوت عالى)شكلك يهبل وانتى مذلولة
سمر:يارب هتشلنى
خالد:خلاص يلا قبل ما يجرالك حاجة
سمر: (بضحك)يلا ياسيدي

(مسكها خالد فى ايده،وراحوا لحد العربية،وفتحلها الباب وركبها،بعدين ركب هو)

(اريج لبست عباية سوداء سادة خالص،وطرزتها باكسسوار بسيط،لبست سلسلة بيضاء وطرحة مكرمشة بيضاء،ولبست اسورة كبيرة لونها ابيض،بعدين لبست جزمة بيضاء,وطلعت شنطة بيضاء حطت فيها حاجتها كلها،بعدين مسكت الموبايل تلعب فيه لحد ما سمر تكلمها،واول لما سمر رنتلها اريج نزلت على طول،بعدين سمر نزلت لاريج من العربية)

اريج: (جريت على سمر وحضنتها جامد)وحشييييييييييييييينى يابت بجد
سمر: ياقلبى انتى اكتتر بجد
اريج: (ابتسمتلها)عاملة ايه ياسمسم؟
سمر:الحمدلله ياباشا وانتى؟
اريج:كويسسة ياقلبى الحمدلله
سمر:عينى علينا واحنا لابسين زي بعض كده
اريج: (غمزتلها بضحك)القلوب عند بعضها يا سمر
سمر: (مسكتها من ايدها )يلا علشان الشمس جامدة
اريج: اه بدل ما اتحرق
سمر: (بضحك،مسكت ايد اريج وفتحتلها الباب بتاع العربية)ادخلى ياحبيبتى

(اريج دخلت بهدوء العربية)

اريج:السلام عليكم
خالد:وعليكم السلام ورحمة الله وبركاته
سمر:مش نمشى بقى
خالد: حاضر
سمر:يلا سوق بينا على الكورنيش
خالد: (جاب المناديل ورماها عليها)كورنيش لما تقعي فيه يارب
سمر: (ضحكت جامد)على فكرة وجعتنى
اريج: (ضحكت بصوت واطي علشان خالد مسيمعهاش)شكلك يضحك
سمر: (اتكلمت بصوت عالى شوية من غير ما تقصد)شكلى هرجعك بيتك تانى على فكرة
خالد:لمعلوماتك انا اللى بسوق وممكن ارميكي هنا
سمر: (بضحك)ربنا يصبرنى،بص يابنى عايزة اقولك على حاجة
خالد:ها؟
سمر:شغلى اغانى حمزة نمرة علشان بحبه
خالد:حاضضر ياستى

(خالد شغل اغنية فتح شبابيك عينيك،و سمر قعدت مبسوطة وهي بتسمع الاغنية،ولما جت الحتة اللى بتحبها سمر قعدت تغنى بصوت عالى)

اريج : (بضحك واتكلمت بصوت واطي)صوتك وحش على فكرة
خالد: (مخدش باله من اريج،بس اتعصب من سمر،قام وقف الاغنية فجاة)احنا بنسمع حمزة نمرة ولا الاستاذة سمر؟
سمر:يا خالد انت عارف انى بحب الحتة دي،شغلها ببقى
خالد:هشغلها بس عايزين نسمعه هو ها؟
سمر: (بضحك)هحاول

(شغل الاغنية تانى علشان سمر متزعلش)

خالد: (غمزلها فى مراية العربية)على الله تتبسطي
سمر: (ابتسمتله)ربنا ميحرمنيش منك ابدا

(فى المطعم بعد ما خلصوا الاكل كله)

اية:اه يابطنى مش قادرة اتكلم
ريم:انا حاسة انى لسه بسخن،وده اكل ده
اية: (بضحك)يخرب بيت الطفاسة
ريم: (بضحك)خليكي انتى فى الاكل ده
اية:هتاكلى تانى ولا ايه يابت؟
ريم:لا هاكل بعدين لحسن تفهمينى غلط
اية: (ضحكت جامد)انتى مفضوحة من زمان ياحبيبتى
ريم: (ضحكت ،بعدين بصت باستغراب لولد كان قاعد جنبهم على التربيزة)بت مش ده حد شبه ابن خالتك اللى شفته عندك
اية:اه يابت هو،بس ايه اللى جابه هنا ده؟
ريم:اكيد نفس اللى جبنا،يابنتى الجوع كافر
اية: (بضحك)دي زي النوم سلطان
ريم: اه ياخفة
عبدالله: (لما شاف بنت خالته اية كان هيروح يسلم عليها،لانه بقاله مدة مشفهاش،بس اتردد شوية لما شاف صاحبتها ريم اللى شافها عند اية قبل كده،بس قال يروح يسلم ويمشى على طول،بعدين رحلهم)السلام عليكم
اية وريم: وعليكم السلام ورحمة الله وبركاته
اية:ايه اللى جابك المحلات الشيك دي يابنى؟
عبدالله:نفس اللى جابك يا اية
اية: (برخامة)انا كنت فاكرة ان اخرك محل الفول اللى على اول شارعكم
عبدالله: (بصلها برخامة)يبقى كده انتى اخرك بلكونة بيتكم
اية: (بضحك)يارخم
اية:اسالك انا بقى، عامل ايه؟
عبدالله:كويس ومبسوط يا ستى
اية:تصدق انى اكتشفت انك قليل الذوق
عبدالله: (بضحك)ياعينى على اكتشفاتك ،بس ده ليه بقى؟
اية: (بضحك)ازاى تخلينى اسأل على اخبارك قبل ما تسألنى انت؟
عبدالله:ما انا عارف ما دام بتاكلى هتبقى فى قمة سعادتك
اية: (بضحك)عندك حق
عبدالله:عارف
اية:بس مقولتليش حضرتك مبسوط ليه؟
عبدالله: وانبساطي يزعلك يا ست اية؟
اية: (بضحك)لا ابدا،بس افهم بردوا
عبدالله:تخيلى نجحت السنة دي من غير ولا مادة،وكسبت ماتش كنت بلعبه مع اصحابى
اية:ياكبير ياكبير
عبدالله: (ضحك جامد)والله عبيطة
اية: (بضحك)بنت خالتك بقى تقول ايه
عبدالله: مش هشتمك علشان احنا فى مكان محترم
اية: (بضحك)ايا كان مبروك يا سيدي
عبدالله: (بابتسامة)الله يبارك فيكي
اية:يلا فارقنا
عبدالله: (بضحك)انا ماشى اصلا اصحابى مستنينى بره،يلا سلام
اية:سلام
ريم: (بعد ما عبدالله مشى،قعدت تضحك جامد)لا بجد الله عليكم
اية: (رفعتلها حاجبها)ايه اللى صابك ياريم؟
ريم: (بضحك)انتى وابن خالتك عايزين الحرق ماشاء الله
اية: (بضحك)ليه يعنى؟
ريم:مفيش ذوق خالص
اية: (ضحكت جامد)ليه يعنى يابت انتى؟
ريم:على اساس انى كيس جوافة،قاعدة بتفرج عليكم
اية: (بضحك)خلاص المرة الجاية ابقى جيبى ابن خالتك انتى كمان
ريم: (ضحكت جامد)من عيونى حاضر
اية:سيبك منه ده واد عبيط
ريم: مش بطال يعنى
اية: (غمزتله)ها اوفق راسين فى الحلال؟
ريم:هو مش حلال اوي بس ماشى
اية: (بضحك)لو عاجبك
ريم:لا انا بنت محترمة على فكرة
اية: (غمزتلها)ريم حاولى تكدبى بالكلام ده على غيري
ريم: (بضحك)خلاص يبقى سلميلى على عبدالله
اية: (ضحكت جامد)ده انت تؤمري

(وقاموا طلبوا ايس كريم،وقعدوا فى المحل يكملوا كلامهم مع بعض)

عبدالله: 23 سنة،تجارة،بيكره المذاكرة وبيعدي بالعافية فى الجامعة،مثقف بطريقة مش معقولة،قرأ كتير من الكتب اللى لاشهر الشخصيات العربية والاجنبية ،سافر امريكا علشان ياخد كورس تنمية بشرية هناك،وبدا يعلم الناس اللى اتعلمه فى ندوات بسيطة،قريب من ربنا ومحترم اوي وسط اصحابه،دمه خفيف،ابن خالة اية وساكنة معاه فى العمارة،طويل،شعره اسود غامق خالص بس مش ناعم،بشرته خمري وعيونه خضراء غامقة خالص،وحيد مامته وبالرغم من كده الا انه راجل كده

(منة وسارة كملوا بقية يومهم سوا،قعدوا يلعبوا ويضحكوا،وقعدوا على النت واتفرجوا على التليفزيون،بعدين لما تعبوا ناموا على طول)

الصبح:الساعة 10

(سارة كانت متعودة تصحي بدري لوحدها حتى لو نايمة متاخر،علشان هي بتصحي بدري فى الدراسة،اول لما صحيت لقت منة جنبها على السرير فى سابع نومة،ابتسمت،بعدين فكرت تعمل التمارين بس اتكسفت علشان مش فى بيتها،فكرت تعمل ايه،قالت تصحي منة بطريقة تفزعها علشان تقوم على طول)

سارة: (وهي عمالة تزق فى منة علشان تصحي،وتضربها على ايدها ودماغها)منة منة منة منة منة منة منة منة منننننننننة
منة: (اتفزعت،قامت بصت لسارة من تحت المخدة)اييييييييييييييييييه؟
سارة: الحقى الحقى بيتكم بيقع

(احمد كان نازل تحت بعد ما صحي،ضحك على جنان سارة لما سمعها بتقول لمنة كده،بعدين نزل)

منة: (اتفزعت جامد،رفعت راسها بسرعة وقامت وقفت،وهي مغمضة عينها علشان كانت لسه نعسانة)بجد ؟
سارة: (ضحكت بطريقة هسترية،لدرجة عيونها دمعت)لا طبعا ياعبيطة
منة: (رجعت نامت تانى وهي عمالة تضحك)طب احسن بردوا
سارة: (شالت المخدة من على دماغها)بت احنا هنستهبل،قومي يلا
منة: والله ياسارة بعد ما اتفقنا ننام امبارح قعدت على السرير ساعتين مش جايلى نوم
سارة: ويعنى ايه ده؟
منة: (ابتسمت ابتسامة كبيرة)يعنى هسيبك لوحدك لحد ما اصحي
سارة: (ضربتها على دماغها)لا بقى قومي فوقيلى كده
منة:مش قادرة يابت
سارة:طب بصى علشان انتى صعبتى عليا،انا هقوم اجيب اللاب وهستناكي علشان مش هنزل تحت الا لما تصحي
منة:انزلى احمد زي اخوكي
سارة: (رمت مخدة عليها)بس يارخمة
منة: (غمزتلها)تلاقيه مستنيكي
سارة: (اتكسفت،وطلعت لسانها لمنة)اخرسى يازفتة
منة:طب فى مشكلة انا افتكرتها دلوقت
سارة:اتحفينى
منة: (بضحك)اللاب عند احمد
سارة:تصدقى هقولك كلمة عيب
منة: (ضحكت جامد)اشتمي انا مش واخدة بالى اصلا
سارة: (بعد ما كانت وقفت علشان تقعد على النت،جريت رمت نفسها على منة)والله انتى بت عايزة الضرب
منة: (بضحك هيستري)اوعي من عليا يابت
سارة:والله لاهفطسك
منة: (ضحكت جامد)ياحبيبتى انتى كده بتزغزغينى
سارة: (بضحك)ليه يعنى؟
منة:وانتى فيكي حاجة تفطسنى اصلا،اركنى اركنى
سارة: (ضحكت جامد)مش عارفة ارخم عليكي
منة: (طلعتلها لسانها)الحمدلله
سارة:طب ما انتى فوقتى اهو بقى قومي
منة:والله دايخة ياسارة مش شايفة قدامي
سارة: (ضحكت جامد)ياعينى ده انتى لسه مغمضة عينك
منة: شوفتى شوفتى
سارة:طب انا عايزة اقعد عالنت،انا حتى كتبى وحاجتى نسيتها تحت
منة:طب روحي اطلبى من احمد اللاب
سارة:اتكسف
منة:وانتى وش كسوف
سارة: (زقتها فى كتفها)وانتى على طول لسانك طويل
منة:معلش بقى نصيبك
سارة:طب مش احمد هيبقى نايم زي اخته؟
منة: (بضحك)لا ياخفة احمد بيصحي بدري
سارة: (ابتسمتلها)زي يعنى؟
منة:اه زيك ياختى
سارة:يعنى هنزل الاقيه تحت؟
منة:يب
سارة:ومامتك؟
منة: (بضحك)متخافيش ماما تحت بس تلاقيها بتتكلم فى التليفون
سارة:مين على الصبح
منة:شوفى انا ممكن اقولك وانتى مالك وده حقي،بس خلينى ذوق
سارة: (بضحك)ياريت
منة:بتكلم مامتها ياستى
سارة:اوك،ادعيلى
منة:وانتى رايحة تعبرى السويس؟
سارة:ياربى هتشلينى
منة: (طلعتلها لسانها)بعد الشر عنك ياروحي
سارة: (قامت وقفت)انا هنزل بدل ما تجنينى
منة: (ماصدقت شافت سارة قاامت،وحطت المخدة على راسها)يلا هوينى
سارة: (بضحك)ماشى لما تصحي بس

(سارة فكرت تلبس جاكيت،بس كانت مكسلة،طلعت عباية سوداء بتاعتها،وفيها خرز فوشى رقيق،ولبست عليها طرحة فوشي،ولبست جزمة منة علشان ملقتش حاجة قدامها غيرها،بعدين بدات تستعد علشان تنزل تكلم احمد،بس فكرت تروح تسلم علي ماما منة الاول علشان متكسفش،ونزلت السلم براحة اوي علشان متلفتش انتباه احمد،ولقت ماما منة فى وشها،جريت تسلم عليها،وكانت ماما منة بتقفل التليفون،ولما شافت سارة ابتسمتلها)

سارة: (جريت راحت حضنت ماما منة)السلام عليكم
ام احمد:وعليكم السلام ورحمة الله وبركاته
احمد: (بصوت واطي علشان ميكسفش سارة)وعليكم السلام ورحمة الله وبركاته
ام احمد:صباح الخير ياقمر
سارة: (ابتسمتلها)صباح الجمال ياطنط
ام احمد:طبعا بنتى نايمة؟
سارة:وهي بتصحي اصلا
ام احمد: (بضحك)معلش معلش
سارة:لا انا هتعود ان شاء الله
ام احمد:وانتى بتصحي بدري زينا؟
سارة:قصدك زي البشر،منة هي اللى غلط
ام احمد: (ضحكت جامد)على رأيك
سارة: (اتكلمت بصوت واطي)هو فين احمد؟
ام احمد: (ابتسمت واتكلمت بصوت واطي)كان هنا بس شكله طلع
سارة:اوبس
ام احمد:انتى عايزاه فى حاجة؟
سارة:منة قالتلى خدي اللاب منه
ام احمد:طب اطلعى قوليله
سارة:امممممم
ام احمد: (ابتسمت)انتى مكسوفة؟
سارة: (وشها احمر شوية)يعنى
ام احمد: (ضحكت)لا بصى انتى خبطى علي اودته واطلبى منه اللاب وخوذيه وانزلى على طول
سارة:طب ما حضرتك تقوليله
ام احمد:والله انتى تؤمري،بس انا رايحة اجيب الحاجات اللى عايزنها من المحل علشان الراجل قالى انه هيقفل
سارة: طب؟
ام احمد: (طبطبت على ظهرها)متخافيش اطلعى اطلبيه وانزلي
سارة:اوكي
ام احمد:بعدين ابنى محترم متقلقيش
سارة: (بكسوف)طبعا ياطنط
ام احمد:بصصى لو مكسوفة خالص يعنى،استنى 5 دقايق وهو اكيد هينزل
سارة: (اتنفست جامد)اعتقد كده احسن
ام احمد:بصى المحل مش بعيد،هجيب الحاجات واجي بسرعة
سارة:بس
ام احمد:متقلقيش البنت اللى بتساعدنى فى البيت موجودة فى البلكونة،انتم مش لوحدكم

(سارة وشها ضرب الوان،وسكتت ومعرفتش تتكلم او تقول ايه)

ام احمد: اسفة اسفة كسفتك
سارة: (ابتسمت بالعافية)لا عادي مفيش حاجة
ام احمد:والله عسل وانتى مكسوفة ياسارة
سارة: (بضحك)ربنا يخليكي ياطنط
ام احمد:يلا همشى انا،واستنيه ما دام مكسوفة
سارة:بس هو حضرتك واثقة انه هينزل؟
ام احمد:اصل انا قولتله ان البنت هتخش تظبط اودته بعد 5 دقايق
سارة:اهِـا
ام احمد:خنقنى عقبال ما اقنعته ان البنت تخش اودته تروقها
سارة: (ضحكت)ربنا يعينك ياطنط
ام احمد:يلا السلام عليكم ياحبيبتى
سارة: (ابتسمتلها)وعليكم السلام ورحمة الله وبركاته

موضوع: رد: رفيق عمري الأربعاء يونيو 01, 2011 5:09 pm

(سارة طلعت السلالم،وبعدين طلعت الاودة،قعدت تدور على البنت اللى جوه الاودة لقتها قاعدة بتشرب شاي،اتعصبت ان احمد طلعها علشان البنت جوه وهي مطلعتش جوه،فتحت الاودة،ومن غير ما تفكر شدها جمال الاودة،مصدقتش الحلاوة بتاعة اودة احمد،حسست ان اللى عاملها فنان مبدع،وكان نفسها تعرف مين اللى عامل الاودة علشان تتعلم منه،لانها لسه فى مراحل دراستها الاولى،حست قد ايه المهندس اللى عامل اودة احمد فاهم اوي فى المجال ده،وكان نفسها تعرف عمل ايه فى الاودة علشان ده هينفعها فى شغلها قدام،وفكرت انها تبقى تسال منة علشان تعرف،دخلت والباب اتقفل بصوت عالي،وهي نطت من الخوف،بعدين ضحكت،وقعدت تفكر فى كل اللى درسته لحد دلوقتى فى هندسة ديكور واللي حست انه معمول فى اودة احمد،بعدين افتكرت انها هتجيب اللاب وخافت احمد يفهم انها بتلعب فى اودته،فتحت الدولاب بسرعة،وجابت الشنطة،وفتحت الباب،وجريت على السلم،واحمد لما سمع صوتها،ساب الجرنان وقام)

احمد:عرفتى تجبيه؟
سارة: اه الحمدلله
احمد:هي البنت بدأت فى الاودة؟
سارة: (لما افتكرت اتعصبت)لا لسه
احمد:امال هي فين؟
سارة:بتشرب شاي
احمد:طب هاتى اطلعلك اللاب
سارة: (ادته الشنطة)اتفضل
احمد: (قعد على التربيزة،فتح الشنطة،وطلعلها اللاب،واداه ليها فى ايدها)يلا اتفضلى
سارة: (خدته فى ايدها)شكرأ يا احمد
احمد:العفو،ولو احتجتى حاجة انا قاعد هنا
سارة:شكرا

(سارة ما صدقت،خدت اللاب فى ايدها،وكانت هتطلع فوق بس فكرت تخش البلكونة احسن،دخلت البلكونة وقفلت الباب،طلعت من شنطتها فلاشة النت اللى معاها، وبعتت لباباها الحاجات بسرعة،وفكرت ترجع النت لاحمد،بس لما منة تصحي احسن)

ماما منة:انا جيت
احمد: (اول لما سمع صوتها،جري مسك منها الشنط)نورتى البيت
ماما منة: (حطت ايدها على كتف ابنها)ربنا ميحرمنيش منك يارب
احمد:ولا منك ياست الكل
ماما منة: (قعدت تدور على سارة ملقتهاش)ايه ده؟
احمد:فى ايه؟
ماما منة:سارة فين؟
احمد: (بابتسامة)فى البلكونة
ماما منة: طب هخش اطمن عليها عقبال ما اختك تصحي
احمد:انا هطلع اصحيها عيب اللى هي بتعمله ده
منة: (جريت على السلم ومسكت فى ظهر احمد)تصحى مين يا زقرود
احمد: (وقع من الضحك،ولف وشه عند منة وبصلها جامد)زقرود ايه ياهبلة انتى
منة: (ضحكت جامد)زقرودي انا
احمد: (ضربها جامد)جتك الهبل والله
منة: (بضحك)مش هغلط فيك بقى
احمد: (وقفلها فى وشها )انتى قد اللى انتى بتقوليه ده
منة: (جريت استخبت ورا ظهر مامتها)الحقينى ياماما
ماما منة: (ضحكت جامد)خلاص يا احمد سبها
احمد: (بص لمنة جامد،وابتسم لمامته)علشان عيونك بس ياماما
ماما منة: كويس انك صحيتى يامنة
منة:طبعا مش قادرين تعيشوا من غيري
احمد: (لف لمنة ورا ظهر مامتها،و ضربها على كتفها)فوقى ها
منة: (اتضايقت)يادي الرخامة
ماما منة:ميسبكيش مبسوطة ابدأ ابدأ
منة: (ضحكت لحد ما بانت اسنانها)طبعا ده حبيبي
احمد: (بضحك)خشى يابت البلكونة
منة:ها طمنى اللى اتقدم اسمه محمد ولا محسن
ماما منة: (بضحك)قفلتنى محسن دي
منة: (ضحكت)اهو اي حاجة وخلاص
احمد:سارة تنفع؟
منة: (ضحكت جامد)ياعينى ده انا نسيت البت خالص
احمد:هي غلطانة انها صاحبت واحدة زيك
منة: يمكن
ماما منة: يلا خشيلها وانا هجهز ليكوا الفطار
احمد: (راح مسك ايد مامته)خدينى معاكي
ماما منة: (حطت ايدها على كتفه)يلا بينا ياحبيبى

(وراحت ماما منة واحمد على المطبخ،ومنة دخلت البلكونة عند سارة وحاولت تفكر فى طريقة تدخل بيها،ولما ملقتش قالت تخش بطولها وخلاص)

منة: (بابتسامة كبيرة)السلام عليكم
سارة: (وشها محمر من العصبية)وعليكم السلام ورحمة الله وبركاته
منة: (جريت حضنت سارة وقعدت جنبها)وحشتك صح؟
سارة: (قفلت اللاب،وقامت من جنب منة)ولا حسيت بحاجة
منة: (ضحكت جامد)شكلك مش طايقنى
سارة:كويس انك فهمتى
منة: (راحت جنب سارة تانى)معلش ياسوسو مكنتش قادرة اقوم والله
سارة:مش مسمحاكي
منة: (غمزتلها)هو احمد عملك حاجة؟
سارة:عملي حاجة ازاي يعنى؟
منة: (ابتسمتلها)عاكسك مثلا؟
سارة: (مسكت مخدة ورمتها على منة،واتكسفت)علي فكرة انتى قليلة الادب
منة: (بضحك) عارفة
سارة: (حضنت منة)المهم ياحبيبتى نمتى كويس؟
منة: (ابتسمتلها)اه الحمدلله
سارة:طب انا هنام بقى
منة: (اتعصبت)ايه يابت الرخامة ي
سارة: (طلعتلها لسانها)هعلمك الادب
منة: حاول قبلك كتير وفشلوا
سارة: (بصتلها)يعنى مفيش امل؟
منة: يب
سارة: (ضربت منة على دماغها فجأة)بكرهك
منة: (ضحكت جامد)وده من ايه ده؟
سارة: (بضحك)اتكسسفت اوي وانا بكلم احمد
منة:ها قالك بحبك؟
سارة: (اتعصبت جامد)ولا هرد عليكي
منة: (بضحك)طب هو مش انتى طلبتى اللاب واداه ليكي على طول؟
سارة:طلعنى اودته
منة:دخلك اودته؟
سارة:ايون
منة:لا لا ده انتى مميزة ياسارة
سارة: (بضحك)ليه يعنى؟
منة:يابنتى ده ماما امبارح كانت هتولع فيه علشان مش راضى يدخل البنت ترتب الاودة،وانتى دخلتى الاودة كده عادي
سارة: (رفعت راسها)احنا مش اي اي ولا زي زي
منة: (بضحك)طب ما كان جابه هو ليكي؟
سارة:علشان المفروض ان البنت كانت فوق
منة:اهــــا،بيتكسف اوي الواد
سارة: (بابتسامة)حاجة متخصنيش
منة:ماشى يارخمة
سارة:بس قوليلى
منة:ايوة؟
سارة:مين اللى عامل اودة اخوكي؟
منة: (ابتسمتلها)اشمعنى؟
سارة:الاودة رهيبة ماشاء الله
منة: (غمزتلها)تحفة فنية صح؟
سارة:اه ماشاء الله
منة:انا قولتلك قبل كده ان احمد خد زمان كورس ديكور؟
سارة: لا مقولتيش
منة:طب هقولك بقى
سارة: (بابتسامة) اتفضلى
منة:احمد بعد 3 ثانوي خد كورس ديكور
سارة:ماشاء الله
منة:وليه صاحبه فى هندسة ديكور
سارة:ايوة
منة: فهو وصاحبه قعدوا يعملوا الاودة سوا،الولد اللى فى ديكور يفهمه اصول الديكورفى الاودة،واحمد يختار الاشكال والالوان،وكده،وسوا طلعوا ماشاء الله الاودة دي
سارة:هوه صاحبه ده خاطب؟
منة: (ضحكت جامد)اممم هسالك
سارة:لا بجد الاودة ماشاء الله تجنن
منة:اه احلى اودة فى الشقة
سارة: لا يابت اودتك احلى
منة: (بابتسامة)اكدبى اكدبى
سارة: سامحنى يارب
منة: (ضحكت،وزقت سارة فى كتفها)امين ياختى

(رن موبايل سارة،وسارة قاعدة ماسكة الموبايل ومش راضية ترد)

سارة:ما تردي انتى
منة: (بضحك)وانا مالى؟
سارة:دايما كده بتقفى جنبى فى الشدة
منة: (طلعلتها لسانها)متنسيهاش بس
سارة: ده انا هنساكي اصلا
منة: (ضحكت جامد)يارخمة
سارة:مش عايزة ارد بجد
منة:مين اصلا؟
سارة:الدكتور
منة:اه اللى مامتك خلتك تروحي ليه بالعافية
سارة:اه،يابنتى ماما حلفت لو مرحتش هتزعل مني
منة:طب والدكتور بيتصل ليه؟
سارة:علشان يقولى نتائج التحاليل وكده
منة:هو دكتور قلب صح؟
سارة:اه
منة: (بخوف على اعز اصحابها)طب ما تردي طمنينا عليكي
سارة: (بابتسامة)خايفة عليا؟
منة:طبعا ياقلبى
سارة: طب هرد بقى وامري لله
منة: طب بصى ياسوسو
سارة: عيونى
منة:انا هروح احط الفطار عقبال ما تردي
سارة:اوكي ياحبيبتى

(منة خرجت من البلكونة،وسارة مكنتش عايزة تروح للدكتور علشان هي مبتحبش تروح لاي دكاترة،بس ماماتها خافت عليها لانها بيغمي عليها كتير،وبتتعب كتير،وسارة حست ان الدكتور هيزعقلها لانها مرحتلوش تانى،بس قالت ترد علشان ماماتها هتزعل منها)

سارة:السلام عليكم
الدكتور:وعليكم السلام،مجتيش ليه ياسارة الاستشارة؟
سارة: (اتكسفت)معلش يادكتور
الدكتور:انا عارف انك مبتحبناش من مامتك
سارة: (ضحكت)لا يادكتور العفو،بس اصلنا قولنا حضرتك هتبقى تبلغنا نتائج الاشعة اللى عملها وكده
الدكتور:بس كنت عايز اطمن عليكي تانى
سارة:مش نتائج التحاليل طلعت؟
الدكتور:الاول بس اطمن،قلبك عامل ايه دلوقت؟
سارة: الحمدلله كويس
الدكتور:تعبتى قريب؟
سارة:مش فاكرة
الدكتور:لا حاولى تفتكري معلش ياسارة
سارة:اعتقد امبارح تعبت شوية وانا بنام،بس مش اوي
الدكتور:اه خير ان شاء الله
سارة:طب وايه اخبار الاشعة؟
الدكتور: نتيجة الاشعة طلعت ياسارة
سارة: (بخوف)طب وعندي ايه يادكتور؟
الدكتور:لا معندكيش حاجة خالص،حاجة بسيطة
سارة:طب وايه الحاجة دي؟
الدكتور:بصى ياسارة،انا مامتك فهمتنى ان هي حست بالموضوع ده من ساعة ما اتولدتى،وكشفت عن دكتور،لكن الدكتور ده قال لمامتك انك تعبانة لكن قال لمامتك ان تعبك ملوش علاج،وقالها ان التعب ده بسيط
سارة:اه ماما قالتلى الكلام ده
الدكتور:بس للاسف هو غلطان طبعا،انتى كان وقتها التعب بسيط اه،لكن لو كان اتعالج مكنش هيبقى فيكي اي حاجة دلوقتى
سارة:قدر الله وماشاء فعل يادكتور
الدكتور:ونعم بالله،بس المهم الدكتور ده مهتمش بالموضوع خالص،وانتى كبرتى بيه،وطبعا بقيتى بتتعبى كل فترة اكتر من اللى قبلها،وممكن مامتك كانت عارفة كده،وقالتلى انها عرضتك على دكاترة تانى كتير،لكن سبحان الله كلهم كانوا بيقولوا انك كويسة
سارة: بس انا فاكرة ماما مرة قالتلى على الموضوع ده،وطلبت مني وقتها انى اكشف لانى كنت كبيرة شوية،وكشفنا عند دكتور مش صغير بردوا،وعملنا تحاليل وقالي ليا انى زي الفل
الدكتور:والله انا مش بعيب فيهم،بس هما ممكن اتساهلوا بالموضوع لان العملية مش سهلة
سارة:طب هو انا عندي ايه؟
الدكتور: ثقب فى القلب
سارة: (قلبها وجعها اوي،ومسكت نفسها وقعدت على الكرسى علشان مقدرتش تقف،بس حاولت تفهم من الدكتور يمكن يكون الموضوع سهل)طب وايه اللى خلى الموضوع يرجع يظهر تانى فى الاشعة دلوقتى زي ما حضرتك بتقول؟
الدكتور:لان الثقب ده كان بيكبر مدة بعد مدة
سارة: (عيونها دمعت)وده سبب اللى انا ببقى فيه؟
الدكتور:اه،وانتى كنتى بتحسى ان كل مدة يمكن التعب بيبقى اكتر صح؟
سارة:اه تقريبا
الدكتور:وزي ما قولتلك العيب فى الدكاترة اللى انتى روحتيلهم،واللى مامتك جابت الاشعة بتاعتهم،وباين الثقب بس لانه وقتها مكنش كبير،فهما ممكن مخدوش بالهم مع انى مش عارف ازاي حاجة زي دي تفوتهم
سارة:طب ما انا كنت عايشة بالثقب ده،ايه المشكلة؟
الدكتور:القلق دلوقت ان الثقب يكبر لان وقتها(الدكتور سكت فجاة)
سارة: هيحصل ايه؟
الدكتور:للاسف هيبقى فى خطورة على حياتك
سارة: (دمعتها نزلت غصب عنها)هموت يعنى؟
الدكتور:بعد الشر ياسارة،ليه التشاؤم ده؟
سارة:انا بفسر كلام حضرتك مش اكتر
الدكتور:زي ما قولتلك فى علاج
سارة:بس بردوا حضرتك قولت ان العملية مش سهلة
الدكتور:وحتى لو ،يعنى مش هنعملها
سارة:بس هو مفيش علاج تانى؟
الدكتور:كان ممكن زمان،بس دلوقتى بقى صعب اوي
سارة: (ودموعها عمالة تنزل وهي مش عارفة ايه سبب الدموع دي بالظبط)طب هسال حضرتك سؤال وارجوك جاوبنى بصراحة
الدكتور:اتفضلى اسالى
سارة: (وهي بتدعي ربنا ان اللى فى بالها يكون غلط)طب ونسبة نجاح العملية ايه؟
الدكتور:نسبة كويسة الحمدلله
سارة:دكتور جاوبنى لو سمحت
الدكتور:مش كبير اوي
سارة:انا عايزة اعرف كام بالظبط بعد اذنك يادكتور
الدكتور: 20%
سارة: (حست قلبها اتقبض مرة واحدة،بعدين حاولت تفتكر ان ربنا معاها)الحمدلله على كل حال
الدكتور:متخافيش،بس المهم انك تجيلى خلال الاسبوع ده
سارة: (مش عارفة هي ايه شعورها،حاسة برعب وقبضة فى قلبها،وفى نفس الوقت بتقنع نفسسها ان ربنا قادر يعالجها وان ربنا معاها على طول)ان شاء الله
الدكتور: (كان عارف ان سارة هتتعب لان شخصيتها ضعيفة،وخاف ان قلبها يتعبها)خلى بالك من نفسك لحد ما اشوفك
سارة:حاضر سلام
الدكتور:سلام

(منة جهزت معاهم الفطار،بعدين قالت تروح لسارة علشان يفطروا سوا،دخلت عليها وهي بتبتسم جامد)

منة: (راحت قعدت جنب سارة اللى كانت ماسكة الموبايل وسرحانة فى عالم تانى)يلا ياسوسو علشان نفطر

(سارة مخدتش بالها ان منة اتكلمت)

منة: (زقت سارة)بت انتى انا بكلمك
سارة: (بصت لمنة)كنتى بتقولى ايه؟
منة: (شافت الدموع فى عيون سارة،قامت وقفت قدامها،وبدا قلبها يقبضها على صاحبتها)سارة فى ايه؟
سارة:مفيش حاجة يامنة
منة: (افتكرت ان سارة كنت المفروض بتكلم الدكتور)هو الدكتور قالك حاجة؟

(سارة اتنفست جامد،وسكتت)

منة: (نزلت قعدت تحت سارة ورفعت وشها)سارة ارجوكي اتكلمى متقلقنيش عليكي
سارة: (جسمها كان بيترعش،وبصت لمنة ودموعها بتنزل)ثقب فى القلب
منة: (قامت وقفت،وبصت لسارة جامد،ودموعها اتجمعت فى عيونها)ايه؟

(سارة اتخدت على شكل صاحبتها،ومكنتش عارفة تقول ليها ايه،حاولت تقف مقدرتش،بس حاولت تانى،ولما وقفت وقعت على الارض على طول)

منة: (اتفزعت،نزلت وقعدت تحرك سارة)سارة قومي

(سارة مردتش على منة)

موضوع: رد: رفيق عمري الأربعاء يونيو 01, 2011 6:09 pm

منة: (معرفتش تتصرف،ومعرفتش تفوق سارة،جريت ونادت مامتها وهي بتصرخ)ماما الحقينى
ماما منة: (اتفزعت من صوت منة،جريت على البلكونة،ولقت سارة مرمية على الارض،نزلت وشالتها وقعدتها على الكنبة)سارة مالها يامنة؟
منة: (وهي بتعيط)معرفش بكلمها وقعت مني
ماما احمد: (صعبت عليها سارة،جريت على احمد)احمد الحقنا
احمد: (كان قاعد قام وقف،وجري على مامته بسرعة)ايه يا امي فى ايه؟
ماما احمد: سارة مغمي عليها
احمد: حصلها ايه ما هي كانت كويسة؟
ماما احمد:معرفش منة بتقولي كانت بتكلمها،ووقعت على طول
احمد: (فكر ازاى يفوق سارة)طب استنى هجيب ليكم برفان وهاجيلكم تانى
ماما احمد: (وقلبها مقبوض على سارة)بسرعة يا احمد

(احمد جري على اودته،وجاب البرفان،ونزل بسرعة لمامته)

احمد: خدي يا امي
ماما احمد: (خدته بسرعة،وجريت على البلكونة،وقعدت ترش جنب سارة،وهي بتحركها علشان تفوق)سارة سارة

(سارة فضلت مبتتحركش)

منة: (عيونها احمرت من كتر العياط)قومي ياسارة علشانى
ماما احمد: مش عارفة افوقها ازاى
منة: شكلها لازم تروح المستشفى
ماما احمد:طب اجري قولى لاحمد يلبس بسرعة علشان يوديها،وانا هحاول اسندها لحد العربية
منة: (جريت على اخوها)احمد احمد
احمد: (وهو واقف كان مستنى مامته تطلع تقوله سارة فاقت ولا لا)ايه يامنة سارة فاقت؟
منة: (وهي بتعيط ومش قادرة تقف)لا مفقتش،لازم تروح المستشفى
احمد: (مسك ايد منة)متخافيش هتفوق ان شاء الله
منة: (وهي بتعيط )يارب

(احمد جري على اودته،طلع البنطلون والتيشرت اللى في وشه،ومنة كمان جريت لبست عباية ولفت طرحة بسرعة،ونزلت على الصالة علشان تروح مع احمد ،وهما ال2 جريوا بسرعة على الصالة وهما ال2 نزلوا لقوا مامتهم تحت)

منة:ودتيها العربية ياماما
ماما احمد: اه بس استنوا البس واجي معاكم
احمد:لا يا امي مينفعش كده هنتاخر،البنت مش هتستحمل
ماما احمد:بس انا مش هقدر اصبر هنا كده
احمد:يا امي لازم علشان لو حد من اهلها اتصل هتبقى مشكلة
ماما احمد: (وهي بتدمع)طب بس ارجوك يا احمد طمنى عليها لما توصل
احمد: (مسك ايد منة علشان يمشوا)حاضر،سلام يا امي
ماما احمد:سلام وربنا معاها

(احمد ومنة جريوا على العربية،ومنة قعدت جنب سارة وقعدت تعيط،واحمد ساق بسرعة علشان يوصلوا لاقرب مستشفى جنبهم)

احمد:متقلقيش يامنة ان شاء الله خير
منة:ان شاء الله
احمد: (بيحاول يطمن اخته)اكيد ارهاق
منة: (وهي بتعيط ونفسها تقوله انت متعرفش حاجة)الله اعلم

(وربنا اراد ان اقرب مستشفى تكون جنب بيت احمد ومنة،هي المستشفى اللى بيشتغل فيها دكتور سارة،واول لما منة دخلت بتسند سارة،الدكتور شافها واتفزع،لان وشها كان اصفر والدموع على وشها،عرف انها تعبت،جري عليهم،وجاب ممرضة شالت سارة على كرسى،ودخلتها اودة،وطلب من الممرضة تفوق سارة وتشوف ضغطها،ووقف هو يتكلم مع منة واحمد)

الدكتور:انتم مش من اقارب سارة صح؟
احمد: اه بس هو حضرتك عرفت منين؟
الدكتور:انا الدكتور بتاع عائلة سارة،بس هو انتم تعرفوها؟
احمد:اه يادكتور،دي اختى وهي صاحبة سارة
الدكتور:متقلقوش هي الممرضة هتفوقها وهتقوم بعد شوية
منة: (افتكرت ان سارة قبل ما تقع قالتلها ان عندها ثقب فى القلب،قالت تساله اذا كان هو الدكتور اللى سارة كشفت عنده اخر مرة)طب هي سارة كشفت عند حضرتك قريب؟
الدكتور:اه انا لسه مكلمها من اقل من ساعة
منة: (افتكرت منظر صاحبتها وقعدت دموعها تنزل)طب يادكتور هي قالتلي حاجة قبل ما يغمي عليها ده بجد؟
الدكتور:قالتلك ايه؟
منة: (وهي بتسند على احمد لانها مش قادرة تقف)ان ان ان هي يعنى عندها ثقب فى القلب

(احمد اتفزع من اللى منة قالته،كان فاكر سارة عندها ارهاق او ضغطها كان واطي،بس عمره ما توقع ان سارة ممكن يكون قلبها فيه حاجة)

الدكتور:للاسف هي كلامها صح

( منة فهمت سبب عياط سارة وان وشها كان مصفر،واتصدمت لانها كانت بتحاول تقنع نفسها انه ارهاق زي ما احمد قالها)

الدكتور: بس ان شاء الله خير
منة: (وهي بتحاول تتكلم )يعنى سارة فى خطر على حياتها؟
الدكتور: (بحزن)للاسف اه

(منة مقدرتش تستحمل اللى سمعته،مسكت راسها ووقعت على الارض،واحمد جري شالها،والدكتور طلب من ممرضة تجيب سرير تانى،واحمد حط اخته عليه،والممرضة دخلتها اودة جنب اودة سارة،وقال للممرضة تفوق سارة واداها مهدئ علشان يهديها شوية لما تفوق،وقال لاحمد ان منة هتبقى كويسة بعد شوية،واحمد قعد وقال يكمل كلامه مع الدكتور لانه دلوقت بيحل محل اهلها اللى ميعرفوش اللى حصلها)

احمد:طب انا ممكن افهم يا دكتور هي جالها الثقب دلوقت،المفروض بيبقى معاها وهي صغيرة او من اول ما تتولد؟
الدكتور:ايوة سارة مولودة بيه،بس الدكاترة اللى كانت سارة بتروح ليهم قبل كده معالجوش الموضوع واهملوه
احمد:طب وده ليه علاج؟
الدكتور:عملية بإذن الله
احمد:وتقريبا نسبة النجاح قد ايه؟
الدكتور:يعنى 20 % بس بردوا الامل فى ربنا كبير ان شاء الله
احمد: ونعم بالله
الدكتور:انا هسيبك دلوقت اطمن على مرضى تانين،واطمن سارة هتفوق بعد 5 دقايق والبنت التانية بعدها بشوية
احمد:طيب يادكتور
الدكتور:خلوا بالكوا منها لو تعبت ده خطر عليها
احمد:حاضر ان شاء الله

(الدكتور مشى وساب احمد،واحمد قعد على الكرسى مش قادر يفكر،عارف ان سارة تعتبر اخت منة،وعارف منة هتفضل تعبانة لحد ما سارة تخرج من الموضوع ده،كمان معرفش يتصرف ويقول لاهل سارة ازاى علي اللى حصل،معرفش يعمل ايه راح يصلى )

سارة: (فاقت ولقت نفسها فى مستشفى غريب،استغربت من المنظر،بعدين سمعت الباب خبط،ودخل احمد عليها)

سارة:انا ايه اللى جابنى هنا؟
احمد: (دخل وقعد على الكرسى)انتى اغمي عليكي ياسارة
سارة:طب ومنة فين؟
احمد:اغمي عليها
سارة: (اتخدت)ليه حصلها ايه؟
احمد:مقدرتش تشوفك تعبانة اغمي عليها على طول،بس متخافيش شوية وهتفوق
سارة: طب هي فين اروحلها؟
احمد:لالا مينفعش تقومي
سارة:ليه يعنى؟
احمد:الدكتور قالى انك لازم ترتاحي
سارة:طب انا عايزة امشى من المستشفى،وابقى ارتاح فى بيتى
احمد:مينفعش
سارة:ليه مش خلاص انا فوقت
احمد: الدكتور اللى بيعالجك،موجود هنا
سارة:دكتور مرسى شغال هنا؟
احمد:اه
سارة: (عيونها دمعت)وانتوا عرفتوا انا عندي ايه؟
احمد: (حاول يهرب)قال انك دوختى علشان تعبتى نفسك
سارة:هي منة عرفت انا تعبانة عندي ايه؟
احمد: (معرفش يكدب عليها) الصراحة ايوة
سارة: (عيطت)علشان كده منة اغمي عليها
احمد:متخافيش منة هتفوق بعد شوية وهتبقى كويسة
سارة:طب انا عايزة معلش منك طلب
احمد:اكيد اتفضلى
سارة:ماما متعرفش حاجة
احمد:ازاى يعنى؟
سارة:محدش يقول لاهلى انى هنا،حاولوا تخبوا عليها على قد ما تقدروا
احمد:بس ياسارة انتى هتعملى عملية،لازم اهلك يعرفوا
سارة:ارجوك محدش يقولهم حاجة النهاردة
احمد: (حب يريحها علشان الدكتور قاله انها تعبانة)طب حاضر،انا هخرج دلوقت وانتى ارتاحي
سارة: (ودموعها بتنزل)طيب

(احمد خرج،وسارة قامت علشان تصلى لربنا،لانها كانت محتاجة ربنا معاها اوي فى الوقت ده،وبالذات لانها خايفة على امها او اصحابها يحصلهم حاجة بسببها)

(احمد راح يطمن على اخته،دخل عليها،لقاها قاعدة ساكتة خالص،ووشها اصفر،وبتعيط،دخل قعد جنبها على السرير)

احمد: (حط ايده على ايد منة)ايه يامنة مالك؟
منة: (وصوتها باين فيه العياط)فين سارة يا احمد؟
احمد:سارة زي الفل فى الاودة اللى جنبنا
منة: (شالت ايد احمد)طب ساعدنى اروحلها
احمد:منة انتى لسه قايمة مينفعش
منة: (عيطت جامد)أرجوك لو بتحبنى
(احمد صعبت عليه اخته،قام وقف بسرعة،وخرج طلب من الممرضة تودي سرير تانى فى اودة سارة،بعدين سند منة لحد اودة سارة،وخبط بعدين دخل،واحمد حاول يودي منة للسرير علشان ترتاح،لكنها رفضت تقعد عليه، وقعدت على الارض جنب سارة اللى كانت بتصلى)

احمد: (نزل قعد جنب منة)حبيبتى انتى مينفعش تقعدي كده،انتى تعبانة
منة: (وهي بتعيط جامد،وعيونها احمرت من كتر العياط)ارجوك يا احمد سبنى براحتى
احمد: (عارف ان اخته عنيدة،ومش هتسمع كلامه،وحب يريحها علشان عارف هي قد ايه بتحب سارة)طب انا هبقى بره علشان لو احتجتم حاجة
منة: طيب

(سارة حست بيهم،خلصت الصلاة،بعدين لقت منة فى وشها بتعيط جامد،ومنة اول ما سارة خلصت،اترمت فى حضن سارة وطلعت كل العياط اللى جواها،وسارة بقت دموعها بتنزل علشان مس مستحملة تشوف صاحبتها كده)

سارة: (وهي حاطة كتفها على منة،ومنة فى حضنها بتعيط)ياحبيبتى خلاص
منة: (وهي بتعيط ومش قادرة تسكت)سارة انا عايزاكي جنبى
سارة:ياحبيبة قلبى انا جنبك اهو
منة: (وهي منهارة)لا انتى هتسبينى
سارة: (طلعت منة من حضنها،وابتسمت فى وشها)مين قال بس؟،طب هسالك سؤال؟
منة: (وهي بتمسح دموعها)ايه؟
سارة:انا قولتلك انى عندي ثقب صح؟
منة: ايوة
سارة:بس مقولتش انى هموت
منة: (وهي بتعيط)بس ياسارة الدكتور قال فى خطر على حياتك
سارة:بس مقلش انى هموت يامنة
منة: (بصت لسارة باستغراب)يعنى قصدك ايه؟
سارة: (وهي بتحاول تهدي منة باي طريقة)يعنى ان شاء الله انا هتعالج،وهبقى احسن من الاول
منة: (بدات تهدي شوية)يعنى الدكتور قالك ان فى علاج؟
سارة: (وهي عارفة ان نسبة العملية ضعيفة اوي،بس فكرت انها تخبى على منة)اه فى علاج،وان شاء الله هرجع احسن من زمان كمان
منة: (حضنت سارة جامد)يارب ربنا يخليكي جنبى
سارة: (ودموعها بتنزل)ان شاء الله

(سارة ومنة قاموا من على الارض،وراحوا علشان يرتاحوا،منة حطت راسها على السرير علشان سارة تفتكر انها نامت،،وسارة مقدرتش تنام،قعدت تبكي وهي مش عارفة بتعيط ليه،هي عارفة ان نسبة نجاح العملية ضعيفة،بس هي واثقة ان ربنا قادر انه تبقى احسن من الاول،حطت راسها على السرير،وراحت فى النوم على طول،منة بصت على سارة واول لما لقتها نامت،قامت وقفت وجريت تشوف احمد فين علشان تفهم ايه العلاج بتاع سارة)

(منة خرجت وهي بتعيط،ودورت على احمد لقيته قاعد على كرسى،راحتله،واول لما سمع صوت حد جاي وشاف اخته،جري يسندها،وقعدها على كرسى وقعد جنبها)

احمد:مش وديتك عند سارة علشان ترتاحي،قومتى تانى ليه؟
منة: (وهي بتعيط جامد)وارتاح ازاى وصاحبتى تعبانة؟
احمد: (صعبانة عليه اخته،ومش عارف يعمل ايه)طب اهدي وادعيلها انها تقوم بالسلامة
منة: بدعيلها والله
احمد: يبقى سبيها على ربنا،وان شاء الله اختياره هيبقى الاحسن
منة: ان شاء الله،بس كنت عايزة اسالك علي حاجة
احمد:ايه؟
منة: الدكتور قالك ايه علاج سارة؟
احمد: (سكت شوية علشان مش عايز يقولها ان العلاج عملية،علشان عارف انى منة هترجع تعيط تانى وممكن يغمي عليها،بس قال يتكلم علشان يطمن منة)بتسالي ليه؟
منة: (حست ان فى حاجة خلت احمد يسكت،مسكت ايد احمد وبصتله بخوف)قولى يا احمد،فى علاج صح؟
احمد: (اتخد على اخته)اهدي بس انتى
منة: ارجوك رد عليا،فى علاج صح؟
احمد:اه فى علاج والله
منة:طب وايه هو العلاج؟
احمد: عملية
منة: (حطت ايدها على وشها)لا عملية لا
احمد: (مسك ايد اخته،وحاول يهديها)اهدي يامنة،مالها العملية بس؟
منة:احمد سارة مش هترضى تعمل العملية انا عارفة
احمد:مين قالك بس؟
منة:انا اعرف اكتر منك،مش هترضى تعملها
احمد: ليه يعنى؟
منة: (وهي بتحاول تهدي)بص يا احمد،سارة وهي صغيرة كان ليهم واحدة جارتهم،راحت تعمل عملية قلب،وماتت،ووقتها سارة جالها حالة اكتئاب ودخلت المستشفى،مع انها كانت صغيرة،ومن وقتها وسارة عندها حاجة زي فوبيا من العمليات،لما بتسمع ان علاج اي حاجة عملية بترفض الموضوع تماما
احمد: بس سارة مؤمنة وعارفة ان ربنا اللى اشاء ان الست دي تموت
منة: (وهي حاطة ايدها على وشها)هي عارفة،بس مرض الفوبيـا ده كبر معاها،ومعرفناش نعالجه
احمد:يعنى هي قالتلك دلوقت انها مش هتعمل العملية؟
منة: (بصت لاحمد)هي رفضت اصلا تقولى ايه العلاج
احمد:استغفر الله،طب هي سارة فين دلوقت؟
منة: نايمة
احمد: طب بصى انتى روحي حاولى تنامي دلوقت،وان شاء الله لما سارة تفوق،ربنا يهديها ويخليها تفكر انها تعمل العملية،وانا هحاول اقول للدكتور بطريقة مش مباشرة انه يقنعها هو كمان،وان شاء الله تعملها وتبقى كويسة
منة: (وهي بتعيط)يارب
احمد: (مسك اخته علشان يوقفها وهو عارف انها تعبانة من كتر العياط،وداها لحد الاودة علشان تخش تنام)نامي انتى دلوقت يامنة،وربنا يقدم اللى فيه الخير
منة: يارب يا احمد

(منة دخلت،واحمد رجع قعد على الكرسى،ورمي دماغه ورا علشان تعب من كتر التفكير،بيحب سارة ومش عايزها تروح منه علشان هو ناوي انه يتقدملها لما الوقت ينفع،وكمان تعبان على اخته اللى مش قادرة تتقبل فكرة تعب سارة،الدكتور جه لاحمد علشان يطمن على منة وسارة)

الدكتور:السلام عليكم يا استاذ
احمد: وعليكم السلام يادكتور
الدكتور:اختك عاملة ايه دلوقت؟
احمد:كويسة الحمدلله
الدكتور:طب وسارة ؟
احمد:نايمة
الدكتور:طب احنا كنا عايزين نعمل العملية قريب
احمد: (بصله باستغراب)قريب امتى؟
الدكتور:يعنى على بعد بكره بالكتير،والاحسن بكره
احمد: (اتصدم)بكره؟
الدكتور:زي ما قولتلك ان الثقب بيتعبها كل مدي اكبر،ودلوقت احنا جاهزين ليه نأخر الموضوع
احمد:بس يادكتور محدش من اهلها موجود اصلا
الدكتور:انتم مبلغتوش اهلها؟
احمد:سارة طلبت مني انى مقولش لمامتها اصلا
الدكتور:كنت عارف ان سارة هتعند
احمد:طب وايه الحل دلوقت؟
الدكتور:بص احنا لازم نسمع كلام سارة دلوقت لانها تعبانة والعصبية غلط عليها،فحاول محدش يبلغ مامتها بحاجة دلوقت،لحد ما ربنا يسهل
احمد:حاضر يادكتور
الدكتور:انا موجود فى المكتب اللى جنبك لو سارة او اختك احتاجوا لحاجة
احمد:ماشى
الدكتور:ربنا يعينك
احمد:امين

(الدكتور مشى وساب احمد،ولما مشى رن موبايل احمد على طول،وكانت مامته اللى بتتصل،مكنش عايز يرد عليها علشان مش عايز يقلقها،بس كان عارف انه لو مردش مامته هتقلق اكتر،فخرج بره المستشفى علشان ميعملش ازعاج للمرضى،ورد على طول)

ام احمد:ها طمنى يا احمد؟
احمد:الحمدلله يا امي
ام احمد:مالها سارة يا احمد؟
احمد:للاسف عندها ثقب فى القلب
ام احمد: ايه؟
احمد: قدر الله وماشاء الله فعل
ام احمد:لا حول ولا قوة الا بالله العلى العظيم
احمد:الدكتور بلغنى انها المفروض تعمل عملية
ام احمد:طب احنا كده لازم نبلغ اهلها
احمد:لا يا امي،متتصليش بحد خالص
ام احمد:ازاى يابنى ،مينفعش البنت تعمل عملية واهلها ميعرفوش حاجة
احمد:بصى يا امي،سارة طلبت منى ان امها وابوها ميعرفوش حاجة عن تعبها وكده،ولما قولت للدكتور قالى اسمع كلامها لانها لو اتعصبت او زعلت ده غلط على صحتها
ام احمد: (وصوتها باين عليه الحزن)ياقلبى عليها
احمد:ربنا يكون فى عونها،بس لو اهلها اتصلوا يا امي حاولى تتطمنيهم وخلاص
ام احمد: هحاول،طب اجيلكم انا المستشفى؟
احمد:لا خليكي فى البيت،لو اهلها اتصلوا محدش رد كده بجد هيقلقوا
ام احمد: طب هقعد،بس ابقى طمنى عليها يا احمد ارجوك
احمد:حاضر يا أمي
ام احمد:خليك معاها لو احتاجت حاجة،محدش جنبها غيرك انت واختك دلوقت
احمد:حاضر
ام احمد:ربنا يزيح عنهِا يارب
احمد:امين،متنسيش يا امي محدش يعرف من اهلها حاجة
ام احمد: هحاول اخبى عليهم
احمد:يلا سلام علشان انا المفروض هجبلهم الاكل من الممرضة
ام احمد:ماشى يابنى،سلام

(احمد بعد ما قفل ما مامته،دخل المستشفى تانى،وقعد على الكرسي،وطلع مصحف وقعد يقرأه لانه كان مش عارف يفكر هيعمل ايه وهو دلوقت موجود مكان اهل سارة،ومتحمل مسئوليتها)

موضوع: رد: رفيق عمري الخميس يونيو 02, 2011 6:17 pm

(احمد بعد ما قفل ما مامته،دخل المستشفى تانى،وقعد على الكرسي،وطلع مصحف وقعد يقرأه لانه كان مش عارف يفكر هيعمل ايه وهو دلوقت موجود مكان اهل سارة،ومتحمل مسئوليتها)

(ماما سارة فجاة حست ان سارة وحشتها،وان سارة ممكن تكون محتاجاها دلوقت،نزلت على الصالة واتصلت على بيت منة علشان تتطمن على سارة،بعد ما لقت موبايل سارة مقفول)

ماما سارة:السلام عليكم
ماما احمد: (اتفزعت لما سمعت صوت ماما سارة،وحست انها مش هتعرف تخبى عليها،بس حاولت تتكلم عادي)وعليكم السلام ورحمة الله وبركاته،اهلا بحبيبة قلبى
ماما سارة:ازيك يا لبنى عاملة ايه؟
ماما احمد:انا كويسة ياحبيبتى،وانتى عاملة ايه؟
ماما سارة:كويسة الحمدلله،سبحان الله فجاة حسيت ان سارة وحشتنى
ماما احمد: (اتخدت وحست انها اكيد هتسال على سارة،ووقتها هي مش هتعرف تقولها ايه)حقك مش بنتك
ماما سارة: (ضحكت)طب هي فين الخلبوسة دي؟
ماما احمد:مع منة واحمد بره
ماما سارة:بس دي موبايلها مقفول
ماما احمد: (افتكرت ان سارة نسيت الموبايل فى البيت،وهي اضطرت تقفله علشان محدش يتصل يسال عليها)اه ما هي نسيته هنا
ماما سارة:طب اكلمها على موبايل منة؟
ماما احمد:لا ما هي منة كمان سابت موبايلها هنا
ماما سارة : (استغربت ان منة وسارة نسيوا الموبايل،وحست ان فى حاجة)غريبة هما ال2 سابوا الموبايل
ماما احمد: (معرفتش تقول ايه،استعانت بربنا وحاولت تهدي)انتى عارفاهم اصحاب اوي بقى بينسوا سوا
ماما سارة:طب هاتى رقم احمد كده
ماما احمد: (حاولت تهرب بانها تهزر)هتعاكسى ابنى ولا ايه؟
ماما سارة: (بضحك)لا طبعا،هكلمه ياست لبنى علشان اكلمه يخلينى اكلم سارة،حاسة انى عايزة اسمع صوتها
ماما احمد: (اتوترت جامد،ومعرفتش تتصرف او تقول لماما سارة ايه)انتى قلقانة عليها ولا ايه؟
ماما سارة: (بدات تستغرب من هروب ماما احمد من انها تقولها رقم احمد على طول)لا بس عايزة اتطمن عليها ومعرفش ايه السبب
ماما احمد:بس احمد ممكن ميسمعش الموبايل
ماما سارة: خليها على ربنا،انا هتصل وان شاء الله يرد
ماما احمد: (سكتت شوية ومعرفتش تعمل ايه،عارفة انها لو اتصلت باحمد،هتعرف سارة فين،وهتعرف ان سارة تعبانة والمفروض تعمل عملية)هقولك على حاجة طيب الاول
ماما سارة:اؤمرينى؟
ماما احمد:الامر لله ياحبيبتى،بصى ما تستنى شوية يمكن احمد نفسه يتصل،ووقتها يبقى لما تتصلى اكيد ان شاء الله هيرد عليكي
ماما سارة: طيب بس اكيد تبقى تكلمينى
ماما احمد: (طلعت نفس جامد بعد ما ارتاحت)من عيونى هكلمك
ماما سارة:السلام عليكم
ماما احمد: وعليكم السلام ورحمة الله وبركاته

(ماما احمد اول ما قفلت شكرت ربنا انه كان معاها لانها مكنتش عارفة تعمل ايه،بعدين راحت جابت موبايلها واتصلت باحمد على طول علشان تقوله اللى حصل،لانها واثقة ان ماما سارة مش هتهدي الا لما تسمع صوت بنتها)

احمد: (كان بيقرا قرأن،اتخد لما لقى مامته بتتصل تانى ،قفل المصحف،وخرج من المستشفى علشان يرد وميعملش ازعاج للدكاترة والناس اللى فى المستشفى)السلام عليكم يا امي
ماما احمد: وعليكم السلام يا احمد،الحقنى يابنى
احمد: (اتخد من نبرة مامته)فى ايه يا امي؟
ماما احمد: (خدت نفس جامد بعدين اتكلمت)ماما سارة اتصلت وكانت خلاص هتعرف،لولا ان ربك ستر وعرفت اهرب
احمد:وقولتيلها ايه؟
ماما احمد:قولتلها ان هي بره معاك انت ومنة،وسألتنى ليه موبايلها مقفول،قولتلها انها نسيته هنا،وكمان قولتلها ان منة نسيت الموبايل،وطلبت رقمك علشان تكلمك،بس انا حاولت اقولها انك ممكن متردش
احمد: استغفر الله،طب يعنى هي خلاص مش هتتصل تانى النهاردة؟
ماما احمد:لاطبعا هتتصل،ده انا بالعافية قولتلها ان انت اكيد هتكلمنى كمان شوية،وقولتلها لما احمد يكلمنى هبقى اكلمك
احمد:طب والحل ايه دلوقت،انا مبقتش عارف اتصرف؟
ماما احمد: مش عارفة يابنى والله
احمد: (سكت شوية وفكر ازاى يطمن ماما سارة بدون ما يخليها تتصل بيه)بصى يا امي
ماما احمد:ها؟
احمد: انتى بعد شوية تكلميها،وتقوليلها ان سارة كويسة،بس بلاش تكلميها لحسن تفتكر ان فى حاجة
ماما احمد:ازاى يعنى؟
احمد:بصى يا امي،يعنى انتى تقولى لماما سارة انها بلاش تتصل بسارة على موبايلي،علشان سارة كده هتحس ان حد من اهلها تعبان وممكن تقلق
ماما احمد:والله عندك حق،ممكن تقتنع كده
احمد:ان شاء الله تقتنع،انتى قوليلها ان سارة هتفتكر ان فى حاجة لو حست ان مامتها عايزة تكلمها لدرجة انها عايزة تكلمها على موبايلى
ماما احمد:خلاص ربنا يسهل،شوية وانا هبقى اكلمها
احمد:ربنا يستر بس وتنسى خالص فكرة انها تكلم سارة
ماما احمد:امين،ابقى طمني على سارة يا احمد
احمد:حاضر بس لما تصحي يا امي
ماما احمد:فى امان الله يابنى
احمد:سلام

(احمد ارتاح اوي للفكرة اللى جتله دي،وحس انه ان شاء الله ماما سارة مش هتعرف حاجة الا لما سارة تقرر انها تعرفها بنفسها،واطمن احمد انه عمل اللى سارة كانت عايزاه،علشان ميتعبهاش،بس حصل اللى ولا ماما احمد ولا احمد كانوا يتوقعوه،وهو ان ماما سارة افتكرت ان الدكتور"دكتور مرسى"قالها تتصل بيه علشان تعرف نتيجة الاشعة،وجريت ماما سارة على اودتها تدور على الورقة اللي كتبلها فيها الدكتور الميعاد اللى هتتطلع فيه نتيجة الاشعة،وقرت انها المفروض النتيجة هتتطلع النهاردة،فجابت التليفون واتصلت بيه على طول،والمشكلة الاكبر هي ان الدكتور مش هو اللى رد عليها،لكن الممرضة هي اللى ردت،وللاسف الممرضة متعرفش ان ماما سارة المفروض متعرفش اي حاجة عن مرض سارة دلوقت)

ماما سارة:السلام عليكم
الممرضة:وعليكم السلام،تحت امرك يا فندم
ماما سارة:بعد اذنك انا ممكن اكلم الدكتور مرسى؟
الممرضة:للاسف مش هينفع دلوقتي،لانه بيمر على حالات فى المستشفى،بس حضرتك انا مكانه
ماما سارة:طب احنا كنا عاملين اشعة عندكم،والدكتور قالى اتصل اعرف نتيجته النهاردة
الممرضة:اشعة ايه حضرتك؟
ماما سارة:اشعة قلب
الممرضة:باسم مين؟
ماما سارة:باسم سارة هشام
الممرضة:طب ثوانى اشوفه لحضرتك
ماما سارة: (وهي قلقانة من جواها)اتفضلى

(وراحت الممرضة تشوف فى وسط الاشعة الخاصة بمرضى القلب،الاشعة اللى باسم سارة،ولقتها بعدين فتحتها،ولقت ان البنت عندها ثقب فى القلب،ورجعت مسكت التليفون تانى)

الممرضة:لقيت الاشعة الحمدلله
ماما سارة: (ونبض قلبها بدا يزيد من خوفها على بنتها)طب طمنينى يابنتى
الممرضة:والله يا مدام الاشعة بتقول ان سارة عندها ثقب فى القلب
ماما سارة: (حست نبضها وقف مرة واحدة،ودموعها كلها اتجمعت فى عينها،بس قالت ان اكيد الممرضة غلطت فى الاسم)انتى واثقة انها سارة هشام؟
الممرضة: اه يا مدام الاسم قدامي اهو
ماما سارة: (وهي بتعيط)بس يابنتى انا اعرف ان الثقب البنت بتتولد بيه
الممرضة:اه طبعا
ماما سارة:بس انا بنتى كانت سليمة
الممرضة:مع الاسف مقدرش افيد حضرتك
ماما سارة: (وحاسة ان تفكيرها وقف،وان ضغطها بقى واطي)طب يابنتى الدكتور هيبقى فاضى امتى؟
الممرضة:حضرتك سيبى الرقم،وانا هقوله يكلم حضرتك
ماما سارة: طب يابنتى انا رقمي2345309
الممرضة:تحت امر حضرتك،لما يخلص هخليه يكلمك
ماما سارة:شكرا يابنتى،السلام عليكم
الممرضة:وعليكم السلام

(ماما سارة قفلت،والموبايل وقع من ايدها،حست ان الدنيا ضاقت فى عيونها اوي،متقدرش تتخيل ان سارة تروح منها،معرفتش تعمل ايه،اتصلت بجوزها اللى كان فى الشغل علشان يرجع،لانها مش عارفة تتصرف)

(سارة صحيت،ولقت منة نايمة جنبها،رمت راسها لوراء وقعدت تعيط،وملقتش وسيلة ترتاح بيها الا انها تتكلم مع ربنا،فضلت تحكي بينها وبين ربنا حاجات كتير مسببة ليها التعب،وتبكي وهي بتتكلم،قالت لربها ان هي طول عمرها مستنية اليوم اللى هتجيله فيه،وانها مش خايفة من الموت،بس هي خايفة على الناس اللى حواليها يتعبوا من بعدها،وقعدت تستغفر ربنا علي كل حاجة ممكن تكون عملتها وزعلت ربنا بيها،علشان لو ماتت تبقى رايحة لربنا وهي مطمنة انها ان شاء الله قبرها هيبقى روضة من رياض الجنة،ودعته انها لو ماتت يصبر الناس من بعدها،ولو عاشت يكتبلها عمر جديد فى طاعته و الفوز برضاه،وقعدت تعيط عياط عمرها ما عيطته قبل كده،احمد فى الوقت ده فكر انه يقول لسارة اللى حصل وان مامتها كانت بتسال عليها،بس خاف ان ده يتعب سارة اكتر فمرديش يدخل ليها خالص)

(بابا سارة اتفزع من اللى مراته قالتله ليه،جري على عربيته،وساب شغله زي التايه "التائه"اللى مش عارف رايح فين،ساق باقصي سرعة ممكنة لحد بيته،ودخل جري علشان يفهم من مراته اللى حصل،لقاها قاعدة بتعيط،ووشها احمر من كتر العياط،حاول يهدي علشان يصبرها لانه المفروض هو الراجل وهو الاقوي)

بابا سارة: (جري على مراته)اهدي بس
ماما سارة: (قعدت تمسح دموعها)شوفت اللى حصل يا هشام
بابا سارة: (بحزن،والدموع متجمعة فى عيونه)انا واثق ان فى حاجة غلط
ماما سارة:يارب يسمع منك ربنا،يارب الاشعة دي تكون غلط
بابا سارة:الدكتور لسه متصلش بيكي؟
ماما سارة:لا لسه
بابا سارة:طب انا معايا رقم الموبايل بتاعه،انا هكلمه
ماما سارة:ياريت علشان تطمني
بابا سارة: ان شاء الله خير

(بابا سارة اتصل بالدكتور على طول،والدكتور لقى رقم غريب،رد بسرعة بدون ما يتخيل ان التليفون ده من حد من اهل سارة)

الدكتور:السلام عليكم
بابا سارة:وعليكم السلام ،معاك هشام والد سارة
الدكتور: (اتفزع،متخيلش ان حد من اهل سارة هيتصل بيه)اه ازيك يا فندم؟
بابا سارة:الحمدلله،احنا بس كنا عايزين نفهم ازاى عند سارة ثقب فى القلب؟
الدكتور: (اتخد من ان بابا سارة عرف انها تعبانة)مين قالكم انها عندها ثقب فى القلب؟
بابا سارة:الممرضة بتاعة حضرتك
الدكتور: (اتعصب اوي ان الممرضة قالتلهم،بس عذرها انها متعرفش،بعدين معرفش يتصرف،وللاسف ملقاش حل قدامه غير انه يعرفهم مشكلة سارة بالظبط)وهي قالت لحضرتك ايه؟
بابا سارة: (بعد عن مراته علشان ميحسسهاش بتعب اكتر،ونزلت دموعه)ان عندها ثقب فى القلب،بس ازاى يادكتور مش الثقب ده البنت المفروض تتولد بيه؟

(اضطر الدكتور غصب عنه انه يشرح لابو سارة كل الموضوع،وفهمه ان سارة مولودة بيه من صغرها بس الدكاترة اهملوا الموضوع،وكمان اضطر يقولهم ان سارة علاجها عملية،وان العملية لازم تتعمل فى اسرع وقت،قفل الدكتور مع بابا سارة اللى انهار ومقدرش يستحمل،قعد على الكرسي يصبر نفسه قبل ما يقول لمامتها الخبر،وقام وقف،وراح لمامتها اللى حست انها فهمت كل حاجة من شكل جوزها،قعدت تعيط بشكل يقطع القلب،وجوزها يحاول يهديها،وبعدين طلبت منه يفهمها ايه الموضوع بالظبط)

(الدكتور جري على احمد يفهمه ان عائلة سارة عرفوا انها تعبانة،وبالتالى اكيد ماما سارة هتعرف،لقى احمد قاعد فى نفس المكان،واحمد اتخد لما لقى الدكتور جاي،حس ان شكله ميطمنش)

احمد: (قام وقف)خير يادكتور؟
الدكتور:بابا سارة ومامتها عرفوا
احمد: ايه،عرفوا ازاى؟
الدكتور:شوف الموضوع طويل،بس باختصار الممرضة قالتلهم،واتصلوا بيا معرفتش اهرب،اضطريت اقولهم كل حاجة
احمد:استغفر الله العظيم
الدكتور:لازم سارة تعرف ان مامتها وباباها عرفوا،انا هبعت الممرضة فى الاودة عندها تصحيها علشان تخش تقولها
احمد:مش هقدر خلى الممرضة تقولها يادكتور
الدكتور:مينفعش الممرضة،علشان تفهمها انها لازم تقول لاهلها انها فى المستشفى،لانهم هيكلموها علشان تيجي
احمد:طيب يادكتور خلى الممرضة لما تصحيها تيجي تقولى
الدكتور:طيب

(وراحت الممرضة علشان تصحي سارة،ودخلت لقت سارة بتحاول تنام،قالتلها تصحي علشان احمد هيخش،وسارة قعدت،وعدلت الطرحة علشان احمد يخش،والممرضة راحت تنادي احمد علشان يخش لسارة،واحمد بقى يحاول يفكر هيقولها ايه،سمي الله،ودخل على طول بعد ما خبط على الباب)

احمد: (دخل وقعد على الكرسي)السلام عليكم
سارة: (حست فى وش احمد حاجة غريبة)وعليكم السلام
احمد:سارة مامتك وباباكي عرفوا انك تعبانة
سارة: (وشها قلب،وعيطت علشان عرفت انهم هيبقوا تعبانين عليها)عرفوا ازاى؟
احمد:والله انا حاولت انا وامي نخبى على مامتك،بس هما اتصلوا بالممرضة وقالتلهم انك تعبانة،بعدين اتصلوا بالدكتور علشان يفهموا منه
سارة: استغفر الله العظيم،طب هما عرفوا انى المفروض اعمل عملية؟
احمد:اه عرفوا وهي دي المشكلة
سارة:علشان يعنى هما هيتصلوا بيا ويقولوا اجي المستشفى
احمد:بالظبط وانتى فى المستشفى اصلا
سارة: (قعدت تدور فى جيبها على موبايلها)وانا فين موبايلى؟
احمد:ماما قالتلى انك نستيه فى البيت
سارة: (حطت ايدها على راسها،حست دماغها وقفت)طب انا اعمل ايه؟
احمد:بصى اعتقد ان مامتك هتتصل بمامتى فى البيت،علشان تاخد رقمي وتكلمنى،علشان تطلب مني اني اخليها تكلمك،ووقتها انا هفهمها اللى حصل بهدوء ان شاء الله
سارة:قولها انى كويسة
احمد:حاضر،بصى انا هسيبك دلوقت علشان مينفعش اصلا اسيب الموبايل مفتوح فى المستشفى،بس انا مضطر اسيبه علشان الظروف،فهخرج استنى اتصال مامتك بره
سارة:طيب

(احمد خرج،وهوعارف ان اكيد سارة هتنهار،وبالفعل سارة حست انها مش قادرة،قعدت تعيط بطريقة هيسترية،لدرجة ان منة صحيت،وجريت عليها علشان تفهم اللى حصل،وسارة بدات تقولها ان هي عارفة ان مامتها وباباها مش هيستحملوا،وممكن كمان يتعبوا بسببها،وحاولت منة تهدي فيها)

بعد ربع ساعة

(ماما احمد اتصلت بيه،وقالتله ان ماما سارة عرفت ان سارة تعبانة،وكمان قالتله انها هتتصل بيه دلوقت،واحمد فهمها انه عرف،وقالها انه هيستنى ماما سارة تتصل،وقفل مع مامته بسرعة علشان يستنى اتصال ماما سارة،وبعد اقل من دقيقتين اتصلت ماما سارة باحمد علشان تسمع صوت بنتها،واحمد فهمها اللى حصل وحاول يتكلم بهدوء ،بس ماما سارة مقدرتش تستحمل،قالت لاحمد انها هتيجي على طول،وقامت لبست بسرعة،وراحت هي وجوزها على المستشفى سوا،وطبعا الام اول لما وصلت المستشفى جريت على اودة بنتها،بس الدكتور منعها لانه كان عارف ان دخول مامتها هيأثر عليها وهيتعبها،وطلب منهم يسيبوا سارة ترتاح علشان يقدروا يقولوا ليها بعد شوية ويقنعوها انها تعمل العملية)

(بعد 3 ساعات كانت كل عائلة سارة جت،امها وابوها،وعبدالخالق وزوجته انجي،وخالتها وجوزها واولادها" خالد وسمر ومنار"،وعمتها وزوجها وبنتهم "اريج"،اما ريم اختها واية صاحبتها ويوسف ابن خالتهم الثانية مكنوش موجودين،لان ريم كانت فى سفر هي واية للشغل،وكان معاهم يوسف وعبدالله ،ومحدش بلغهم بتعب سارة علشان هما مسافرين)

عبدالخالق:25 سنة،متجوز انجي،وعنده طفل عنده سنة اسمه معز،بيشتغل رجل اعمال وعنده شركة مشهورة فى العقارات،طويل وشعره اسود،وعيونه خضراء غامقة، وبشرته خمري، وليه كاريزما عالية وسط الناس،دمه خفيف،وبيموت فى اخواته وامه وابوه،ولو طلبوا عيونه يجبها ليهم،طيب اوي وحنين،وعصبى لما يكون خايف على حد اوي،غيور حتى على اخواته،وبيخاف عليهم من الهواء الطاير

انجي:23 سنة،متخرجة من كلية حقوق،اشتغلت سنة بعد التخرج بس لأنها لما اتجوزت وخلفت معز اضطرت تقعد فى البيت،علشان تعرف تربى ابنها صح وكمان لأنها كانت عايزة تعلمه كل القيم من وهو صغير،عسل واجتماعية،وبتموت فى عائلة عبدالخالق وهما كمان بيحبوها زي اختهم،حتى ماما عبدالخالق بتعتبرها زي بنتها،بتحب عبدالخالق اكتر من نفسها وهو بيرتاح لما بيتكلم معاها،محجبة بس شعرها اشقر،وبشرتها برونزي زي الاجانب،وعيونها سوداء

يوسف:20 سنة،كلية اداب فرنساوي،ذكي وناجح فى دراسته،بيدرس فرنساوي وفى نفس الوقت درس اسبانى وانجليزي،علشان يبقى عنده حصيلة لغات لان حلمه يكون اعلامي مشهور فى التليفزيون،انطوائى شوية بس لما بيكون مع الناس اللى بيحبهم بيبقى دمه خفيف،وبيفتح مواضيع كتير للكلام،هادي بس مش بارد،ومش عصبى،عيونه سوداء غامقة،وشعره اسود مايل للبنى،وبشرته بيضاء،بيموت فى الكورة،وبيشجع فريق الزمالك،وهو ابن خالة سارة وريم ،وابن خالة خالد وسمر ومنار

منار:27 سنة،بتشتغل فى بنك مشهور اوي،وشغالة فيه مديرة،رومانسسية اوي وقلبها ابيض،عصبية بس بتحاول تتحكم فى اعصابها،مبتحبش حد يتكلم وحش عن حد بتحبه لانها وقتها ممكن تقلب وحش،شعرها مدرج قصير،ولونه احمر غامق،بس هي محجبة،عيونها زرقاء غامقة،ولابسة نظارة،مخطوبة لمدحت بقالهم سنة ونصف،وهو زميلها فى الشغل

(بعد 4 ساعات)

(سارة فاقت من صوت خبطة الباب،ظبطت الطرحة،بعدين دخل الدكتور،اللى اول ما سارة شافته سالته على منة اللى ملقتهاش جنبها)

سارة:فين منة يادكتور؟
الدكتور:بقت كويسة وقاعدة بره مع اخوها
سارة:الحمدلله انها بقت كويسة
الدكتور:باقى انتى ياسارة
سارة: (عيونها دمعت)انا كويسة الحمدلله
الدكتور:بصى ياسارة،انا عارف من مامتك كرهك للعمليات،وانك بترفضيها تماما،بس يا سارة انا عارف انك مؤمنة بالله،وعارفة ان اللى حصل لجارتك ده قضاء وقدر
سارة: (عيطت لما افتكرت الموضوع)بس يا دكتور
الدكتور: (قاطعها قبل ما تخلص كلامها)بصى انا عايزك تتطمني،انتى ان شاء الله فى حماية ربنا،واللى ربنا عايزه هيكون،وان شاء الله انا هعمل اقصى جهدي علشان العملية تنجح
سارة: (سكتت شوية،بعدين بصت للدكتور وعيونها مليانة بالدموع،ووشها اصفر من كتر التعب)طب انا لو هعمل العملية هعملها امتى؟
الدكتور:بصى احنا كنا المفروض بدأنها من شوية،بس انا قولت اسيبك ترتاحي،بس لو ربنا هداكي ووفقتى يبقى نعملها دلوقت
سارة: دلوقتي؟
الدكتور:متخافيش،انا فكرت فى حاجة علشان ترتاحي للموضوع اكتر
سارة:حاجة ايه؟
الدكتور:علشان متتعبيش لما تشوفى قرايبك بره،وعلشان متحسيش برهبة انك رايحة تعملى عملية،انا هديكي البنج من هنا،وهاخدك متخدرة
سارة: (ارتاحت للفكرة لانها مكنتش هتستحمل تشوف دموع امها وابوها،او حتى دموع قرايبها)كده احسن يادكتور،بس هما مش هيخشوا ليا؟
الدكتور:بلاش علشان متتعبيش
سارة:بس انا عايزة اشوفهم يادكتور
الدكتور:طب يخشوا ليكي بس مش هيطولوا
سارة: (عيونها دمعت لما حست بألم مامتها وباباها)طيب،بس دخلى امي وابويا الاول بعد اذنك يادكتور
الدكتور:من عيونى

(خرج الدكتور وطلب من ام وبابا سارة يخشوا ليها،وطلب منهم انهم مش يعيطوا عندها لانها ممكن تتعب،ودخلت العائلة بالتدريج على سارة،وكلهم مكنوش بيطولوا لانهم مش قادرين يتخيلوا ان سارة ممكن تبعد وتسبهم،واخوها مقدرش يخش،بص عليها من بره الاودة علشان مكنش قادر يحس بشعور انه بيودعها،بعدين كلهم مسكوا المصحف،وبدأوا يقرأوا قرآن لسارة،ويدعو ربنا ان يرجعها ليهم بالسلامة،وبعدين الدكتوردخل لسارة،وقالها انه هيجهز البنج،بس هي طلبت منه تصلى الاول،علشان لو ربنا اشاء رقيها ويرفعها عنده ،يكون راضى عنها،وبعدين دخلت الممرضة الى ادت سارة البنج،واقل من 5 دقايق سارة كانت اتخدرت)

(الدكتور كان فى اودة العمليات،طلب من الممرضة تشوف سارة اتخدرت ولا لا،ولما ام سارة شافت الممرضة داخلة،طلبت منها تخش معاها،ودخلت لقت بنتها متمددة على السرير،راحت حضنتها جامد وقعدت تعيط،ودعت ربنا وهي واثقة انه معاها انه يرجعلها بنتها تانى،والممرضة طلبت من ام سارة تخرج علشان الممرضة هتخرج سارة،وخرجت ام سارة اللى قعدت تعيط،وماما احمد بتحاول تهديها،وبعدين جت اللحظة اللى محدش كان مستنيها،وهي خروج سارة على السرير غايبة عن الدنيا،ولما شافها ابوها مقدرش يتحمل الموقف،ونزلت دموعه جامد،وجري عليها حضنها،بعدين راحت البنات واحدة واحدة تسلم عليها،وتدعيلها ان ربنا يقومها بالسلامة،واولاد خالتها كانوا واثقين ان شاء الله ربنا معاهم وجنبهم،وهيختار الاحسن ليهم ولسارة،واخوها اللى مقدرش يخشلها،جري عليها زي الطفل،وحضن اخته وانهار ومراته جت مسكته وحاولت تهدي فيه،وام سارة مقدرتش تستحمل،بكت جامد ورفعت ايدها للسماء ودعت بقلب موجوع ان ربنا ميحرمهاش من سارة،ومنة جريت عليها ووقفت جنبها ساكتة مش قادرة تعمل حاجة،بعدين قعدت تعيط،واحمد مكنش قادر يستحمل لكن كان بيحاول يخبى ،جري على منة لما لقاها انهارت،وحاول يهديها،والممرضة حست بعذاب العائلة،خدت سارة على طول ودخلتها الاودة علشان متعذبش حد فيهم اكتر من كده)

(كل العائلة مكنتش قادرة تستحمل الوقت اللى كان بيمر سنين،كل واحد قام يعمل حاجة عشان يصبر نفسه بيها لحد ما العملية تنتهي،ام سارة ملقتش احسن من انها تقف بين ايدين ربنا وتدعيله وتحكيله على اللى هي حاسة بيه،وابو سارة قعد يدعي لبنته،اقرايبها البنات قعدوا يبكوا ويعيطوا،وفى نفس الوقت يدعولها،واولاد خالتها كانوا عمالين يروحوا ويجوا فى الممر اللى جنب اودة العمليات من التوتر،واحمد كان قاعد على كرسى وجنبه منة وبيحاول يهدي فيها لانها كانت منهارة،وعبدالخالق كان بيقرأ قرآن لاخته)

المغرب الساعة 6,5

(الممرضة خرجت وقالتلهم ان سارة بتموت،وطبعا كلهم اتفزعوا من الممرضة بتقولوه،ولكن قبل ما حد يصدق الموضوع اوي،الدكتور خرج جري،وطلب من الممرضة اللى اتصرفت تصرف غلط انها تخش الاودة،وطمن العائلة ان سارة كويسة)

الدكتور:سارة كويسة،بس احنا محتاجين ليها دم،لان فصيلتها نادرة
ام سارة: طب يادكتور مفيش عندكم انتم دم؟
الدكتور:فى طبعا بس احنا عايزين بسرعة،لان الفصيلة نادرة وعقبال ما نجيب دم هنتاخر على العملية
ام سارة: بس انا محدش من اقاريبنا فصيلته زي سارة
الدكتور:محدش فيكم فصيلته A-B
كل بنات واولاد العائلة: لا
احمد: (قام وقف وراح عند الدكتور): انا فصيلتى زي سارة
الدكتور:بس يابنى انت رفيع ممكن تتعب
احمد:مش مشكلة،انا اللى عايز اديها الدم
الدكتور:بس انت عارف انك ممكن تتعب،لان احنا هناخد كمية كبيرة
احمد:عارف يادكتور،بس ربنا معايا ان شاء الله
ابو سارة: (ابتسم لاحمد)والله انك راجل يابنى،مش عارف اشكرك ازاى
ام سارة: (ابتسمتله)ربنا يخليك،ويبعد عنك المرض يا احمد
احمد: (ابتمسلهم،وشمر كتفه علشان الدكتور ياخد منه الدم)العفو ،انا تحت امركم

(الدكتور خد من احمد دم،وطلب من الممرضة تودي احمد فى اودة يرتاح لأنه هيتعب لان اتأخد منه دم كتير،ودخل بسرعة اودة العمليات،والممرضة كانت رايحة تجيب لاحمد اكل زي ما الدكتور قالها،بس منة قالتلها ان هي اللى هتجيب،ودخلتله على طول)

منة: (بتحاول تبتسم بصعوبة)عامل ايه دلوقت؟
احمد:احسن الحمدلله
منة:شكرا يا احمد اوي على اللى انت عملته
احمد: (ابتمسلها)لو اي حد تانى مكانى كان عمل كده
منة:لا مش اي حد،بس انت بجد راجل
احمد: (ابتسملها)كفاية والله فرحة امها وابوها لما شافونى بتبرع بالدم
منة:دول عمالين يدعولك
احمد: ربنا يصبرهم،ويقوم ليهم سارة بالسلامة
منة: امين،خد بقى كُل الاكل ده
احمد:مش قادر
منة: لو سمحت يا احمد كل،علشان انت بجد هتتعب كده
احمد: (حب يريح اخته علشان هي تعبانة لوحدها)حاضر

(ومرت النصف ساعة اللى الدكتور قال لسارة ان العملية هتخلص بعدها،بس سارة مكنتش لسه خرجت،كل العائلة بدات تقلق علشان العملية اتأخرت،وكان تفكير الدكتور انه يستنى سارة تفوق فى اودة العمليات،علشان تخرج لاهلها فايقة،وبعدها بأقل من نصف ساعة،سارة خرجت على اهلها،اللى لما شافوها مصدقوش نفسهم،وامها جريت عليها)

ام سارة: (حضنت بنتها جامد،وقعدت تعيط)بنتى رجعتلى ياناس،احمدك واشكر فضلك يارب
سارة: (بحنية حضنت امها)ياحبيبتى بتعيطي ليه بس،ما انا جنبك اهو
ام سارة: وانا هبكي لفرحة اكبر من فرحتى برجوعك يابنتى
سارة: (ابتسمتلها)ياحبيبة قلبى دموعك غالية،بطلى عياط علشان خاطري
ام سارة: (ابتسمت لبنتها)حاضر ياعيون ماما
ابو سارة: (كان بيصلى،وهو بيسلم فى اخر الصلاة،سمع صوت بنته،جري عليها جامد،ووقف قدامها وحضنها وباس ايدها)ياه كنت عارف ان ربنا مش هيسبنا،ياما انت كريم يارب
سارة: (بابتسامة)بنتك عايشة يا احلا اب فى الدنيا
ابو سارة:ربنا يخليكي لينا،والله كنت حاسس ان روحي بتروح مني
سارة: (باست ايده)بعد الشر عنك يا بابا،وان شاء الله انا هعيش تحت رجليك على طول
ابو سارة: المهم تعيشى معانا وتملى علينا حياتنا

(وطبعا العائلة كلها جريت على سارة واحد واحد يسلموا عليها،ومنة واهلها بقوا بيعيطوا من فرحتهم برجوعها،لكن الدكتور مخلهاش تتطول معاهم لانها كانت تعبانة،وطلب منهم يسبوها ترتاح،فدخلت سارة اودتها ونامت نوم عمييق لانها مكنتش عارفة تنام قبل العملية من القلق،وسارة شكرت الدكتور اللى فضل انها عايشة يرجع لربنا فى الاول ثم ليه)

الفجر الساعة 4,5

(سارة صحيت على اذأن الفجر،وحست براحة فى قلبها كبيرة،قامت اتوضت وصلت،وقعدت تعيط زي الاطفال فى الصلاة،شكرت ربنا انها ريحت اهلها اللى كانوا قلقانين عليها،ووعدت ربنا بما انه انكتبلها تعيش تانى انها تعيش حياة احسن،فى الدين وفي الصلاة وكل اشكال العبادة،واعتذرت من ربها انها كانت خايفة تعمل العملية مع انها عارفة انه جنبها،بعدين لقت ورقة مكتوبة فى الاودة ان كل عائلتها نامت فى المستشفى بعد ما استاذنوا من الدكتور،اللى وافق انهم يناموا فى المستشفى علشان يريحهم،ولقت مكتوب فى الورقة ان هو قاعد بره لو هي احتاجت حاجة،ولقت مكتوب على الورقة امضاء"خالد"،ابتسمت على ابن خالتها اللى كان على طول بيقف جنبها،بعدين لبست عبايتها ولبست طرحة،وخرجت تجيب لنفسها اكل علشان هي جعانة،خرجت لقت خالد نايم على الكرسي،مرديتش تصحيه راحت تجيب الاكل لوحدها،وهي راجعة سمعت حد بيكلمها)

خالد: (بابتسامة)صباح الخير ياست سارة
سارة: (ضحكت،بعدين لفت وشها ناحيته)صباح النور،انت صحيت امتى؟
خالد: (بضحك)شكلك اتخديتى؟
سارة: اه اتخديت،انا واحدة كنت صاحبة مرض،المفروض تراعينى
خالد: (ضحك جامد)اسفين ياسارة،ها بقى بقيتى احسن؟
سارة:احسسن بكتير الحمدلله
خالد:يارب على طول ان شاء الله
سارة:ربنا يخليك،بس هو انت منمتش ليه؟
خالد:انا كنت نايم وصحيت،ومش انا اللى حطيت الورقة الممرضة هي اللى حطتها على فكرة
سارة:ومن امتى بتجيب معاك ورقة وقلم؟
خالد: (بضحك)ومين قالك انهم بتوعي،انا خدتهم من الممرضة
سارة: (ضحكت جامد)قولتلى،طب يلا بقى قوم نام
خالد:يعنى مش محتاجة حاجة بجد؟
سارة:بصراحة بس عندي استفسار صغير
خالد: ايوة؟
سارة:انا فين موبايلى؟
خالد:سمعت ماما منة صاحبتك بتقول لمامتك انه معاها
سارة:طب انا عايزة موبايل العب فيه لحد ما تصحوا
خالد:ما تكبري بقى
سارة: (بضحك)مليش مزاج
خالد: (طلع موبايله من جيبه)العبى في ده ياستى
سارة:فيه رصيد يعنى لو فكرت اتصل بحد؟
خالد:فيه بس لو نقص قرش هقعدك فى المستشفى شهر كمان
سارة: (ضحكت جامد)لا انا ممكن اكلم واحدة صاحبتى
خالد:ماشى ،يوم ما ترجعي بيتك بقى هرجع خالد
سارة: لا خلينى هنا احسن
خالد: (بضحك)طب عايزة حاجة تانى ياسارة؟
سارة:لا ربنا يخليك،قوم نام انت بقى
خالد:طيب،اشوفك لما العائلة كلها تصحي بقى،اعتقد هيعملوا انقلاب فى المستشفى
سارة: (ابتسمت)طبعا،يلا بقى سلام
خالد:تصبحى على خير
سارة:وانت من اهله

موضوع: رد: رفيق عمري الإثنين يونيو 06, 2011 7:27 pm

(سارة دخلت على اودتها،وجابت تربيزة وقعدت تاكل بسرعة،وضحكت على شكلها فى المراية،وكمان استغربت شكلها لان كان وشها اصفر وعيونها محمرة،خلصت اكلها بعدين حست بملل،قالت تكلم صاحبتها عهود)

سارة:احم احم
عهود:سوسسسسسسسسسسسسسسسو
سارة:ياعيونها
عهود:جد زعلانة منك
سارة:ليه بس عملت ايه انا؟
عهود: والله قلقت عليكي ،موبايلك صار له يوم كامل مقفول
سارة:انا اصلا بكلمك من موبايل تانى لان موبايلى مش معايا
عهود:ايوة الرقم جديد،موبايلك اتسرق ولا شو؟
سارة:لا ياحبيبتى،بس حصلت ظروف كده
عهود:ظروف ايه،خير ؟
سارة:خير والله ياباشا
عهود:بت شوفى،انا حلمت حلم مو زين ليكي،انتى صارلك شئ فى هاليوم؟
سارة:حلم ايه؟
عهود:مو حلو نحكي الحلم الوحش،بس احكيلى انتى وين كنتى هاليوم،وليش موبايلك مقفول؟
سارة:هقول بس متتخديش اوك؟
عهود:طمنينى ياسارة وش صار؟
سارة:عملت عملية فى القلب
عهود: (عيونها دمعت)ياقلببببببببى،وانتى قلبك وش فيه؟
سارة:ياحبيبتى انا كويسة والله
عهود:انتى عندك مرض فى القلب؟
سارة:كان عندي ثقب فى القلب
عهود: (صوتها بدا يظهر فيه انها بتعيط)يالله،فينى وما فيكي ياسارة
سارة:بعد الشر عنك ياهبلة،بعدين انا زي الفل دلوقتي
عهود:يعنى انتى اتعالجتى كده خلاص؟
سارة:ايوة ،قفلنا الخرم اللي كان فى قلبى
عهود: (ضحكت بالرغم من ان دموعها بتنزل)ياعبيطة اتكلم جد انا
سارة: (بضحك)بجد انا بقيت كويسة
عهود:كنت ابى اكون جنبك والله
سارة:يابنتى ليه بس،انتى كده كويسة
عهود:يابت علشان كنت اساندك
سارة:ياحبيبتى حرام،كل اهلي كانوا بيعيطوا انا حسيت بالذنب اصلا
عهود:المرة الجاية هبقى موجودة
سارة: (ضحكت جامد)لا بقى انتى ناوية تموتينى
عهود: (بضحك)بعد الشر عنك يا حياتى
سارة:ماشى ماشى،قوليلى انتى عاملة ايه؟
عهود:تمام دام انتى تمام
سارة:يخليكي ليا يا بت
عهود:بس انتى يعنى راح تخرجي من المستشفى،صرتى عال العال؟
سارة:معرفش الدكتور مقاليش لسه بس اعتقد النهاردة
عهود:طب شوفى قومي ارتاحي،وانا هتصل باخويا واقوله ننزل مصر علشان اجيلك
سارة: (اتصدمت)نعم حضرتك،تجيلى فين؟
عهود:اجيكي بيتك مو قولتى بتردين بيتك اليوم؟
سارة:اه،بس انتى هتيجي مصر علشان تتطمني عليا؟
عهود:اه وش فيها؟
سارة:انتى بتستهبلى يابت
عهود:مالك خص،هنزل يعنى هنزل
سارة:عهود انتى عندك امتحان ولو نزلتى مصر هتسقطي كده
عهود:فداكي باخد المادة فى الاجازة
سارة:لا طبعا،مينفعش اللى انتى بتقوليه ده
عهود:ليه مينفعش؟
سارة:علشان انتى هتسقطي،ثانيا ياحبيبتى انتى عندك ظروف،انا عارفة انك لو فاضية كنتى هتجيلى
عهود:بأمانة مو زعلانة؟
سارة:لا طبعا مش زعلانة،انتى بس ذاكري كويس وانجحي،ودي تبقى هديتى اللى كنتى هتجبيها ليا من الامارات
عهود:مين قال انى كنت هجيبلك هدية؟
سارة: (بضحك)امال عايزة تجيلى ايدك فاضية،اقعدي هناك احسن
عهود: (ضحكت جامد)هحاول انجح ان شاء الله علشان تبقى هديتك
سارة:ربنا معاكي
عهود:يلا قومي ارتاحي شوية،وانا راح اطمن عليكي بالليل
سارة:لا انا هبقى اكلمك بكره اطمن عليكي بعد الامتحان
عهود:لا هكلمك اليوم
سارة:بت اتلمي واقعدي ذاكري،وانا قولتلك انا بقيت تمام،وان شاء الله هكلمك بكره اطمن عملتى ايه فى الامتحان اوك؟
عهود:امري لله،طيب
سارة:يلا سلام ياحبيبتى
عهود:خلى بالك من حالك اوك؟
سارة:من عيونى سلام
عهود:سلام

(سارة قفلت المكالمة،وحست انها نعسانة،رمت راسها على السرير،ونامت تانى)

الصبح الساعة 10

(كل العائلة صحيت،وطبعا خرجوا من اودهم وفطروا بره المستشفى،ورجعوا لسارة تانى وسارة صحيت اخر واحدة،ولما سمعت صوتهم بره،غسلت وشها ولبست عباية ولفت طرحتها،ولسه كانت هتخرج الدكتور خبط عليها ودخل)

الدكتور:صباح الخير ياسارة
سارة:صباح النور يادكتور
الدكتور:ها عاملة ايه دلوقت؟
سارة:الحمدلله احسن بكتير
الدكتور:طب الحمدلله
سارة:شكرا لمجهود حضرتك،انا عارفة اني كنت متعبة وحضرتك صبرت عليا
الدكتور:لا متقوليش الكلام ده،انا تحت امرك وانتى زي بنتي والله
سارة:ربنا يخليك يادكتور
الدكتور:شكلك كان خارج ولا ايه؟
سارة:الصراحة اه هخرج اقعد مع اهلى شوية
الدكتور:لالا مينفعش،انتى لازم ترتاحي،غلط اصلا تقومي من السرير
سارة:بس يادكتور انا بقيت كويسة
الدكتور:الحركة ليكي غلط،ممكن لا قدر الله تتعبى تانى،بعدين كمان مينفعش حد يخشلك المفروض ترتاحي تماما،وتنامي
سارة:بس انا لسه صاحية مش هعرف انام تانى
الدكتور:سارة والله انا خايف عليكي،مينفعش بجد تخرجي خالص،حاولى تصبري النهاردة علشان اقدر اكتبلك على خروج النهاردة بالليل
الدكتور:انا هفهم اهلك انك محتاجة راحة دلوقت ماشى؟
سارة: (بحزن)اوك

(الدكتور خرجت وبلغ اهل سارة انها لازم ترتاح،سارة مكنتش لاقية حاجة تعملها،قعدت على السرير نصف ساعة عقبال ما راحت فى النوم تانى)

(صحيت بسرعة وقامت صلت الظهر،وضحكت بتلقائيية على كمية النوم اللى بتنامها،بعدين لقت موبايل خالد بيرن،فى الاول قالت متردش،بعدين مسكت الموبايل لقت عبدالخالق اخوها اللى بيتصل،ردت بسرعة لانها كان نفسها تتكلم معاه)

سارة: تصدق حاسة انك واحشنى
عبدالخالق: (بتلقائية رد على طول بكلمة طالعة من قلبى)مش اكتر مني
سارة: (استغربت اخوها)حبيبي والله
عبدالخالق:بس يابت لحسن انجي مراتى تيجي وتسمع الكلام العيب ده
سارة: (بضحك)هيحصلك ايه يعنى؟
عبدالخالق:والله فى حلين،اما تطلقنى وابقى ارتحت،واما تجبنى انام جنبك
سارة:تعالَ ده انت تنور
عبدالخالق: (ضحك جامد)يابت هموت واخشلك علشان اطمن عليكي،بس الدكتور مانع حد يخش عليكي،وماشاء الله فى ممرضتين بيعدوا كل شوية علشان شاكين فينا
سارة: (بضحك)ده انا بقيت مهمة اهو
عبدالخالق:والله وبقى ليكي قيمة ياست سارة
سارة:يابنى انا من زمان مهمة
عبدالخالق: (بضحك)اه اه ما انا عارف،المهم انتى عاملة ايه دلوقت؟
سارة:زي الـِفل والله ياباشا
عبدالخالق:بجد كنت هموت عليكي
سارة: ياواد االف بعد الشر عليك
عبدالخالق: بجد ربنا يخليكي ليا
سارة:ويخليك ليا يا احسن اخ فى الدنيا
عبدالخالق:بس انا اكتشفت النهاردة انك غالية عندي كده
سارة:يابنى انا كنت غالية من زمان،بس انت كنت بتخبى
عبدالخالق: (بضحك)هخبى ليه يعني؟
سارة:علشان كنت بتشيل الحب لست انجي
عبدالخالق: (بضحك)فى دي عندك حق
سارة:اه يا
عبدالخالق:حاولى تحافظي على ادبك
سارة:ده لو كان فى ادب اصلا
عبدالخالق:لا انا عارف انك مؤدبة ياسارة
سارة:ده من امتى الكلام الحلو ده؟
عبدالخالق:الله بقى،يعنى نبقى لذاذ ومحترمين ميعجبش،نبقى دمنا تقيل ميعجبش،اولعلكم فى نفسى
سارة: (بصوت واطي)عالبركة
عبدالخالق: (سمعها بس حب يستهبل)قولتى ايه؟
سارة:سلامة ودانك،مقولتش حاجة
عبدالخالق:طيب هصدقك
سارة:بقولك اسال الدكتور انا همشى امتى علشان زهقت
عبدالخالق:حاضر ياستى،يلا سلام
سارة:سلاام

(عبدالخالق راح للدكتور وساله امتى سارة تقدر تخرج،بس الدكتور قاله هيحدد لما يكشف تانى على سارة،وراح يخبط على اودة سارة،وسارة لفت الطرحة على طول،والدكتور دخل علشان يطمن عليها )

الدكتور:نقول مساء الخير
سارة: (بابتسامة)المفروض
الدكتور:كل ده نوم؟
سارة: (ضحكت)معلش كنت تعبانة شوية
الدكتور:ها عاملة ايه دلوقت،حاسة بتعب فى قلبك؟
سارة:لا الحمدلله مفيش تعب خالص
الدكتور:طب خلينى اكشف عليكي علشان اشوف ينفع تخرجي النهاردة ولا لا

(الدكتور كشف على سارة،وحس انها بردوا محتاجة راحة تامة،قرر انها تقعد فى المستشفى اسبوع،وطبعا الاسبوع عدي عادي على العائلة،كل اهلها كانوا كل يوم معاها،والدكتور كان سامح انهم يخشوا بس لمدة قليلة بس،وبعد الاسبوع دخل الدكتور علشان يشوف اذا كانت سارة تقدر تخرج ولا لا،وخبط على اودتها،وكانت سارة مستنية خروجها بفارغ الصبر لانها بتكره المستشفى وجوها)

سارة:ها بقى يادكتور؟
الدكتور:بصى هتخرجي ان شاء الله،بس فى شرط
سارة: (اتنفست جامد بعد ما ارتاحت انها هتخرج)ايه هو الشرط؟
الدكتور:تخلى بالك من صحتك،وهديكي ادوية تحافظي عليها،ومتقوميش من السرير خالص الا علشان الصلاة بس،وبلاش ناس كتير تزوك ماشى؟
سارة:حاضر يادكتور
الدكتور: (بابتسامة)اوعدينى ياسارة علشان انا كل مرة بقولك كده،وبتعملى العكس تماما
سارة: (بضحك)وعد يادكتور
الدكتور:طب تمام،انا هقول لمامتك دلوقت تخش ليكي علشان تساعدك تلمي حاجتك،ولا ابعتلك الممرضة احسن؟
سارة:لا مامتى
الدكتور:حاضر هخرج اقولها
سارة:اوكي

(خرج الدكتور وبلغ بابا وماما سارة انها محتاجة راحة تامة،وقالهم انه مكنش هيخرجها بس علشان عارف ان ده احسن ليها،وطلب من مامتها تخشلها علشان تساعدها تلم حاجتها،ودخلت ماما سارة وساعدت سارة ولموا حاجتها كلها،بعدين سارة خرجت وكانت مبسوطة وفى كل نفس بيخرج منها بتحمد ربنا،سلمت على العائلة كلها،بعدين كله ركب عربيته علشان يروح،ومكنش فى مكان لسارة فى عربية عبدالخالق،فاقترحت منة ان سارة تركب معاهم)

منة: (بعد ما سارة قعدت جنبها،ودخلت واحمد بدا يسوق،حضنت سارة جامد)ألدكتور الوحش كان مانعنى اخش عليكي،بس خلاص انا هاجيلك البيت بإذن الله
سارة: معلش ياحبيبتى،بس علشان تبقى تسمعي كلامي،لما زمان قولتلك انك هتجيلى بيتى غصب عنك
منة: (غمزتلها بضحك)طلعتى بتعرفى المستقبل اهو وانا معرفش
سارة: (طلعتلها لسانها)طبعا امال بلورتى السحرية بتعمل ايه
منة: يارخمة
سارة:يابت انتى كده على طول،مفيش حمدلله على السلامة،وحشتينى،او اي حاجة من هذا القبيل
منة: (بصتلها جامد)مفيش
سارة:اموت واعرف بحبك على ايه
منة:على كل ما فيا طبعا
سارة:طب هاتيلى ميزة واحدة فيكي
منة: فى كتير طبعا، (وقعدت تفكر كتير شوية بعدين بصت لسارة بضحك)كفاية انى برخم عليكي
سارة: (ضحكت جامد)لا ده ميزة موجودة فى كتير،كل ولاد خالتى قايمين بالدور ده على اكمل وجه
منة: (بضحك)شوفتى كلنا بنحبك ازاى
سارة:نفسى بقى تتعلمي انتي وهما ازاى تحترمونى
منة: (وهي رافعة حاجبها)ونحترمك ليه ها؟
سارة: (بتحاول تكتم ضحكتها،ومدت ايدها لفوق)علشان انا سارة هشام
منة: (ابتسمتلها)دي زي انا سعد الدالى صح؟
سارة:ايون
منة:طيب ياسارة هانم
سارة:مهندسة سارة لو سمحت
منة:هنبدا ولا ايه،مين قال ان سيادتك مهندسة؟
سارة:يعنى حاجة مش محتاجة ذكاء،واحدة داخلة هندسة هتطلع ايه،دكتورة؟
منة: (ضحكت جامد،وضربتها على كتفها)اقصد يعنى انتى لسه متخرجتيش،هتبداي غرور من دلوقت؟
سارة: (رفعت راسها لفوق)حقى
منة:جت كسر حقك ياحبيبتى
سارة: (اتعصبت)اه ياباردة
منة: تربيتك ياماما سارة
سارة: (طلعلتها لسانها)معرفتش اربى (بعدين وطت صوتها)بت يامنة
منة: (استغربت ان سارة بتتكلم بصوت واطي،قامت ردت بصوت واطي)ايه فى ايه؟
سارة:انا عطشانة اوي
منة: (طلعتلها لسانها)وانا مالى
سارة: (ضحكت بصوت واطي،بعدين زقت منة)بتكلم جد،قولى لاخوكي يركن علشان انزل اجيب
منة: لا طبعا مينفعش انتى تنزلي،انا هقوله وهنزل انا
سارة:طيب بس بسرعة
منة: (ابتسمتلها)حاضر،احمد
احمد:يانعم؟
منة:ممكن تركن جنب اقرب سوبر ماركت
احمد:ليه؟
منة:اصل انا هنزل اجيب ميه (مياه)
احمد:غريبة انتى عمرك ما بتعطشى واحنا فى الطريق
منة: ما اصل سارة هي اللى عايزة الميه
احمد: (حس ان كسف سارة)طيب حاضضر هركن وهنزل اجبلها انا
منة: شكرا يا احمد
احمد:العفو يابنتى

(وركن احمد ونزل علشان يجيب المياه)

منة: (بضحك)اخنقينا بقى
سارة: (زقتها بضحك)حرام عليكي عطشانة
منة: ماتشربى من النيل
سارة:هاتيه يامنيلة وانا اشرب منه
منة: (ضحكت)بس يابت

(احمد نزل جاب 4 زجاجات مياه كبيرة،وجاب عصير ليهم كلهم)

احمد: (فتح الباب بتاع سارة واداها الشنطة،وسارة شكرته،بعدين ركب تانى)معلش اتاخرت
منة:لا عادي، بس ايه كل الميه ديه
احمد:انا قولت حرام سارة لسه خارجة من المستشفى
منة: (بصوت واطي)جاب 4 ميه ليه احنا لايقين فلوسنا فى الارض
سارة: (اتضايقت وضربتها)اسكتى بقى،هتشلينى
منة:لا ياسوسو الشلل صعب اوي،كفاية الضغط
سارة: (ضحكت جامد)منة هنزل
منة: ياشيخي انزلي وريحيني
سارة:تصدقى شكلى هرتكب فيكي جريمة
منة:ابقى روحت ضحية الصداقة
سارة: ابوس ايدك اسكتى،انا بيتى قرب اصلا
منة: (حست انها تعبت سارة،ابتسمت)خلاص هسكت اهو
سارة:الحمدلله
منة:بس ممكن سؤال رفيع؟
سارة:اخلصى عايزة ايه؟
منة:انتى ايه اللى ركبك معانا العربية من اصله،يعنى علشان عزمت عليكي ما صدقتى،جاية تقرفينى حضرتك؟
سارة: (غمزتلها بضحك)عرفتى منين ياقردة
منة:قردة فى عينك
سارة:مالك ومال عيونى الخضراء ها؟
منة:احنا هنكدب من اولها،مين اللى خلى عيونك خضراء
سارة: (بضحك)ما بلاش احراج بقى
منة:عيب تعاملينى على انى عامية على فكرة
سارة:خلاص ميبقاش قلبك اسود بقى
منة:الله بقى وكمان عايزة تختاري لون قلبى
سارة: (ضحكت جامد)معلش انا واحدة كنت تعبانة ولسه خارجة من مستشفى
منة: لا ده تدخل بقى،وانا ضد اي تدخل،بعدين حضرتك قولتى خلاص كنتى تعبانة،يعنى دلوقتى ولا اعرفك
سارة: (بضحك)والله وحشتنى خفة دمك يامنون
منة:على اساس انى كنت بعيدة عنك بقالى سنين،دول مكملوش اسبوعين الا حبة
سارة:معلش اصل انا حسيت بغربة الاسبوعين دول
منة:على اساس اننا بعتناكي رحلة لموزمبيق
سارة: (بضحك)اعدلك كام مرة قولتى "على اساس"؟
منة: لا شكرا

(وفضلت منة ترخم على سارة،وقعدوا يهزروا طول الطريق،واحمد ومامته كانوا ساكتين،وبعدين احمد ركن قدام بيت سارة،وماما سارة جت خدتها،وساعدتها لحد ما دخلتها اودتها،واتاكدت انها قاعدة على السرير علشان تنفذ تعليمات الدكتور،وطبعا سارة مجلهاش نوم،قعدت تلعب فى موبايلها وتتفرج على صور اصحابها،وتتضحك على ايامهم الحلوة اللى قضوها مع بعض،لحد ما مامتها خبطت علشان تخش تتطمن عليها)

ام سارة: انتى صاحية ياحبيبتى
سارة:لا عاملة نفسى نايمة
ام سارة: (ضحكت جامد)افتكرتك نايمة
سارة:مستحيل اعرف انام دلوقت
ام سارة:ليه بقى ؟
سارة:علشان انا نمت نوم امبارح ميناموش خروف قبل ليلة ذبحه
ام سارة: (ضحكت جامد،بعدين راحت قعدت جنب بنتها على السرير)معلش علشان كنتى تعبانة
سارة: (كتفت ايدها)بردوا مش مبرر
ام سارة:عديها ياسوسو
سارة: (بابتسامة)الله الله على ست الكل لما تدلعنى
ام سارة: (بضحك)ولو مش هدلعك ياحبيبتى هدلع مين؟
سارة:ايوة صح ليكي مين غيري؟
ام سارة:ليا عبدالخالق وريم ربنا ميحرمنيش منهم
سارة: شكلك بتضايقينى
ام سارة: عرفتى منين
سارة:العصفورة جت قالتلى
ام سارة:لا دي عصفورة وحشة،مش هقولها على حاجة تانى
سارة: (بضحك)اه غيريها بقى
ام سارة:المهم عاملة ايه دلوقتى؟
سارة:الحمدلله ياماما
ام سارة:يستاهل الحمد ياقلبى
سارة:صحيح محدش عبرنى ولا سأل عليا؟
ام سارة:فى ياستى ،ولاد خالتك هناء جايين ليكي
سارة: واااااااااااو،بجد وحششششونى كلهم اصلا
ام سارة:مبسوطة كده ياستى؟
سارة:اكيد بدل بردوا القعدة على السرير
ام سارة:هما جايين بعد ساعة بالظبط
سارة:طب اقوم البس بقى
ام سارة: (مسكت سارة وقعدتها على السرير تانى)ايه ده،لحقتى تنسى كلام الدكتور؟
سارة:ياماما هو قالى قومي لما تيجي تصلى
ام سارة:احنا هنستهبل،هو انتى قايمة تصلى؟
سارة: (بابتسامة)احم ياماما كأنى قايمة اصلى
ام سارة:بطلى استهبال،وخلينى اساعدك
سارة: (بخيبة امل)طيب

(سارة لبست عباية سوداء وفيها تطريز بسيط احمر،ولفت طرحة حمراء،وكان باين عليها التعب بس ده بردوا مخباش جمالها)

(ام سارة اتصلت بالدكتور وسالته اذا ينفع سارة تنزل تقعد تحت بدل ما تقعد فى السرير،وقالها ان صحة سارة تسمح بس هو مرديش يقولها لانه عارف انها ممكن لما تعرف كده مترتحش خالص،وراحت ماما سارة قالت لسارة تنزل بس متتعبش نفسها،ونزلت سارة فى الصالة علشان تستنى ولاد خالتها)

(بعد 10 دقايق رن جرس الباب،وطلبت سارة ان هي اللى تفتح،وراحت جري على الباب،ولما فتحت كان فى وشها خالتها اللى حضنتها جامد،وسالتها عن صحتها،بعدين دخلت يمني اللى جريت على سارة وشالتها،وسارة ضحكت جامد على جنانها،بعدين دخلت رضوي وسلمت علي سارة وباستها علشان كانت وحشاها،وبعدين دخلت هدير اللى سلمت على سارة براحة لانها عارفة انها تعبانة،وجه دور هايدي اللى اكتفت انها تسلم على سارة بتقل لانها مش بتحبها،لكن سارة سلمت عليها جامد لانها كانت بتحبها زي اختها،وبعدين دخل هيثم اللى ابتسم لسارة وسالها على صحتها بعدين دخلت سارة وقفلت الباب،ودخلوا ولاد خالتها البنات ما عدا هايدي يقعدوا معاها فى الصالون)

يمني:17 سنة،هتخش كلية طب ونفسها تبقى دكتورة اطفال،قلبها ابيض بطريقة مش معقولة وطفولية اوي،وبتعشق الاطفال،اجتماعية ومجنونة بطريقة بتخلى كل اهلها يحبوها،عسولة وبتخاف على الناس اللى بتحبهم اوي،مثقفة بس مش بتميل اوي للقرأءة وبتحب تسمع عن الاخبار وعن الدين اكتر،جمالها مش طبيعي،عيونها زرقاء وشعرها اشقر،وكل اللى يشوفها يحس انها اجنبية،لكن هي محجبة،طولها متوسط لكن شكلها اصغر من سنها،وبشرتها خمرية شوية

رضوي:16 سنة،بتحب دراستها وماشاء الله متفوقة فيها،بتطلع على طول الاولى على مدرستها،بتنظم وقتها وده اللى مخليها ناجحة فى اغلب جوانب حياتها بالرغم من انها لسه صغيرة،نفسها تطلع مصممة ازياء للمحجبات،عاقلة بس دمها خفيف،جميلة بس جمالها فى براءتها وبساطة لبسها،طموحة اوي،وبتلعب تنس من وهي صغيرة،وبدات تقدم في بطولات عالمية،شعرها اسود غامق بس مموج،محجبة بس لبسها شيك لانها بتعرف تربط بين الالوان الجديدة،طويلة شوية ولكن طولها مناسب لسنها،بشرتها خمرية وعيونها بنى

هدير:22 سنة،اتخرجت من كلية حقوق ومستنية تتقبل فى مكتب محاماة مشهور،بتعرف تعبر عن مشاكل الناس وتوصل ليهم،علشان كده نفسها تدافع عن الناس واكتر الناس البسيطة اللى مشاكلها كتير،كل الدكاترة كانوا بيتكلموا عن دماغها وازاى انها هتبقى محامية ناجحة لانها قادرة على اقناع غيرها برايها،مثقفة وبتهتم بامور السياسة اكتر حاجة،بتاخد كورس فرنساوي،عاقلة لابعد حدود بس بردوا دمها زي السكر وبتحب تهزر،بتعرف تحل المشاكل وده اللى خلاها تفكر انها تبقى محامية،متجوزة (مكتوب كتابها)على زميلها فى الجامعة واسمه شادي،طويلة وعيونها عسلى وشعرها ناعم وطويل ولونه احمر غامق، بشرتها بيضاء بس مش اوي،ومحجبة

هايدي:24 سنة،متخرجة من كلية اداب فرنساوي،مغرورة ومش اجتماعية،اهم حاجة عندها نفسها بس بتعشق اخوها هيثم والوحيد اللى بتسمع كلامه،عايشة براحتها ومبتحبش حد يمشى عليها كلامه،مش محبوبة فى العائلة بس محبوبة بين اصحابها،بتحب خالد لكن هو طبعا ميعرفش ولا عمره فكر فيها الا زي اخته،مبتحبش ولاد خالتها سارة وريم وده بسبب ان سارة وريم بيختلفوا مع رأيها فى حاجات كتير،او عايشين بطريقة عكس طريقتها خالص،جميلة اوي وده اللى مزود غرورها،شعرها اسود غامق خالص وقصاه قصير وناعم جدأ،عيونها زرقاء وبشرتها سمرة شوية ،بس زي القمر،مش محجبة وبتهتم بمظهرها لابعد حدود

هيثم:20 سنة،فى كلية اداب انجليزي،بيحب الحرية والخروج والسهر بالليل،مش متحمل مسئولية،راجل مع اخواته اوي وبيخاف عليهم من الهواء الطاير ،حلمه انه يسافر بره لكن الظروف لسه مساعدتوش،ومش قادر يشتغل فى مصر لانه شايف انها دولة متخلفة ومش مقدرة قيمته،تفكيره فى الهجرة مسيطر عليه لدرجة انه مفكرش فى مرة يدور على شغل،عاقل بس دمه خفيف،اجتماعي،دايما حاسس انه قليل وانه مش محبوب من حد،قريب من بنت خالته سارة اوي لانهم وهما صغيرين كانوا بيلعبوا على طول مع بعض،طويل وشعره اسود غامق وناعم،عيونه بنى وبشرته بيضاء

سارة: وحششتينى يابتاعة منك ليها
يمني: (بضحك)ليه الغلط دلوقت
رضوي:انا بقول نمشى احسن بدل الاهانة دي
سارة:الباب اللى يودي
هدير:ما تتكلمي عدل يابت انتى
سارة: (بابتسامة)هنحاول
يمني:االمهم انتى عاملة ايه دلوقتى؟
سارة:الحمدلله ياقلبى زي الفل
يمني:الف سلامة عليكي يا سوسو،ان شاء الله اي واحد ماشى فى الشارع غيرك
سارة: (بضحك)حرام عليكي هتدعي على الناس ذنبهم ايه؟
يمني: (بضحك)حد قالهم ينزلوا الشارع دلوقت؟
سارة: بس ياعبيطة
هدير:والله قعدنا نعيط لما عرفنا انك عملتى عملية فى القلب،متخيلناش ابدا انك ممكن تكونى تعبانة كده
رضوي:والله يابنتى كان نفسنا اوي نكون جنبك علشان نهون عليكي
سارة:ياعيال انا مبسوطة انكم مكنتوش موجودين،اصلا كل اللى كانوا موجودين قعدوا قلقانين وتعبانين يعنى الحمدلله ربنا رحمكم،بعدين انا عارفة والله انكم كنتم عايزين تبقوا جنبى
يمني:لا بردوا اشمعنى احنا منقلقش؟
سارة: (ابتسمتلها)معلش النصيب،المرة الجاية ان شاء الله
هدير:لا ده انتى ناوية تخنقينا بقي
رضوي: (بضحك)شكلها كده
سارة: (غمزتلهم)وانا ليا غيركوا يا ولاد خالتى
يمني: اعمليهم علينا ياختى
سارة: (بضحك)من عيونى

(وبعدين قاموا علشان ياكلوا ،وقعدوا يهزروا علي الاكل،وهايدي كانت وهي بتاكل بتلعب فى الموبايل،وهيثم كان حاطط السماعات فى ودانه بيسمع اغانى،وماما سارة واختها كانوا بيتكلموا مع بعض،وبعد ما خلصوا اكل قاموا قعدوا تانى مع بعض،وسارة قالت تعزم عليهم بحاجة يشربوها)

سارة:تحبوا تحبسوا الاكل اللى اكلناه بايه
رضوي:وانتوا عندكوا ايه فى البيت اصلا؟
سارة: عندنا كل ما تشتهيه الانفس
يمني:انا عايزة خمرة بقى
سارة: (ضحكت جامد)لا مفيش مسكرات هنا
هدير:ياخسارة كان نفسى انسى
رضوي: (بضحك)معلش سيبك من العبيطتين دول ،وخليكي معايا
سارة: طب حضرتك تتفضلى تشربى ايه؟
رضوي:لو فى عصير مانجو
سارة:فى ياستى،هجبلك،وانتوا بقى؟
يمني:هاتيلى بيبسى لو فى
سارة: (غمزتلها)هو فى غيره اصلا
هدير:وانا هاتيلى عصير فراولة
سارة:حاضر من عيوني
هدير ويمني ورضوي:تسلم عيونك ياقمر
هدير:استنى استنى استنى
سارة: (رجعت تانى)ايه فى ايه؟
هدير:ايه الهبل بتاعنا ده،انتى مش تعبانة والمفروض متجبيش حاجة؟
سارة: (ابتسمتلها)لا ياحبيبتى انا بقيت كويسة خلاص
هدير:لا بجد،انتى الدكتور سامحلك اصلا تقومي من السرير؟
سارة:اه والله،وقال لماما عادي بس متبذلش مجهود وتاخد الدواء
يمني:طب هاجي معاكي علشان حرام تشيلى انتى الحاجات لوحدك
سارة: (ابتسمتلها)طب تعالى

(سارة قالت ليمني تروح تسال هيثم يشرب ايه عقبال ما هي تروح تسال هايدي،وقعدت تدور على هايدي ولقتها فى البلكونة،بس مخدتش بالها انها بتتكلم فى الموبايل،فدخلت البلكونة على طول)

موضوع: رد: رفيق عمري الثلاثاء يونيو 21, 2011 2:22 pm

هايدي:ياعمورتى ياجامد
عمر:يابنتى دي طلعت معقدة،عملتلى خناقة ولمت عليا الناس علشان قولتلها نتعرف ورخمت عليها شوية،كانت غلطتى والله
هايدي: (ضحكت جامد)يابنى ده العادي من فاطمة اصلا
عمر:بس الصراحة البت زي القمر
هايدي:ما هو ده اللى مصبركم على التهزيق منها،بس بعينك لو كلمتك ولا حتى كلمت ولد من الشلة غيرك
عمر:كفاية عليا انتى ياحياتى
هايدي: (ضحكت بصوت عالى ضحكة مش محترمة)يابنى انتوا من غيري تضيعوا اصلا
عمر:اموت فى الضحكة الجنان
هايدي: (بضحك)ما ضحكتى اصلا اللى مجنناكم ياواد
عمر:هي ضحكتك بس،دي انتى مجننانا كمان بخفة دمك
هايدي:يابنى اصلا كل حاجة فيا حلوة
عمر:واحب البنت لما تكون واثقة فى نفسها
هايدي: (بضحك)ماشى يا استاذ تامر حسنى

(سارة اتصدمت،واستغربت اللى سمعته من بنت خالتها،هي عارفة ان بنت خالتها عايشة براحتها،بس اول مرة تعرف انها بتكلم ولاد،وكمان اول مرة تعرف انها بتهزر معاهم ،حاولت تمشى قبل ما هايدي تشوفها،وجريت على المطبخ،لكن اللى سارة معرفتوش ان هايدي شافتها ،وراحت سارة الصالة علشان تشوف يمني،وراحوا سوا يجيبوا الحاجات،وسارة مسكت البيبسى بتاعها وبتاع يمني،ويمني مسكت عصير المانجو والفراولة،وراحوا هما الاتنين تانى للصالون)

يمني:على الله واحدة فيكوا تجري وتأخد الحاجة بتاعتها مني،هقطعكم
رضوي وهدير: (بضحك)حاضر
هدير: (راحت خدت الصينية من ايد سارة وحطتها على التربيزة)سيدي عليا وانا عاقلة
يمني : (غمزتلها)تجننى

(وراحت يمني ادت لهدير ورضوي العصير بتاعهم،بعدين قعدت وخدت ال2 بيبسى)

سارة:وعلى اساس انى جايبة للسنيورة يمني كوبايتين؟
يمني: (بعفوية)ده شئ اكيد
سارة:بت انتى هاتى الكوباية التانية،بدل ما الم عليكي الناس
يمني: (بضحك)خلاص خلاص اهي خوذيها
سارة: (قامت وخدت الكوباية)صحيح مفيش دم،فى بيتى وعايزة تحرمنى من البيبسى بتاعي
هدير:انتى بتطردينا ولا ايه؟
سارة: (طلعلتها لسانها)ماشابه ذلك
يمني:بس يابت انتى احسنلك،واحكيلنا مين اللى وداكي المستشفى اصلا؟
رضوي:ياشيخة ليه بس السيرة دي؟
سارة:لا عادي،هحكيلكم كل حاجة علشان عارفة فضولكم
هدير:احكي بس اذا سمحتى من غير دموع،مش طالبة نكد
سارة: (جابت علبة المناديل ورمتها عليها بضحك)بطلى غلاسة بقى
هدير:يارب،اما نشوف اخرتها معاكي
سارة: اخرتها معايا عسل ان شاء الله
يمني:ايه يابت الغرور ده؟
رضوي: الله يرحم ياست سارة
سارة: (بضحك)حقى يا بتاعة منك ليها،ايا كان الموضوع ان انا اصلا كنت بايتة عن منة صاحبتى،وكلمت الدكتور من هناك وعرفت ان عندي ثقب فى القلب،واللى فهمته اني اغمي عليا،ومنة واحمد هما اللى وصلونى المستشفى

(هدير ويمني ورضوي عيونهم دمعت لما افتكروا اللى حصل لبنت خالتهم ،بس سارة ابتسمتلهم،وراحت ادتهم مناديل)

سارة:بطلوا نكد بقى
رضوي: (وهي بتغمز لسارة)مش ده احمد اللى بيحبك؟
سارة:حسبى الله ونعم الوكيل،هي منة اقنعتكم بمرة قعدت معاكم انه بيحبنى
هدير:اه اقنعتنا،وعندها حق
سارة: ربنا يهديها ويهديكوا،والله الواد بيعاملنى زي منة
رضوي: (بضحك)ما هي بتبقى كده فى الاول
سارة: بس يابت
يمني:لا بس سيدي ياسيدي على الرومانسية الصراحة،هو اللي يوديكي المستشفى
سارة:لا اسمعوا الاجمد بقى
رضوي:قولى قولى
سارة: لما فوقت فهمت من ماما،ان انا كنت محتاجة دم وانا بعمل العملية،وطبعا انتوا عارفين ان انا فصيلتى زي هدير بس محدش فى العائلة تانى فصيلته زي،والدكتور كان محتاج دم بسرعة،قام احمد طلع نفس فصيلتى واتبرعلى بدم منه
هدير:الله الله،يعنى دلوقتى دمه بيجري فى دمك
سارة: (بصتلها بقرف)انتى اوفر اوي على فكرة
يمني : (بضحك)لالا عديتى ياسارة
سارة: (بضحك)بس بدل ما اضربكوا
هدير:هو امتى الواد هيخطبك ويخلصنا؟
سارة:تحبى اروح اسأله؟
هدير:ياريت اصل فضولى هيجننى
سارة:يلا اتجنني وريحينا
هدير:بعد الشر عني طبعا،ان شاء الله اللى يكرهنى،قولوا امين
سارة: يعنى هو غصب نقول امين؟
هدير:تقدري تقولى كده
رضوي ويمني:اميييييييييين
سارة:لالا نزلتوا من عيونى،قولتوا امين كده بسرعة
يمني:ما اصل انتى متعرفيش هدير،دي ممكن تقلب البيت دلوقتى
سارة: (بصت لهدير جامد)على نفسها
هدير:بلاش الكلام ده،انتى لسه خارجة من المستشفى
سارة: خلاص خلاص،امييين
رضوي ويمني: (بضحك)ما كان من الاول

(وفضلوا يتكلموا فى حاجات كتير،لحد ساعة تقريبا،وفجاة جت هايدي ونادت على سارة،وسارة فهمت ايه السبب اللي خلى هايدي تبقى عايزاها،بس رضوي ويمني وهدير استغربوا هايدي اوي،لانهم عارفين ان هايدي وسارة مفيش بينهم كلام كتير،وعارفين ان اختهم مش بتحب سارة نهائى،وقامت سارة علشان تشوف هايدي عايزة ايه،ودخلوا البلكونة علشان محدش يسمع كلامهم وطبعا هايدي اللى عرضت فكرة البلكونة علشان خافت حد من اهلها يسمع حاجة)

سارة: (بابتسامة)نعم؟
هايدي:ما تتكلمي عدل
سارة: (اتعصبت جدا من طريقة هايدي واسلوبها)وانا قولت ايه مش عدل اصلا؟
هايدي:اعتقد المفروض تتكلمي احسن من كده
سارة: (مسكت نفسها)والله لو مش عجباكي طريقتى براحتك،واعتقد ان انتى اللى عايزانى فلو انا خنقاكي كده ممكن امشى
هايدي: (بصت لسارة كأنها بتهددها)على الله اعرف ان فى حد عرف اللى سمعتيه النهاردة
سارة: سمعت ايه؟
هايدي:انتى هتستعبطي؟
سارة: (لسه كانت هتزعق،بس حاولت تهدي)ايه هتستعبطي ده،خدي بالك من كلامك شوية
هايدي: (بسخرية)ايا كان،انا اقصد انك سمعتينى بكلم ولد،ولا كنتي فكرانى مخدتش بالي منك
سارة: والله انا مشيت على طول علشان مضايقكيش أو محسسكيش اني عرفت،مش علشان حاجة تانية
هايدي:بلاش تعيشى دور البنت الطيبة ده
سارة:على فكرة انتى اسلوبك معايا غريب جدا،اه انا كنت بحس انك بتكرهينى بس مش للدرجة دي،ده احنا كنا اصحاب زمان
هايدي:اديكي جبتيها من الاخر وقولتى زمان،واديكي عرفتى انا بكرهك قد ايه
سارة:طب كويس انى عرفت بردوا
هايدي:من الاخر،اظن انتى فهمتى كلامي كويس اوي
سارة:انتى ليه محسانى انك بتهددينى،على فكرة انا مبخافش
هايدي: (ضحكت)لا خافى بقى
سارة: (ابتسمت بسخرية)لو خوفت،يبقى عيب اوي اخاف منك
هايدي: (اتنرفزت جامد)بصى علشان نخلص،متوصليش الكلام ده لحد
سارة:انا مش هوصله علشان ملوش لزمة انه يوصل لحد،وعلشان احافظ على صورتك قدام اهلك،ولان اتعلمت انى مفضحش حد
هايدي: (صقفت لسارة جامد)الله الله علي التقوي
سارة: ربنا يزرقنى ويرزقك بيها
هايدي:طيب طيب،بس اظن كلامي اتفهم صح؟

(سارة اتخنقت من اسلوبها،وحست ان صبرها خلص،مشيت وسابت هايدي،بس هايدي اتجننت من الحركة دي،جريت ومسكت سارة من ايدها جامد ورجعتها البلكونة)

هايدي:اظن انى مخلصتش كلامي
سارة: (مقدرتش تمسك نفسها اكتر من كده،مسكت ايد هايدي بعصبية)شكلك كده عايزة يحصلك حاجة النهاردة
هايدي: (حست بألم فى ايدها)سيبى ايدي احسنلك
سارة: (بخنقة،رمت ايد هايدي)لاخر مرة هقولك،انا لغاية دلوقتى ماسكة نفسى علشان انتى بنت خالتى،وكمان علشان انا وانتى فى يوم من الايام كنا اصحاب،لكن لو زودتيها انا مش هعرف امسك نفسى،وساعتها مقدرش اقولك هعمل فيكي ايه
هايدي: (خافت من سارة)فكرانى هخاف منك ولايه،انتى متعرفيش تعملي حاجة
سارة:ابسطها ممكن اروح اقول لاخوكي على الى حصل،وساعتها ابقى عملت حاجات كتير
هايدي: (قلقت من سارة،وخافت لحسن سارة تعملها بجد)متقدريش علشان عارفة انه مش هيصدقك
سارة:هيثم اخوكي متربى معايا،وهو عارف كويس اني مش بتاعة كدب والهبل ده
هايدي:بردوا،مستحيل تقوليله
سارة:انا عارفة انى مش هقوله،لانى زي ما قولتلك مش بحب اعمل مشاكل على الفاضى،بعدين انتى حرة فى تصرفاتك وربنا هيحسابك عليها انا مليش دخل
هايدي: (حبت تخنق سارة)عارفة انتى مستحيل تقولى لهيثم ليه؟
سارة: ليه بقى ان شاء الله؟
هايدي: (وهي عارفة ان سارة كل علاقتها بهثيم اخوات بس )علشان انتى بتحبيه،فاكيد مش هتبقى عايزة تزعليه
سارة: (ضحكت جامد)لالا عجبتنى دي
هايدي: (اتعصبت من انها بردوا مقدرتش تخنقها)مش كلامي صح ولا ايه؟
سارة:لالا صح وفى الجون كمان،مكنتش اعرف انك واخدة بالك اوي كده
هايدي: (رفعتلها حاجبها)ده يعنى ايه؟
سارة:ده يعنى انتى اكيد حصل فى عقلك حاجة

(هايدي اتجننت من سارة،رفعت ايدها ولسه كنت هتضرب سارة بالقلم على وشها،سارة اتجننت ومسكت ايد هايدي جامد)

سارة:شكلك كده اتجننتى بجد
هايدي: (اتخنقت)سيبى ايدي لاحسن تتكسر
سارة: (رمت ايد هايدي)بجد ربنا يهديكي

(ومشيت وهي متضايقة على بنت خالتها اللى عمرها ما فكرت انها ممكن تكون بتكرهها كده،حست انها اتخنقت ومش هتقدر تروح لولاد خالتها بالمنظر ده لانهم اكيد هيفهموا ان فى حاجة حصلت،حست ان عندها ضيق نفس جريت غسلت وشها فى الحمام وحاولت تهدي،وبعدين رجعت لولاد خالتها تانى،بس نسيت انها سابت هايدي هتتجنن بسبب اللى حصل،وهايدي كان كل تفكيرها ازاى تعلم سارة الادب)

(عدي اليوم وجه الوقت اللى خالة سارة هتمشى فيه،سارة كان نفسها ولاد خالتها يقعدوا معاها بس قالولها هيجولها فى يوم تانى،وبدات سارة تسلم على ولاد خالتها واحدة واحدة،وسلمت على هيثم،وجت هايدي بكل تمثيل تسلم على سارة وحضنتها جامد،وقالتلها بصوت واطي فى ودانها "انتى اللى بديتى الشر"،سارة اتخنقت من هايدي،همست بصوت واطي"ورينى اخرك فين"،وبعدين مشيوا،وسارة حست انها عايزة ترتاح،طلعت على اودتها علشان تنام)

العصر الساعة 3

خالد: (باعلى صوت عنده)سمممممممممممممر
سمر: (اتفزعت،طلعت من اودتها وجريت عليه)ايييييييييه ؟
خالد: تعالى اقعدي ياحبيبة خالد هنا
سمر: (قعدت جنبه وهي مستغربة)وده من امتى ؟
خالد: (ضحك لحد ما بانت سنانه)من النهاردة
سمر:لا عسل يا خالد
خالد: (ظبط التيشرت بتاعه)الله يخليكي
سمر:ما تخلص وتقول عايز ايه علشان انا مشغولة
خالد:ايه ده،استاذة سمر مشغولة؟
سمر: (رفعت راسها)طبعا،وانت مش موجود فى الجدول النهاردة
خالد:الله الله،وكمان بقيتى بتعرفي تعملى جداول
سمر: (بضحك)اه اتعلمتها منك
خالد:روحي روحي،مش عايزة تقعدي معايا دلوقت،الله يرحم ايام كنتى بتموتى علشان بس اقعد معاكي
سمر:ده امتى ده،وبعدين هقعد مع مين،مايكل جاكسون مثلا؟
خالد: (ضربها على كتفها)عيب تجيبى في سيرة الميتين
سمر: (بضحك)طيب بس ممكن تقول عايز ايه؟
خالد:كنت بفكر نروح نطمن على سارة
سمر:اصلا انا كنت شوية وهروحلها
خالد: (اتعصب جامد،ومسكها من شعرها)طب مش تقوليلى انك رايحة؟
سمر: (بضحك)كنت هقولك والله
خالد: (ساب شعرها) طب سماح المرة دي
سمر:هتيجي معانا يعنى؟
خالد:ان شاء الله،بس ماما جاية معانا؟
سمر:اه ومنار عدت عليها الصبح وهي رايحة الشغل
خالد:خلاص تمام،لما تجهزوا ابقى تعالى قوليلى،انا هطلع اقعد فى اودتى
سمر: طيوب

(سارة صحيت بدري علشان منار جتلها وقعدت معاها شوية وبعدين مشيت،اول لما منار مشيت سارة جريت على اودتها تدور على الحاجات اللى بتربطها باحمد وقعدت تقلب الدنيا وفى الاخر لقت ميدالية عليها حرف A وكانت محطوطة ورقة جنبها سارة فتحتها بسعادة علشان تقرأها لقت مكتوب فيها"ده حرفى علشان متنسنيش ابدا وانا عمري ما هنساكى علشان حرفك معايا"وبعدين فتحت مذاكرتها لقت مكتوب بخط كبير"احبك فى الله ياسارة من أخوكي فى الأسلام احمد"ضحكت على طفولتهم الجملية وقعدت تقرأ المذكرات وتضحك على خفة دم احمد وعلى احلى ايام قضتها فى حياتها)

(احمد اتأكد انه عايز يخطب سارة،حس خلاص أن هي اللى ممكن تشاركه حياته،واللى يطمن انها تكون زوجته و،فقرر يخطبها،بس حب يفرح منة بالخبر،وانها تكون اول واحدة تعرف علشان عارف ان ده اكيد هيسبطها،فخبط على اودتها ودخل،فجريت عليه)

منة: حبيبي
احمد: (بضحك)ياعبيطة
منة: (بضحك)تصدق انا غلطانة انى بحسسك اني بحبك
احمد:ياحبيبتى انا عارف انك بتحبينى
منة: (رفعت حاجبها)ده غرور؟
احمد: (بابتسامة)تقدري تقولي كده
منة:واقدر مقولش كده على فكرة
احمد: اه
منة: اختك بقى
احمد:طب مش لما أكمل
منة: (بضحك)لا كفاية لحد كده

(احمد كان هيضرب منة،فجريت على السرير وخبت وشها بالمخدة،واحمد وقف يتفرج على شكلها وضحك،ولما منة حست أن احمد مش هيضربها،قامت قعدت على السرير،واحمد قعد قدامها)

منة: ايه اللى رماك عليا؟
احمد: اعتقد الحب يامنة
منة: (طلعلتله لسانها)للدرجة دي بتحبنى يابنى؟
احمد:امممممم،طبعا طبعا
منة:بس غريب،هو انت بتحب اصلا؟
احمد:ليه يعنى شيفانى تمثال؟
منة: (بضحك)مش قصدي،بس بحس انك صعب تحب اوي
احمد:اشمعنى؟
منة:مش عارفة بس بحس انك يوم ما هتتجوز هتختار واحدة كويسة بس مش لازم بتحبها
احمد: ليه هو انا مش رومانسى؟
منة:لا بالعكس انت رومانسي بزيادة،معايا ومع ماما وحتى بحس انك رومانسي مع أصحابك،بس بحس انك صعب تقول انك بتحب
احمد:ليه يعنى،اخرس مثلا؟
منة: (بضحك)ياعبيط اقصد علشان انت ماشاء الله دماغك دلوقت فى الشغل وازاى تطور نفسك،فقولت اكيد انت مش بتفكر فى الحب دلوقت
احمد: (بابتسامة)بس الحب ملوش وقت يا استاذة منة
منة:الله الله،بتقول شعر يابنى
احمد: (بضحك)شوفتى
منة:ايأ كان،يعنى سيادتك بجد بتحب؟
احمد:ماشابه ذلك
منة:طب ومين اللى مامتها داعية عليها فى يوم جمعة دي؟
احمد: (ضحك جامد،وضرب منة على كتفها)ملكيش دعوة بمامتها،خلينا فيها دلوقت
منة:طب قول انت جاي تقول ايه لأنى مش فاهمة
احمد:باختصار،انا قررت اخطب

موضوع: رد: رفيق عمري الثلاثاء يونيو 21, 2011 4:43 pm

(منة حست انها اتضايقت،هي كانت بتحس ان اخوها بيحب سارة بس كان بيحاول يخبى،لكن حست من كلام احمد أنه مش هيخطب سارة،حاولت تخبى على اخوها،ابتسمت لاخوها بحب)

منة: (ابتسمتله)مبروك ياباشا
احمد: (استغرب اخته)لا ياراجل؟
منة: (خافت ليكون اخوهـا حس بيها)فى ايه يابنى؟
احمد:وشك قلب كده ليه؟
منة:مفيش بس علشان حاسة انك هتسبنى
احمد: (كان واثق ان مش ده اللى منة زعلت منه)يابنتى انا جنبك ان شاء الله على طول
منة:يارب ياسيدي
احمد: (غمزلها وهو بيبتسم)مش ناوية تسألينى مين العروسة؟
منة:احنا هنستهبل من اولها،مش قولت هتخطب،تبقى مين المخطوبة
احمد: (بضحك)طب مش هتسألينى مين المخطوبة؟
منة: مين ياسيدي؟
احمد:حد تعرفيه
منة:مش طالبة الغاز مجلة ميكي دلوقت
احمد: (بضحك)لالا خلينا نلعب
منة:بس انا اعرف ناس كتير
احمد:هنبدأ الرخامة بقى
منة:ما تخلص وتقول الاسم على طول
احمد: (وهو بيبتسم)لالا،لازم ارخم عليكي الاول
منة:صحيح هي عادتك ولا هتغيرها
احمد: (بضحك)براحتى
منة:طب حد من ولاد خالتنا
احمد:لا خالص
منة:امممم،طب من ولاد عمتنا
احمد:بطلى غباء وركزي،مش من اقاريبنا خالص
منة: حد من الجامعة عندك؟
احمد:ايه الغباء ده،وانتى تعرفى حد من جامعتى؟
منة: (بضحك)اه اسفة
احمد: فكرى شوية،وشغلى الجزمة اللى فى دماغك
منة:يوه بقى،مش عارفة
احمد:ها خلاص مش عارفة تفكري؟
منة:اه بسرعة بقى قول
احمد: (قام وقف ونط،وهو بيضحك)سسسسسسسسارة
منة: (رفعت حاجبها)سارة مين؟
احمد: (اتخنق من غباء اخته،جاب المخدة ورماها فى وشها)لا ده انتى غبية رسمي
منة: (ضحكت بتلقائية)سارة صاحبتى؟
احمد: وهي فى سارة غيرها؟
منة: (ابتسمت ابتسامة بينت لاحمد قد ايه هي فرحانة)احلف؟
احمد:والله ما بهزر ياهبلة
منة: (بقت عمالة تضحك بدون سبب)الله الله الله،اخويا هيتجوز اعز اصحـــــابى
احمد: (بابتسامة حنينة)فرحانة؟
منة:وانا هعرف افرح فرحة زي دي تانى اصلا؟
احمد:كنت حاسس انك هتفرحي،علشان كده قولت اقولك حتى قبل ما اقول لماما
منة: (جريت حضنته)مبروووووووك
احمد:الله يباركلى فيكي يارب
منة: (هديت وقعدت على السرير)بس
احمد:بس ايه؟
منة:انت بتحبها يا احمد؟
احمد: (اول مرة يحس أنه مكسوف لأن محدش كان يعرف أنه بيحبها)ها؟
منة: (ضحكت بصوت عالى)انت مكسوف؟
احمد: (رماها بالمناديل)اسكتى يارخمة
منة:جاوبنى
احمد:اه بحبها
منة: والله كنت حاسة
احمد: (وهو بيبتسم)هو انا كان باين عليا؟
منة:لا خالص
احمد:قولى الصراحة بجد؟
منة:انا اللى كنت بحس،بس يمكن لانى انا وانت من واحنا صغيرين بنحس ببعض شوية
احمد:يعنى تتخيلى سارة هتبقى عارفة؟
منة: (بضحك)ها؟
احمد:ما تجاوبى على طول
منة:اقولك الصراحة؟
احمد:شكلك بوظتى الدنيا
منة: لالا مش اوي
احمد:طب قولى عملتى ايه
منة:كنت بقول لسارة انى بحس انك بتحبها،بس هي كانت تقعد تقولى انك بتعاملها عادي
احمد: (بضحك)والله سارة دي بنت ناس
منة: اكيد بنت ناس،بهرتنى بالمعلومة دي الصراحة
احمد: (ضحك جامد)يابت اقصد مؤدبة كده
منة:طب ما انا عارفة،بس عايزة اسالك سؤال؟
احمد:اتفضلى؟
منة:انت بجد بتحبها؟
احمد:انتى عايزة ايه من الاخر؟
منة:حاسة أنكوا لايقين لبعض اوي
احمد: (بابتسامة)بجد؟
منة:اه والله،بعدين احمد وسارة تحس اسم فيلم سينمائى
احمد: اه اه عندك حق
منة: (غمزتله)واطمنك اكتر؟
احمد:طمنينى
منة:سارة طول عمرها نفسها تتجوز ولد اسمه احمد
احمد: (بضحك)بجد؟
منة:اه والله،وهي نفسها متعرفش السبب
احمد:خلاص انا كده اروح اتقدم بقلب جامد
منة: (من فرحتها،قعدت تتنطط على السرير)حاجة غريبة،اخويا هيتجوز اختى
احمد:بس يابت عيب الكلام ده،الناس تفتكرنى بعمل حاجة حرام

(احمد حب يرجع للجنان تانى،نسى سنه نهائى،وقعد يتنطط جنب منة على السرير،وهما ال2 قعدوا يضحكوا بصوت عالى بدون سبب،وكانت مامتهم رايحة على اودتها فسمعت صوتهم،ودخلت لقيتهم عمالين يتنططوا،ضحكت على هبلهم وقالت تخش تفهم ايه اللى مفرحهم)

ام احمد: (بابتسامة)طب ما تفرحونى معاكوا؟
منة: (غمزت لاحمد)تحب تقول انت ولا اقول انا؟
احمد:لا طبعا انا اللى هقول
ام احمد: (بحماس)طب اتفضل سيادتك قول
احمد: (جري باس راس امه،ووقف قدامها وهو مبتسم)قرت اخطب
ام احمد: (حضنت ابنها جامد،وعيونها دمعت من فرحتها)مبرووووووك
احمد: (ابتسم لمامته ومسح دموعها)ليه بس الدموع دلوقتى؟
ام احمد: اصلك كبرت وهتخطب،وكبرتنى معاك يا احمد
احمد: (بضحك)عقبال ما تفرحي بمنة كمان
منة:امين امين
احمد:انا اعرف ان البنات بتتكسف
منة:عايزة اتجوز بقي والاقى واحد ليل ونهار اتخانق معاه
احمد: (بضحك)قليلة الادب
منة: أما بيت غريب،اللى يقول الصراحة يبقى قليل الادب
ام احمد:بس يابت صراحة ايه،انتى لسه صغيرة
منة:طول عمري مضطهدة فى البيت ده
احمد:بطلى بقى الكلمة دي،مبقتش تأثر فينا
منة: (طلعت لاحمد لسانها)لا مش هبطلها
ام احمد:اسكتى يابت يارغاية انتى،خلينا نعرف الواد هيخطب مين
منة: قولها قولها قولها قولها
ام احمد:بنتى اتعبطت
احمد: (بضحك)دي عبيطة من اول اليوم
ام احمد:طب قولى بقى مين هي
احمد:عارفة صاحبة منة اللى اسمها "علياء"

(منة وشها قلب،خافت ليكون احمد ضحك عليها وهو اصلا مش هيخطب سارة)

ام احمد:ايوة يابنى عارفاها
احمد: (ضحك علشان شاف منة اتخدت)انا بقى ناوي اخطب سارة
منة: (بضحك)خوفتنى على فكرة
ام احمد: (بانت الفرحة فى عيونهأ)ماشاء الله ماشاء الله
احمد:رأيك ايه يا أمي؟
ام احمد:بصراحة،من ساعة ما سارة دخلت بيتنا،وانا نفسى تتجوزها
احمد:مكنتش اعرف انك نفسك اتجوزها
ام احمد:كان نفسى والله،بس خوفت اعرض عليك الموضوع وتحس انى بجبرك،وكمان علشان مكنتش اعرف انت ايه شعورك تجاهها،بس بجد هي بنت مفيش زيها 2،محترمة ومثقفة ومتدينة،وعائلتها قريبة مننا كمان
احمد:عندك حق ياماما،بس ربنا يقدم اللى فيه الخير
ام احمد:امين يابنى
منة:انا قولتها على سارة من زمان بس محدش صدقنى
احمد: (بصلها بضحك)قولتى ايه يابتاعة؟
منة:قولت يا اما تحت السواهي دواهي
احمد وام احمد: (ضحكوا جامد)عبيطة والله

(وفضلوأ يتكلموا ويضحكوأ،حتى ام احمد بقت تتضحك وتهزر من فرحتها بابنها اللى فرحها بأنه هيخطب بنت هى بتعتبرها اكتر من بنتها كمان ،وبعدين احمد راح كلم والده وبلغه أنه عايز يخطب ،وقال لوالده انه وحشهم بجد،والده طار من الفرحة وقاله انه هيرجع مصر ومش هيسافر تانى للابد،واحمد فرح فرحة اكبر لما عرف انه والده هيفضل جنبه على طول ،وقاله انه هيروح يحجز تذاكر علشان يجلهم بعد فترة قليلة علشان يخطب لأبنه البنت اللى كانت دايما ام احمد ومنة يحكوله عنها وحس من غير ما يشوفها انها محترمة ومتدينة وان أبنه هيرتاح معاها،واحمد راح يقول لأمه ومنة أن باباه هيرجع مصر ومش هيسافر تانى،ومنة قعدت تتنطط وتحضن احمد وتحضن مامتها ،وام احمد حست انها فرحت فرحة مش هتفرحها تانى،وفضلوا يتكلموا مع بعض لحد ما راحوا علشان يتغذوا)

محمد:انا حاسس ان منة وحشتنى اوي
ربا: (بخنقة)ما تسبها فى حالها بقى
محمد:انا بحبها ياربا
ربا:بس باللى انت بتعمله معاها ده انت بتخنقها
محمد: (اتضايق لما اخته حسسته أنه ظالم منة)مش قصدي طبعا،انا بحبها والله،وبحاول اظهرلها ده
ربا:انت واثق اصلا انك بتحبها؟
محمد:انا بحبها اكتر ما بحب نفسى
ربا:بس محدش يامحمد بيحب احد وبيخنقه
محمد:طب اعمل ايه،انا مش غرضى طبعا أني اضايقها،انا نفسى اكلمها بس،او نفسى اخليها تحبنى،وكنت شايف أن الطريقة دي ممكن تخليها تحبنى
ربا:شكلك يا محمد مش فاهم اصلا يعنى ايه حب،فاكر أن الحب انك تسهر ليل ونهار تتكلم مع بنت، وبس
محمد: (بقلة حيلة)طب عرفينى انتى ايه الحب ياربا؟
ربا:الحب أنك تكون عايز تسعد حبيبك بكل اللى تقدر عليه،أنك تكون نفسك تشوفه فى اسعد حال مش مجرد عايزه يكون ملكك،أنك تبقى شايف أنك هتسعده وأنك اللي هتكمل اللى ناقصه،أنك تبقى واثق أنك ممكن تعمل اي حاجة فى سبيل حبك،وده اعتقد ابسط توضيح للحب،بس اقنعنى فى حاجة من اللى قولته انت عملتها مع منة؟

(محمد حس أنه ظالم منة معاه،وأن منة بسبب اللى كان بيعمله كرهته اكتر من الاول،وحس أنه مش مسامح نفسه على اللي عمله فيها)

محمد:انا ايه الهبل اللى عملته ده بس؟
ربا: (بحزن على اخوها،راحت قعدت جنبه)بص يامحمد،انا عارفة أنك بتحب منة،ونفسى ياسيدي أنها تكون مراتك،بس انا حاسة أنك باسلوبك ده بتبعدها اكتر ما بتقربها
محمد: (حس أنه اتخنق)عندك حق
ربا:بص انا مرة واحدة اللى شفت فيها منة،ولما شوفتها حسيت انها بنت غاية فى الادب،ماشية فى الشارع بقمة الاحترام،لبسها يدل انها واحدة بتراعى ربنا في حياتها
محمد:مش فاهمك،عايزة تقولى ايه؟
ربا:محمد انت عارف كويس انت عايش حياتك ازاى،انا مستحيل لو بنت محترمة هفكر فى ولد،اولا بيعاكسنى،ثانيا ليل ونهار واقف فى الشارع،ثالثا واقف مع ولاد بيعاكسوا البنات اللى رايحة واللى جاية،ده غير ان تصرفاتك تتدل انك بعيد كل البعد عن ربنا
محمد:ربنا؟مين قال انى بعيد عن ربنا؟
ربا:وانت فاكر انك ترجع البيت بالليل تصلى العشاء أن افتكرت،يبقى انت كده قريب من ربنا،محمد ياحبيبى ابسط حاجة بينك وبين ربنا الصلاة،وانت دي حتى مش بتعملها،انا كنت كتير بحاول اوصلك كلامي ده بس بطريقة مش مباشرة،واقول اكيد المرة دي هيتغير،بس كنت بلاقى انك بتبقى اوحش،انا يا محمد لقيت السعادة فى انك تبقى عايش مع الله،مش معنى كده انك تعتزل الناس،بس انك تبقى بتعمل اللى ربنا أمرك بيه،وفى نفس الوقت بتتبسط بس بالحلال،صدقنى دي السعادة بجد،مش سعادة انك تبقى الولد الجامد اللى بيعمل كل حاجة،السعادة انك تبقى بتحب ربنا وعايش علشان ترضيه،انا كنت بشوف فى حياتك اوقات كتير حزن،كنت عارفة ان الحزن ده مش هيريحك منه الا ربنا،بس مكنتش عارفة اوصلك الكلام ده

(محمد كان قاعد بيسمع ربا باهتمام،يمكن سمع الكلام ده مليون مرة بس اول مرة يلمس حاجة فيه،حس أنه حزين أنه اختار الطريق الغلط،وحس أنه بجد محتاج لربنا،عيونه دمعت،وربا حست بيه،ودعت ربنا من جواها ان تكون دي نقطة تحول حياة اخوها)

ربا: (بكل حنية حطت ايدها على كتف اخوها)متخافش يامحمد،ربنا بيفرح بتوبة الأنسان البعيد عنه،ارجعله وان شاء الله هيقبلك وهيقربك منه

(محمد حس أنه مش طايق نفسه،جري على اودته،وقعد يعيط ولا كأنه طفل مامته سابته لوحده،متخيلش أن ممكن تكون السعادة أنه يكون جنب ربنا،حس أن ربنا بعتله كلام ربا علشان يهديه،وحس ان دي فرصة لازم ميضيعهاش ياعالم هو هيموت أمتى،فتح القرآن يمكن لأول مرة من ايام ما كان صغير،قعد يقرأ فيه ودموعه بتنزل على ورق المصحف،واول لما فتح المصحف لقى اية : "والذين اذا فعلوا فاحشة او ظلموا انفسهم ذكروا الله فاستغفروا لذنوبهم ومن يغفر الذنوب الا الله ولم يصروا على ما فعلوا وهم يعلمون" صدق الله العظيم،بكي محمد اكتر لما شاف الاية دي،حس ان ربنا بيسهل كل حاجة ليه علشان يتوب،قعد يستغفر ربنا على كل ذنب عمله طول حياته،وكان الفجر قرب يأذن قام يتوضأ ولبس،بعدين الفجر أذن،ولما خلص الاذآن خرج وأخته شافته،افتكرته نازل تانى مع اصحابه،ولما سألته رايح فين وقالها أنه نازل المسجد،حمدت ربنا أن اخوها هيبدأ،وراحت تصلى الفجر وتشكر ربنا اللى تقبل منها دعائها ،وخلى أخوها يعرف فين السعادة بالظبط)

ربا:25 سنـة،متخرجة من كلية تجارة،بتشتغل فى بنك اجنبـى معروف ،وبقت مديرة فيه علشان كفأءتها،حافظة القرآن الكريم،وقريبة من ربهـِا،مثقفة وبتعشق أنها تقري وتعرف ثقافات الغرب بالذات،معاها 4 لغات" انجليزي،واسبانى،والمانى،وفرنسى"،مثال فى شغلها للأدب والأخلاق وحسن التعامل مع الناس،أبوها وأمهـا متوفيين من زمان،ومن وقتها وهي اتولت حياة أخوهـا،وكانت بتحاول تسعده بإي طريقة،عاقلة وفى نفس الوقت دمها زي السكر،شعرها مموج "كيرلى"ولونه اسود بس مش غامق اوي،وقصير،عيونها عسلى وبشرتها سمرأء

محمد:19 سنـة،كلية حقوق،بيعشق التراب اللى منة بتمشى عليه،واكبر امنية فى حياته أنها تحبه،لكنه للأسف كان بيحاول يظهر حبه بطريقة كرهت منة فيه،وبقت منة بتحاول بكل الطرق تخش من اى شارع تانى علشان ميشفهاش،وسيم لأبعد حدود،طويل وشعره اسود غامق،وناعم،عيونه عسلى زي اخته،بشرته بيضاء،وشيك بطريقة خيالية،بيهتم بمظهره جدا،بس كان ناسى حاجات كتير اهم من المظهر،هي دينه وثقافته وعلمه،وأن فى حاجات أغلى بكتير من مجرد المنظر قدام الناس،ونقدر نقول أنه هيبدأ يتغير من الولد الطايش الهايف الى واحد تانى خالص،اخو ربا وبيموت فيها،تعتبر طلباتها بالنسبة ليه أوامر،من ساعة ما ولده وابوه ماتوا وهو معتبرها أمه،وبيحاول يرضيها،بيروحلها على طول لما يكون مخنوق،وبيشوف فيها الشخص اللى بيستحمله وبيسمعه،وكمان بينصحه،علشان كده على طول بيحب يحكيلها كل حاجة

ريم: (بتتكلم بصوت عالي)وحشتينى بجد
سارة:يانصى التانى أنتى أكتر
ريم: (وهي حاسة أن صوت أختها تعبان)بت أنتى فيكي حاجة؟
سارة: (حبت تخبى على ريم اللى حصل علشان متقلقهاش)ياحبيبتى انا زي الفل اهو
ريم: (كانت واثقة ان سارة فيها حاجة،لأنهم تؤام ودايما بيحسوا ببعض)سارة احلفى
سارة: (حاولت تهرب من الموضوع)ياوحشة مش مصدقانى؟
ريم:سارة بعد اذنك احلفى انه محصلكيش حاجة وانا مسافرة
سارة: (بقيلة حيلة)مقدرش احلف
ريم: (نزلت دموعها وصوتها اتغير)حصلك ايه ياسارة؟
سارة:محصلش حاجة
ريم:سارة وحياتى احكي بس،طمنينى عليكي
سارة:حاجة بسيطة،عملت عملية بسيطة خالص
ريم: (صوتت جامد)انتى بتتكلمي جد؟
سارة: (قلقت على اختها)يابنتى اهدي علشان خاطري،اقسم بالله انا كويسة
ريم:استغفر الله،والله قلبى كان حاسس انك تعبانة
سارة:ياحبيبتى ياريري،ربنا ميحرمنيش منك يابت
ريم: (وصوتها باين انه متغير)طب هو انتى عملتيها ليه؟
سارة:كان عندي ثقب فى القلب،بس الحمدلله بقيت تمام
ريم: ايه؟هو سبب تعبك كان ثقب فى القلب؟
سارة: ما تهدي بقى روشتينى،ما قولت بقيت كويسة
ريم:ياقلبى ياسارة
سارة:متخافيش والله،انا اليومين دول ربنا كان جنبى،وحسيت انهم عدوا بسرعة الحمدلله
ريم: يعنى انتى كويسة؟
سارة:اهو زي القرود
ريم: (ضحكت غصب عنها)ياعبيطة انتى 24 ساعة كده
سارة:وهو فى احلى من كده،بس قوليلى انتى
ريم:ها؟
سارة:اخبار عبدالله معاكي؟
ريم: (استغربت سؤالها)عادي،بس ليه السؤال ده؟
سارة:يعنى انتم هناك،ورايحين مكان فى بحر،يعنى جو رومانسى اخر حاجة
ريم: بس ياهبلة انتى
سارة:قوليلى بيعاملك ازاى؟
ريم:عادي يابنتى والله
سارة:يابت عليا الكلام ده؟
ريم:وعلى شعب جمهورية مصر العربية كمان
سارة :اه،انتى جاية تسمعينى بقى الكلمتين اللى حفظتيهم فى شغلك
ريم:طبعا ومين هيسمعنى غيرك
سارة:عندك عبدالله،واظن انه هيسمعك بصدر رحب
ريم: (بضحك)ما تحترمي نفسك بقى
سارة:كل ده علشان بقول الصراحة؟
ريم:ومين قالك انه بيحبنى اصلا؟
سارة:قلبى
ريم:عليكي وعلى قلبك
سارة: (بضحك)خلاص هسكت لحسن قلبى مش مستحمل
ريم: (بابتسامة)ربنا معاكي ياحبيبتى
سارة:قوليلى اية فين؟
ريم:اهي جوه،انا هخليها تكلمك بعد شوية
سارة:ياريت علشان هي بجد وحشانى،وسلمى على يوسف
ريم:اكيد هو هيكلمك لما يعرف انك تعبتى
سارة:انا مستنية اهو،وعلى اللى الموبايل ميرنش
ريم: (بضحك)لا متقلقيش ان شاء الله هيرن
سارة:يلا بقى علشان معطلكيش عن شغلك
ريم:ماشى ياحبيبتى،عايزة اي حاجة؟
سارة:لا سلامتك
ريم:خلى بالك من نفسك ياسوسو
سارة:اوك سلام

(سارة راحت تسلم على مامتها اول لما صحيت،ودخلت عليها المطبخ وباست ايدها)

سارة:صباح الخير ياست الكل
ام سارة:صباح الخير ياسوسو
سارة:صباح الجمال،ماما بتدلعنى على الصبح
ام سارة: (بضحك)خلاص سحبتها
سارة: انتى اللى خسرانة على فكرة
ام سارة: ليه بقى هخسر ايه؟
سارة:هتخسري إنك تنطقى دلعى على لسانك
ام سارة: (ضحكت جامد)والله عبيطة
سارة:ليه الشتايم اللى على الصبح بس ياماما؟
ام سارة:مش ذنبى إنك طالعة عبيطة
سارة:معلش معلش،شوية وهروح بيت جوزي وهريحكم
ام سارة: (بابتسامة)تفطري؟
سارة:لا يامامتى تسلم ايدك
ام سارة:مش هتفطري ليه بس؟
سارة:والله ياحبيبتى مليش نفس خالص
ام سارة:طب بصى اقعدي شوية كده،وبعدين افطري علشان تاخدي الدواء
سارة: حاضر
ام سارة:صحيح فى بنت اتصلت بيكي
سارة: مين؟
ام سارة:بنت اسمها غادة
سارة:ياه والله وحشتنى
ام سارة:اول مرة اسمع صوتها على فكرة
سارة:اصلها بتتكسف تتصل على البيت،على طول بتكلمنى على الموبايل
ام سارة:ياقلبى عليها
سارة:خلى قلبك عليا انا ها؟
ام سارة:طيب ياستى
سارة:انا هطلع بقى على اودتى اكلمها،وشوية كده واعمليلى فطار ولما تخلصى ياحبيبتى قوليلي ماشى؟
ام سارة: من عيونى

(سارة طلعت اودتها علشان تكلم غادة،وقعدت تقلب فى الموبايل بتاعها على رقم غادة،وبالصدفة لقت رقم هايدي قدامها،اتضايقت بعدين اتصلت بغادة علشان متتخنقش،وقعدوا يتكلموا مع بعض)

هايدي:وحشتنى ياتيمو
تامر:معلش يابيبى كنت مشغول شوية
هايدي:لا بردوا،انا زعلانة
تامر: (حضنها)متزعليش بقى
هايدي: (برقة)طب هسامحك
تامر: (ضحك وغمزلها)تسلملى ام قلب طيب
هايدي: (ضحكت)متخافش انا موجودة على طول
تامر:بقولك يلا بينا بقى نخرج،عايزين نقعد نتكلم
هايدي: (مسكت ايده)يلا بينا ياحبيبى

تامر:23 سنة،كلية اداب انجليزي،فاشل فى دراسته ولحد دلوقتى لسه فى الكلية علشان بيسقط،بتاع بنات وعايش حياته خروجات ومخدرات ،عرف هايدي من على النت ومن وقتها وهما على طول خروج،بيحب يملك كل شىء وده بسبب تربية اهله ليه اللى عودته انه ياخد كل حاجة عاوزها،بيعشق لما يحس أن بنت رفضته،وبيفضل يجري وراها لغاية ما يخليها تكلمه،بعدين بتتحط ضمن الجدول اللى فيه اسماء الآف من البنات،عارف أن أبوه متوفي زي ما مامته قالتله من اول ما اتولد،ومامته مسافرة بره وطبعا الولد عايش لوحده،مفيش رقيب عليه علشان كده اتعود يعمل اللى هو عايزه،شعره بنى وعيونه بنى غامقة،طويل وشكله جميل،لكن بيلبس سلاسل وخواتم كتير،وحاجات مش لايقة على الولاد،وطبعا ده بهدف انه يعجب البنات

سمر: (وهي بتزعق بصوت عالى)اريج
اريج: طز فيكي
سمر: (بضحك)يابت ركزي معايا
اريج:ركزنا
سمر:انتى هتروحي تزوري سارة؟
اريج:اينعم
سمر:طب ما ناخدك معانا فى الطريق؟
اريج:انى ارفض تماما
سمر:انتى تطولى اصلا؟
اريج:انا طويلة على فكرة
سمر:مش وقت رخامتك دلوقت
اريج:يابت افهمي،انا كده كده جاية مع باباوماما وعمرو
سمر:اخيرا هشوف اخوكي الغامض
اريج:احنا هنبدأ ولا ايه؟
سمر: (بضحك)تقدري تقولى كده
اريج:متنسيش ياسمسم،احنا رايحين علشان نزور سارة ها؟
سمر:طبعا طبعا
اريج:اشوفك هناك بقى سلام
سمر:سلام

عمرو:20 سنة،كلية اقتصاد وعلوم سياسية،حلمه يطلع سفير مشهور ويمثل دولته فى أكبر دول العالم،بيعشق امه وابوه،وطيب معاهم لأبعد حدود،وبيموت فى اريج اللى بيعتبرها نصه التانى،وبيحب يحكي معاها على طول،وبيحاول ميزعلهاش ابدأ،دمه خفيف وبيعشق الهزار،بس فى نفس الوقت حازم وقت الجد،معروف وسط اصحابه برجولته وتدينه،اتعلم فى التنمية البشرية انه يقابل ناس خبراء فى المجال اللى عايز يشتغل فيه،ومن وقتها وهو مخصص وقت من حياته علشان الموضوع ده،طوله متوسط،وشكله رجولى،شعره خفيف وناعم،مربى جزء صغير من لحيته بس لايقة علي شكله،ولبسه بيكمل جماله

سارة:ازيك ياريجو؟
اريج:حبيب قلبى ياكبير
سارة:تصدقى تعبى طلع فيكم المواهب
اريج: (بضحك)يابنتى انا موهبة مدفونة
سارة:ومين بقى ياختى اللى دفنك؟
اريج:عمرو
سارة: انتى ظالمة الواد على طول؟
اريج:على طول كده واقفة فى صفه ضدي
سارة:مش ابن عمي؟
اريج:على اساس انى بنت الجيران؟
سارة: (بضحك)يعنى
اريج:انا غلطانة اني متصلة
سارة:انتى متصلة ليه اصلا؟
اريج:ايه قلة الذوق دي؟
سارة:ده اللى عندي
اريج:اما بنت عايزة الضرب صحيح
سارة: شكرا على كرم اخلاقك
اريج:اصلا اخلاقى مش كريمة،هنكدب بقى؟
سارة:كويس انك عارفة نفسك
اريج:الله يسامحك نستينى انا متصلة ليه
سارة:انتى اللى نازلة رغي من الصبح
اريج:هعديها ليكي بقلبى الابيض الكبير
سارة:قصدك انك خايفة على فاتورة الموبايل
اريج: (بضحك)عيبك انك فهمانى
سارة:نصيبى يارورو
اريج: بصى بقى رورو دي اختك،وفى فرق كبير بينى وبينها
سارة:اولا :ليكي الشرف انك تبقى ريم،ثانيا:ليكي الشرف انك تبقى اختى
اريج:اولا قبلناها،ثانيا رفضناها
سارة:مش بمزاجك
اريج: (بصبر)طيب،باختصار احنا جايين ليكم
سارة: (برخامة)مش تستأذنوا الاول؟
اريج:تصدقى انك بت متستاهليش
سارة: (بضحك)مش قصدي والله
اريج:عارفة انه مش قصدك ياستى
سارة:هو مين اللى جاي؟
اريج:انا وبابا وماما وعمرو
سارة:ياه،عمرو غايب بقاله فترة،ليه وحشة
اريج:ياقليلة الادب
سارة: (بضحك)ده اخويا يابنتى
اريج:طب على الاقل اجبري بخاطري وقولى يا اريج وحشتينى
سارة:اكدب يعنى؟
اريج:انا حاسة ان كل يوم صداقتنا بتزيد
سارة: طبعا طبعا
اريج:يابنتى عمرو كان متردد يجي اصلا ولا ميجيش،كان حاسس انك مش هتبقى عايزة تشوفيه
سارة:ليه يعنى؟
اريج:علشان مجاش ليكي المستشفى،وكمان مسألش عليكي بعدها علي طول
سارة:على فكرة انا مش زعلانة
اريج:بصي انا حاسة انك زعلانة الصراحة
سارة:بصى اللى واثقة منه انه اكيد مكنش قصده،لانه على طول لو عرف كان هيجي وانا واثقة فى كده
اريج:بصى هو هيقتلنى لو قولتلك السبب،ابقى اعرفيه منه
سارة: طيب انا هبقى اعرف منه
اريج:يعنى عادي نجيلكم؟
سارة:انتى بتهزري يابت،تعالوا انتوا تنوروا اساسا
اريج:ربنا يخليكي ياسوسو
سارة:بعدين عيب الكلام ده،انتم اخواتى
اريج:ازاي ماما وبابا يبقوا اخواتك؟
سارة: (بضحك)ده انتى رخمة ياشيخة
اريج:عارفة عارفة
سارة:يلا هقوم بقى اشوف البس ايه
اريج:طبعا ما هو عمرو جاي
سارة: (بضحك)قولنا ده اخويا
اريج:عارفة بس برخم
سارة:طب يلا قومي انتى كمان اجهزي
اريج:اوك هقوم اشوف هنيجي على الساعة كام
سارة:اياكم تتغدوا
اريج:ده تهديد؟
سارة:ايون
اريج:اشمعنى؟
سارة:علشان انا هربت من ماما ومفطرتش اصلا،ومش عايزة افطر لوحدي ،فهستنى اتغدأ معاكوا
اريج:اوك اتفقنا،يلا بقى سلام

(سارة قامت علشان تشوف هتلبس ايه،لقت موبايلها بيرن،وطلعت سمر بتقولها ان هي كمان جاية،وطبعا سارة فرحت اكتر علشان هتتجمع هي واقاريبها،ونزلت تقول لمامتها علشان يجهزوا سوا مع بعض الغذاء)

(هيثم كان قاعد فى اودته،وكالعادة قاعد قدام النت،ودخلت عليه هايدي علشان تقعد معاه شوية قبل ما تخش تنام)

هايدي:هيثومتى
هيثم: (بابتسامة)تعالى تعالى
هايدي:فى ايه؟
هيثم:كل ده حضرتك فين؟
هايدي:مع صحاباتى يا باشا
هيثم:ماشى ماشى
هايدي:المهم انت عامل ايه؟
هيثم:اهو عايش،وانتى؟
هايدي:زي الفل ياحبيبى
هيثم:ما تخلى جرعة الرومانسية دي لجوزك احسن
هايدي:لا لا،ده جوزي ليه حاجة خاصة
هيثم:سيدي ياسيدي
هايدي: (بضحك)طبعا امال انت فاكر ايه؟
هيثم:لا كويس عرفت أربى
هايدي: (بضحك)ده اكيد

(هايدي رن موبايلها ،وكان واحد من اصحابها الولاد،اتفزعت وبان الخوف على وشها،بعدين ابتسمت فى وش هيثم)

هيثم: ما تردي يابنتى
هايدي:ها،لا انا مش عايزة ارد
هيثم:ليه يعنى؟
هايدي: (بقلق)لا اصل دي بنت سخيفة جابت رقمي من حد،ومش عايزة ارد عليها
هيثم: (خد باله من قلق هايدي،وحس ان الموضوع فى حاجة هو مش عارفها)مش مشكلة
هايدي: (قلبها وقع بسبب اللى حصل،وهديت لما صاحبها قفل،ومتصلش تانى،وحاولت تغير الموضوع علشان تنسى هيثم اللى حصل)بقولك يابنى
هيثم:ايوة؟
هايدي:انت مش جعان
هيثم:هقع من الجوع
هايدي:طب انا هنزل اشوف فى ايه ناكله،وهطلب من خديجة "المساعدة فى البيت"تحط الاكل
هيثم:طب وقوليلها لما تخلص تندهلى
هايدي:ماشى

(هايدي خرجت،وهيثم فكر فى اللى حصل،استغرب تغير وش هايدي لما الموبايل رن وقلقها،بس بعدين اتضايق من نفسه انه بيشك فى اخته،وهو عارف انها اكيد محترمة،حاول ينسى الكلام ده وقام يتفرج على التليفزيون)

الساعة 4 العصر

(رن جرس الباب،وسارة جريت علشان تفتح،ولقت فى وشها خالها،سلمت عليه واتطمن عليها،بعدين دخل عمرو وهو مكسوف من اللى حصل مع سارة،بس سارة ابتسمت ابتسامة بينت لعمرو انها مش زعلانة،بعدين دخلت زوجة خالها،واول لما اريج دخلت،جريت على سارة،وحضنتها جامد اوي،وبعدين سارة دخلتهم الصالون،وطبعا اريج وسارة قعدوا جنب بعض،وفى وشهم عمرو،وماما سارة وباباها وخالها ومراته دخلوا قعدوا مع بعض فى البلكونة)

سارة: (زقت اريج)وحشتينى يابت
اريج: (بابتسامة)ياقلبى انتى اكتر
عمرو: (اتجرأ وقال يحكي لسارة اللى حصل على طول)سارة
سارة: (بصتله)نعم؟
عمرو: ممكن بس ثوانى هقولك على حاجة

(اريج غمزت لسارة وكان قصدها ان عمرو هيحكيلها ليه مجاش لسارة المستشفى وليه مكلمهاش بعدها،ودخلت البلكونة،بس كانوا قاعدين بعيد شوية عن العائلة علشان عمرو يعرف يفهم سارة)

عمرو:مش عارف اقولك ايه الصراحة
سارة:قول اللى انت عايز تحكيه
عمرو:باختصار انا بجد اسف
سارة:ليه بس،محصلش حاجة اصلا
عمرو:لا طبعا حصل،وانا بجد كنت قليل الذوق
سارة:ايه طيب اللى خلاك قليل الذوق؟
عمرو:علشان بنت عمتى كانت محجوزة فى المستشفى،وانا مروحتش زورتها،وكمان زودت قلة الذوق دي بإنى بعد ما خرجتى مسألتش عليها
سارة: حصل خير ياعمرو
عمرو: طب تسمحيلى بس احكيلك السبب يعنى؟
سارة: (بابتسامة)اتفضل
عمرو:انا اصلا مكنتش فى مصر
سارة: (باستغراب)ازاى يعنى؟
عمرو: هفهمك،عارفة نواف صاحبى؟
سارة: ايوة،اللى من السعودية صح؟
عمرو: اه هو ده،للاسف باباه مات
سارة: ربنا يرحمه ويتجاوز عنه،ويجعل قبره روضة من رياض الجنة
عمرو:امين يارب
سارة:بس انا فاكرة على كلامك ان نواف كان متعلق بوالده صح؟
عمرو: (افتكر اللى حصل،وعيونه دمعت على منظر صاحبه)بالظبط،وطبعا انا لما عرفت سافرتله بدون تفكير علشان عارف هتبقى حالته ازاى
سارة:ربنا يصبره
عمرو:كان منهار ياسارة،مكنتش عارف افكر حتى ازاى اهديه،واخليه يتقبل ان باباه مش هيبقى موجود معاه تانى
سارة:ربنا يكون فى عونه
عمرو: بس الحمدلله بقى كويس،كلمنى امبارح وقالى انا بدأ يتجاوز الازمة شوية،وبدأ ينزل شغله عشان يحاول ينسى
سارة:الحمدلله
عمرو: هو قالى باختصار،انه هيفتكر باباه بالخير،وكل ما يفتكره بدل ما يبكى عليه هيدعيله،ويحاول يعمله خير،ويزوره كتير،وقالى انه اكيد عمره ما هينساه
سارة:ماشاء الله عليه،ربنا يزيده إيمان
عمرو:امين يارب،بس دلوقتى فهمتى انا مجتش ليه؟
سارة: (حبت ترخم على عمرو)اه فهمت،بس ايه المانع بقى انك كنت تكلمنى؟
عمرو: (بابتسامة)شوفى انا لسه جاي من السعودية امبارح بالليل،وكمان مكنتش اعرف اصلا من اريج اللى حصلك
سارة:ماشى ماشى
عمرو:يعنى مفيش زعل ان شاء الله؟
سارة: (بابتسامة)لأ مفيش
عمرو: طب انتى عاملة ايه دلوقت؟
سارة: صدعت من رغيك،كل ده كلام
عمرو: (بضحك)غلطتى
سارة: على العموم انا تمام الحمدلله
عمرو:ان شاء الله على طول
سارة:ربنا يخليك،بس مش يلا نقوم بقى نقعد مع اريج
عمرو:اوك يلا

(قامت سارة وعمرو معاها،وراحوا يقعدوا مع اريج)

اريج: (بتغمز لسارة)ايه الاخبار؟
سارة: (مفهمتش قصدها)انا كويسة الحمدلله
اريج:لا اقصد يعنى
سارة: (رفعت حاجبها)تقصدي ايه؟
عمرو:تقصد ياسارة انا صالحتك ولا لا؟
سارة: (ضحكت جامد)ياربى على غبائى
اريج:ياشيخة خنقتينى
سارة: (بضحك)لأ صالحنى وكان خلاص هيبوس ايدي علشان اوافق اصلا
عمرو: لا بجد؟
سارة: طبعا،انت نسيت ولا ايه؟
اريج: (بضحك)ما انتى عارفة ذاكرته وحشة
سارة:هنقول ايه بقى

(وقعدوا يتكلموا هما ال3 ،لغاية ما رن الجرس،وسارة عرفت ان سمر هي اللى على الباب،قامت علشان تفتح لسمر،وهي بتفتح الباب كانت بتضحك بدون سبب،وحضنت سمر جامد،وسمر مستغربة سارة،ومش فاهمة هي بتضحك على ايه،بعدين خالد دخل ولقى سارة بتضحك فضحك على ضحكها،بعدين حاولت تهدي،وسلمت على خالتها وجوزها بهدوء،وكانت سمر لابسة فستان احمر غامق لحد الارض،وفى تطريز بسيط ابيض،ولافة عليه طرحة بيضاء،ولابسة جزمة سوداء واكسسورات سوداء طبعا،وكانت زي القمر،وخالد كان لابس بنطلون اسود وعليه تيشرت لبنى فى ابيض وكوتشى ابيض،وكان لابس كاب لونه ابيض،وكان طبعا كعادته يجنن،ودخلت سمر ولقت فى وشها عمرو،واتكسفت لاول مرة علشان كانت فاكرة هتلاقى اريج فى وشها،وبعدين دخلت سمر وباست اريج طبعا،دخل خالد،وراح يسلم على عمرو،وفى الاخر دخلت سارة اللى كانت لسه بتضحك)

خالد: (بابتسامة،وصوت واطي زق سمر)من أمتى الكسوف؟
سمر: (بصوت واطي،وهي مخنوقة)حسابنا فى البيت
خالد: السلام عليكم ياجماعة
اريج وعمرو:وعليكم السلام ورحمة الله وبركاته
خالد: (بص لسارة)انتى يابت عبيطة؟
سارة: (وهي لسه مستمرة فى الضحك)ليه يعنى؟
خالد:عمالة تتضحكي بدون سبب
سارة: مش عارفة،حسيت وانا جاية افتحلكم انى عايزة اضحك،ومن وقتها والضحك مش راضى يمشى
خالد: (بضحك)من يومك عبيطة
سارة: (رفعت راسها)رأيك فيا لا يدل عليا
خالد:الله الله
سارة: (بابتسامة)شوفت تلاميذ ابراهيم الفقى عاملين ازاى؟
خالد: ده انتى بوظتى سمعة الراجل ياشيخة
سارة: (بضحك)فدايا بقى

(وبعدين راح خالد وعمرو قعدوا على جنب،علشان اول مرة يشوفوا بعض فحبوا يتعرفوا على بعض،وطبعا قعدة البنات كانت احلى،سارة واريج وسمر قعدوا يهزروا ويضحكوا،وكلهم بعد كده اتجمعوا على الغذاء،وقضوا يوم تحفة مع بعض،وعمرو عجبته شخصية خالد جدأ،ويعتبر بقوأ اصحاب)

منة: وحشتينى
سارة:زعلانة منك
منة: ليه بس؟
سارة:مش بتسألى عليا خالص
منة:انا مش لسه مكلماكي الصبح
سارة:المفروض صبح وظهر
منة: ما تخليها كل 8 ساعات احسن ونقلبك مضاد حيوي
سارة: (بضحك)رخمة
منة:بصى انا متصلة علشان عايزة اشوفك
سارة:وانا كمان
منة:خلاص بقى يلا تعالى لينا
سارة: ايه ده انا تعبانة
منة: تشرفنا
سارة: (بضحك)يابت اقصد ان المفروض الناس بتيجي للعيان
منة:لا ده كلام قديم
سارة: الله يسامح امثالك،بوظتوا الكلام من اساسه
منة: (ضحكت)بصى انا هاجي بكره اخدك
سارة:انتى جبتى عربية من ورايا؟
منة:انتى بتتريقى صح؟
سارة:ايون
منة:ليكي يوم ياست سارة
سارة:يعنى هتجيلى بعربية احمد؟
منة:اكيد ياذكية
سارة:لا بقى،انى ارفض
منة:ليه ياباش مهندسة بس؟
سارة:اتكسف اركب مع احمد
منة: يابت انتى بقالك سنين بتركبى مع احمد
سارة:متحسنيش انى مش محترمة
منة: (بضحك)لأ اقصد يعنى ان علشان انا مش بعرف اسوق،بخليه بس يسوق
سارة:فاهمة بس قولت استهبل حبة
منة:لا بلاش الاستهبال عليا انا
سارة:طب هشوف مع ماما،وهبعتلك مسج اقولك ماما قالت ايه
منة:طيب اوكي
سارة:يلا بقى تصبحى على خير
منة:وانتى من اهله

(سارة راحت قالت لمامتها،وطبعا مامتها فى الاول كانت رافضة علشان صحة سارة،بس لما سألتها عن صحتها قعدت تقولها انها كويسة وكده،ومامتها وافقت فى الاخر،بعدين راحت لباباها وباست ايده،وضحك لما حس انها عايزة حاجة،وقالتله انها هتروح لمنة،وهو كمان الاول اتطمن علي صحتها بعدين وافق علشان ميزعلهاش،وطلعت بعتت لمنة الرسالة،وهي بتحط راسها على السرير،سمعت صوت مسج جتلها،فتحتها على طول وكان مكتوب فيها "خلى بالك من نفسك كويس بقى،ما دام بدأتى الحرب معايا يبقى توقعي اي حاجة،وابشرك قريب هتحصلك حاجة هتخنقك او بمعنى اصح هتريحنا منك وطبعا هتبسطنى وتفرحنى،وهتشوفى اني بتكلم بجد ومش مجرد بهدد،ونبقى نشوف شجاعتك هتعملك ايه يا ست سارة"،سارة اتفزعت،بعدين قرت أن المسج جاية من هايدي،عيطت على الايام اللى قضتها مع هايدي،وكانت فاكرة انها صاحبتها،وحطت راسها على السرير بتحاول تنام،وطبعا مكنتش قادرة بعد اللى قرته فى المسج،بس راحت فى النوم بعد اكتر من ساعة على السرير)

الظهر الساعة 1

(سارة صحيت،وقامت اتوضأت وصلت جماعة مع مامتها كالعادة،بعدين لقت موبايلها بيرن،ردت على طول علشان تعرف منة هتعدي عليها امتى)

منة:صباح الجمال ياجميل يامقطقط
سارة:صباح الروقان ياباشا
منة:صباح اللى بتغنى
سارة:بس ياغلسة
منة:انتى جاهزة طبعا صح؟
سارة:هو انا المفروض ابقى جاهزة دلوقت؟
منة:نعم،انا فى الطريق ياسارة
سارة:احم احم احم
منة:احم ايه دلوقت،اعمل فيكي ايه؟
سارة:خلاص هلبس بسرعة
منة: طيب مجهزة حاجتك؟
سارة: مين؟
منة: (بضحك)ادعي عليكي بإيه بس
سارة: (بتحاول تكتم ضحكتها)اعمل ايه دلوقت؟
منة:هاتى اللى تقدري عليه،بس اهم حاجة تلبسى
سارة:حاضر حاضر
منة:سلام،وانجزي
سارة:حاضر،سلام

(سارة اول مرة تكون متاخرة كده،جريت لبست عباية سوداء وفيها تطريز بسيط بمبى،ولفت طرحتين بسرعة لون الاولى اسود والتانى بمبي ولبست اكسسوار بسيط وشنطة بمبي،وقعدت ترمي لبس بسرعة،بدون ما تاخد بالها هي بتحط ايه،وخدت كام كتاب،وبعدين كانت ماشية ماسكة الجزمة بايدها وشنطتها مسكاها ب فمها،وشنطة اللبس فى ايديها التانية،مامتها شافتها قعدت تتضحك على شكلها،وسارة شافت نفسها فى المراية ضحكت جامد،بعدين منة رنت علي سارة ،سارة باست ايد مامتها وسلمت عليها وجريت،وكانت الشنطة بتاعة اللبس تقيلة وسارة مش قادرة تشيلها،بقت تشدها على الارض،منة شافتها جريت عليها علشان عارفة انها تعبانة،وخدت منها الشنطة بس بعد ما حضنتها وسلمت عليها،واحمد شاف اخته متعذبة وهي شايلة الشنطة،قال ياخدها هو)

احمد: (شال شنط سارة)انا بقول اشيل انا الشنط دي
منة: لالا انا قادرة اشيلها يابنى
احمد: ياستى انا اقدر اشيلها عنكم
منة:ربنا يخليك ويكتر من امثالك
احمد: (بضحك)اشحتى اشحتى
منة: (بضحك)ماشى
احمد:طب انا بقول تركبوا العربية علشان الشمس جامدة

(احمد دخل الشنطة بتاعة سارة،وبعدين فتح الباب لمنة،ودخلت منة بعدها سارة،وبدأوا الطريق،وطبعا احمد قاعد ساكت،بس كان حاطط سماعات فى ودانه بيسمع قرآن،وسارة ومنة قعدوا يتكلموا مع بعض)

(خالد كان قاعد فى اودته،وكان بيسمع اغانى)

خالد: (بانفعال)خليك معايا يا حبيبى مهما كان

(سمر دخلت اودته من غير ما يأخد باله،وهو كان قاعد وفى ظهره الباب فمخدش باله من سمر،وهي حاولت تمشى بالراحة علشان ميحسش بيها)

سمر: (بصوت عالى)خليك معايا بقى

(خالد اتفزع طبعا،وقام من على كرسى الكمبيوتر بسرعة،ولقى فى وشه سمر وهي بتضحك،مسكها ورماها علي السرير وجاب مخدات اودته كلها ورماها بيها،وهي طبعا عمالة تضحك،بعدين قام ورجع قعد على كرسى الكمبيوتر،وسمر جابت كرسى وقعدت جنبه)

سمر:ياواد يارايق
خالد:الله يقرفك ياشيخة
سمر: (بضحك)ليه بس؟
خالد: بوظتيلى الجو الرومانسى اللى كنت عامله
سمر:الله الله،اخويا عامل جو رومانسى
خالد:مش عاجب حضرتك مثلا؟
سمر: (غمزتله)عاجبنى ونص
خالد: (باستغراب)بتغمزيلى ليه ياعبيطة؟
سمر:لحقت تحبها يابنى
خالد: احب مين؟
سمر:اريج،شكلها سحرتلك
خالد: (بضحك)لا طبعا مش حب
سمر: (غمزتله)نقول اعجاب؟
خالد:يمكن
سمر:ياعينى،اخويا معجب
خالد:منفعش يعنى
سمر:لا متنفعش بقى
خالد:طب امشى من هنا بدل ما ازعلك
سمر:من عيونى،بس كنت هقولك اننا هنجيب اريج عندنا
خالد: (ابتسم)هتجبوها ازاى؟
سمر: غبى من يومك
خالد: (بابتسامة)طب هي جاية امتى؟
سمر: اصل كل اهلها مسافرين مشوار كده،وهي هتقعد لوحدها،قولتلها تيجي تقعد معايا اليوم ده
خالد:يا افكارك ياسمسم
سمر: (بابتسامة)بس متنساش الحاجات دي
خالد:ياشيخة ده انا هنساكي انتى اصلا
سمر: اما واد عايز الحرق
خالد:هي هتيجي امتى؟
سمر: مين دي؟
خالد:هنهزر؟
سمر: (بضحك)ملكش دعوة هتيجي امتى،المهم ان اخوها للى هيوصلها
خالد:اما انك رخمة صحيح
سمر:بص هي هتيجي كمان 3 ساعات مثلا
خالد:كويس،الحق البس
سمر:ماشى ماشى
خالد:يلا برا من هنا،واقفلى الباب وراكي عايز ارجع الجو الرومانسى
سمر:اتدرب قبل ما البت تيجي

(خالد قام علشان يجيب حاجة يضرب بيها سمر،قامت جريت وقفلت الباب وراها،وقعد يضحك على هبل اخته،بعدين قعد على النت وهو بيفكر هيبقى يلبس ايه)

(ريم صحيت بدري،علشان كانت ناوية تنزل على مكتب هتقابل فيه شخصية معروفة فى مجال الصحافة،علشان تستفاد منها،وطبعا كان لازم تروح بعربية علشان المسافة بعيدة،صحيت لقت يوسف مصحيش،وكمان اية نايمة،وهي سابت عربيتها فى القاهرة،قعدت تتصل بيوسف واية محدش رد،اتعصبت ونزلت من اودتها علشان تفطر وتشوف هتعمل ايه،ولقت عبدالله قاعد بيفطر تحت،فقررت تسأله عن يوسف)

ريم:عبدالله
عبدالله: (لف وشه ناحيتها،وابتسم)نعم؟
ريم:معلش بس هو يوسف فين؟
عبدالله:نايم
ريم:طب هو مسمعش صوت الموبايل؟
عبدالله:لا مظنش
ريم:طب معلش هو ممكن بس يعنى
عبدالله: (بابتسامة)ايوة؟
ريم:ممكن بس تطلع تصحيه
عبدالله:حاضر

(ريم كانت مكسوفة لأنها أول مرة تتكلم مع عبدالله،واتطمنت أن عبدالله راح يصحي يوسف علشان يوديها المكتب،بس عبدالله قعد فوق ربع ساعة بعدين نزل)

عبدالله:هو مفيش منه امل
ريم:يعنى مش راضى يصحي خالص؟
عبدالله:لا حرام هو صحي،بس قام ولسه بيغسل وشه،بطنه وجعته جامد،خد دواء وقالى اعتذرلك بالنيابة عنه،وكمان قالى اوصلك انا
ريم: (اتكسفت ان عبدالله يوصلها)لأ لا خلاص انا هركب تاكسي
عبدالله:لا طبعا مينفعش،اية اصلا كلمتنى وقالتلى انها نازلة،هنفطر ونروح المكان اللى انتوا عايزينه
ريم:شكرأ ياعبدالله
عبدالله:العفـو،اقعدي افطري بس لحد ما اية تنزل
ريم:طيب

(ريم راحت تفطر،وعبدالله قعد بعيد شوية علشان حس بكسوف ريم،وبعدين اية نزلت وفطرت مع ريم،وعبدالله خدهم بالعربية،وطلع معاهم المكتب،وراحوا للسكرتيرة علشان يعرفوا امتى هيخشوا،وطبعا ريم اللى كانت بتتكلم واية وعبدالله واقفين وراء)

السكرتيرة: (بابتسامة)تحت أمر حضرتك؟
ريم:انا الصحفية ريم هشام
السكرتيرة:اه حضرتك هتقابلى المفروض النهاردة الأستاذة علا؟
ريم:اه هو انا ان شاء الله امتى هقدر اخشلها؟
السكرتيرة:بعد نصف ساعة تقريبا يافندم
ريم:طيب اوك احنا هنقعد هنا،وبعد اذنك لما اقدر اخشلها بلغينى
السكرتيرة:تحت امرك،بس معلش ممكن بس سؤال؟
سارة: اتفضلى

(اية استأذنت من ريم ترد على موبايلها،وراحت بره المكتب علشان تتكلم)

السكرتيرة:هو فى حد مع حضرتك تانى؟
ريم:اه معايا واحدة وخرجت تتكلم بس فى التليفون
السكرتيرة:والأستاذ زوج حضرتك؟
ريم: (وشها قلب الوان،واتلخبطت)لا لا انا مش متجوزة اصلا،ده ده قريب صاحبتى اللى بره
السكرتيرة:انا اسفة يافندم جدا،بس المفروض اعرف بس لو الأستاذ هيقابل الصحفية بردوا ولا لا
عبدالله: (ضحك على الموقف،بس حاول يخبى علشان ميكسفش ريم)لا انا اصلا كلية تجارة
السكرتيرة:أسفة والله
ريم: (وشها احمر من كتر الكسوف)ولا يهمك
السكرتيرة:اتفضلى حضرتك ارتاحي،وانا لما استاذة علا تخلص هقول لحضرتك
ريم:اوك

(راحت ريم علشان تقعد،وطبعا مكنتش قادرة تحط وشها فى وش عبدالله من الكسوف،واية جت،ومكنتش عارفة اللى حصل،وقعدت جنب ريم واستغربت أنها ساكتة،وبعد شوية ريم حكتلها اللى حصل،واية مكنتش قادرة تمسك نفسها من الضحك،وفضلوا مستنين كلهم علشان ريم تخش للصحفية)

سمر: (بصوت عالي)خالودي
خالد: (جري مسكها من شعرها)قولتى ايه؟
سمر: (بضحك)اه شعري شعري،قولت حاجة تشبه خالد
خالد: (رفع حاجبه)ده لغز مثلا
سمر:خلاص بقى ما انت سمعت انا قولت ايه
خالد: (ساب شعرها،وراح قعد على الكنبة)اه لو كده ماشى
سمر:مالك طيب كده ليه؟
خالد:تحبى ازعلك تانى؟
سمر:لا خلاص خلاص
خالد:ايوة كده
سمر: (قعدت علي الكرسى جنب خالد)اممم
خالد: صدعينا بقى
سمر: (بابتسامة)حقي
خالد:حقك ايه،ومن امتى ليكي حقوق فى البيت ده؟
سمر:ايوة،طلع الحقد اللى انت شايله فى قلبك من زمان
خالد: (بضحك)بس ياعبيطة
سمر: على فكرة اريج قربت توصل
خالد: (ابتسم)طب كويس كويس
سمر:كويس بس؟
خالد: (بضحك)زي الفل كمان
سمر: جهز نفسك بقى
خالد:اقوم اجيب المتفجرات
سمر: (بضحك)متفجرات ايه؟
خالد:ما انتى محسانى اننا هنعمل عملية ارهابية
سمر:اسكت اسكت غلطتى انى بتكلم معاك

(وقعدوا يرخموا على بعض لحد ما اريج توصل)

هايدي:حبيبى حبيبى
تامر: (بابتسامة)عيون حبيبك
هايدي:عايزة منك طلب صغير
تامر:انتى مش تطلبى،انتى تأمري
هايدي: (ابتسمتله)عايزة واحد من صحابك يكون واد جامد كده
تامر: (استغرب هايدي،ورفع حاجبه)عايزاه فى ايه يعنى؟
هايدي:بص باختصار،انا لي بنت خالتى هتموتنى،عايزة اخلص منها بإي شكل،وعايزة اضايقها باي طريقة،وهبقى احكيلك موضوعها بالتفصيل بعدين،بس انا عايزة دلوقتى ولد يضايقها،ويخنقها علشان احس انى قدرت عليها
تامر: (ضحك بخبث)الله،حبيبتى شريرة
هايدي: (بضحك)طبعا يابنى
تامر: طيب ورينى صورتها
هايدي: (بدون تفكير ورت تامر صورة سارة)اهي ياسيدي
تامر: (استغرب لما شافها،حس انها جميلة بالرغم من انها ممكن تكون عادية،شاف فى وشها اللى من غير ذرة مكياج براءة نسيها من ساعة ما بدأ يعرف بنات،وشاف جمال فى طرحتها اللى لابساها اللى حس لأول مرة انها بتزود الجمال مس بتقلله،وحس انه اعجب بيها يمكن لأنه حس فيها بجمال الاحترام،وقرر ان هو اللى يضايقها)انا اللى هضايقها
هايدي: (استغربت تامر)هي عجبتك ولا ايه؟
تامر: (بتمثيل،مسك ايد هايدي)ياحبيبتى وهو انا يعجبنى حد غيرك
هايدي: (بابتسامة)يا روحي انت
تامر:انا بقول اضايقها انا،علشان انا عارفك وهعرف اكتر اخنقها على قد ما هي خنقاكي فهمانى؟
هايدي:تصدق عندك حق
تامر: (غمزلها)كله علشانك يادودي
هايدي:تسلملى يارب
تامر:اي خدمة
هايدي:بقولك انا نفسى موت اروح الديسكو
تامر:طب يلا بينا

(تامر مسكها من ايدها،وركبت العربية معاه،وراحوا الديسكو اللى متعودين يروحوه)

محمد:رورو
ربا: (وهي بتقرأ مجلة)ياعيونها
محمد:ياواد يارومانسى
ربا:على الله بس متنسهاش
محمد:مبتعرفيش تعملى حاجة كويسة وتكمليها
ربا: (بضحك)شكلى كده
محمد:حاسس انى مخنوق اوي ياربا
ربا: (خافت على اخوها،وسابت المجلة اللى فى ايدها)مالك يا محمد؟
محمد: (بابتسامة)خايفة عليا يابت؟
ربا: (ضربته على كتفه)لو مخفتش عليك هخاف علي مين بس
محمد:عايز اخرج
ربا: وايه المانع؟
محمد: اخرج مع مين بس،ما انتى عارفة ان كل اصحابى سابونى بعد ما اتغيرت
ربا:ما انا موجودة
محمد: (بابتسامة)تخرجي معايا؟
ربا:وانا اطول ياباشا
محمد: (بضحك)هو ده
ربا:اما عبيط
محمد: هعديها ليكي،بس نروح فين ها؟
ربا: نروح ملاهي
محمد: (ضربها على كتفها)انتى كبرتى على الحاجات دي
ربا: (بضحك)بس ياغلس،انا لسه فى عز شبابي
محمد:انتى صلاحيتك انتهت اصلا
ربا:يارخم
محمد: (بضحك)خلاص هسكت
ربا: المهم هتروح ولا ايه؟
محمد:طبعا هنروح ان شاء الله،طلباتك اؤامر ايها الربا
ربا: (بضحك)حلوة ايها الربا دي
محمد: طيب ياستى،يلا نأكل بعدين نلبس
ربا:اتفقنا،انا هقوم بس اسخن الاكل
محمد:اوك هقوم اساعدك
ربا: (بابتسامة)لا خليك انت،انا هسخن على طول
محمد:اوك

(هدير دخلت اودة هايدي،وملقتهاش موجودة،وراحت لقت رضوى قاعدة على الكمبيوتر وفاتحة التليفزيون)

هدير:هي هايدي فين؟
رضوي: بتسألى ليه؟
هدير: (ابتسمتلها)الفضول
رضوي: (بضحك)ومن امتى هايدي بتبقى موجودة فى البيت؟
هدير:ماما وبابا مدلعينها زيادة عن اللزوم
رضوي: بدون زعل كده يابنتى،هما ماما وبابا يعرفوا حاجة عننا اصلا؟
هدير:مين قال؟
رضوي:يعنى هما بيرجعوا بالليل بعد سهرة طويلة مع اصحابهم ، والصبح بيبقوا فى الشغل طول النهار،واكيد من التعب بيرجعوا يناموا،بذمتك هما يعرفوا انا برجع البيت الساعة كام ؟
هدير: (بضيق)على رأيك،بس بردوا ما هما بيكلمونا
رضوي:مش كفاية ياهدير،انا ممكن لو عايزة اكدب على ماما او بابا،وهما مش هيعرفوا طبعا
هدير: (بحزن)يارب يعرفوا بقى اننا اهم من الفلوس واصحابهم
رضوي:يارب،بس دي فرصة هايدي علشان تعمل اللى هي عايزاه ياهدير
هدير:ربنا يهديها
رضوي:قولى امين
هدير:امين
رضوي: (بابتسامة جنون)ما تيجي؟
هدير:اجي فين
رضوي:تلعبى معايا
هدير:انتى بتلعبى ايه اصلا؟
رضوي:بلعب سوبر مان على الكمبيوتر
هدير: (جريت جنب رضوي)هي عندك؟
رضوي:طبعا
هدير: (قامت وقفت وهي مبتسمة)هجيب اللاب بتاعي،واخدها منك،ونلعب ونشوف مين بقى اللى هيكسب
رضوي: (بضحك)هنشوف يا دودو

(هدير جريت جابت اللاب توب بتاعها ونزلت اللعبة من عند رضوي،وفضلوا يلعبوا وشوية تكسب هدير وشوية تكسب رضوي،وطبعا الضحك كان مغطي على الاودة)

(سارة فتحت النت عند منة،ولقت عهود فاتحة)

عهود: وحشتينى يا بت انتى
سارة: وانتى كمان يادودي
عهود:قوليلى وين كنتى ها؟
سارة: (بعتتلها اسمايل بيضحك)احم احم
عهود:احم احم ما راح ترحمك مني،ابى اجابة
سارة:انتى عارفة والله الناس كانت بتزورنى
عهود:ما يخصنى
سارة: يعنى حبيبي زعلان؟
عهود: (بعتت سمايل رافع راسه)ايوا
سارة:خلاص انا اسف
عهود: كام مرة اعلمك اسمها اسفة،والله انتى بنت
سارة: (بعتتلها سمايل بيضحك)اسف احلى من اسفة
عهود: والله عبيطة
سارة:الله يخليكي
عهود:قوليلى انتى وين الحين؟
سارة:عند صاحبتى
عهود: منة؟
سارة:عرفتيها لوحدك دي؟
عهود:لا غشيتها منك
سارة:الغش حرام،هتخشى النار
عهود:هاهاهاهاي،مو هاذى اللى اخوها احمد؟
سارة:ايوة هي
عهود:الله الله،يعنى انتى عند حبيب القلب دلوقت؟
سارة:انتى بتصدقى الاشاعات ولا ايه،قولتلك دي منة اللى بتقول كده
عهود:وانا اوافق على كلام منة
سارة: لاتهمينى انتى ولا منة
عهود: يهمك احمد ها؟
سارة: (بعتتلها سمايل مكسوف)بس عيب
عهود: (بعتتلها سمايل بيضحك)اما نشوف شو اخر هالموضوع
سارة:خير خير ان شاء الله
عهود: شوفى سوسو
سارة:ياعيونى؟
عهود:معلش انا هطلع الحين،اختى جاية تزورنا،تؤمرينى بشئ؟
سارة:لا سلامتك ياحبيبتى
عهود:انتبهى على حالك وخلى بالك من صحتك اوك؟
سارة:اوك ياحبيبتى

(هيثم كان قاعد فى اودته،ومشغل اغانى بصوت عالى،وبيتكلم مع اصحابه على النت)

هيثم:بحبها
مازن:مين دي ياخفيف؟
هيثم:هتكون يمني مثلا؟
مازن: (بضحك)قصدك على ندي؟
هيثم:وانا بحب حد غيرها يابنى
مازن:ربنا يسعدك بيها،بس انت واحشنى يامان
هيثم:وانت كمان يابنى
مازن:عايز اشوفك
هيثم:ما تيجي البيت؟
مازن:ميصحش،انت عندك اخوات بنات
هيثم:ياعم وانت هتأكلهم
مازن:يابنى عيب بردوا
هيثم:انت هتيجي،وتطلع تقعد فى اودتى،يعنى مش هتشوف اخواتى اصلا
مازن:مش عارف
هيثم:متخافش،انا بردوا بغير على اخواتى
مازن:ماشى ياسيدي،انا هاجي بقى
هيثم:قشطة،تعالى بعد نص ساعة كده اوك؟
مازن:اتفقنا،يلا بقى سلام علشان الحق البس واجيلك،علشان الطريق طويل
هيثم:اوك باي

ندي:19 سنة ،كلية تجارة،هي وهيثم بيحبوا بعض من 3 ثانوي،ولحد دلوقتى بيتكلموا مع بعض يوميا،عسولة ودمها خفيف،وبتموت فى هيثم،مش شاطرة اوي فى الدراسة لكن بتحب تقرأ ومثقفة،رومانسية طبعا وهي وهيثم ناويين انهم يتجوزوا،بتحب حياتها وبتحب الضحك والهزار،حلمها انها وهيثم يتجمعوا فى بيت واحد،زي القمر بيضاء وشعرها احمر غامق وقصير،رفيعة وطولها متوسط،عيونها سوداء غامقة

تامر:ايه الجمال ده،انا مصدقتش لما شوفتها
على: (بضحك)اوبا،انت وقعت ولا ايه؟
تامر:تستاهل
على: (بابتسامة)حلوة؟
تامر:حلوة حرام عليها،دي تجنن
علي:لو هايدي عرفت هتقتلك
تامر: (اتخنق لما افتكرها)ياعم سيبك منها،دي بت رخمة اصلا
على:طب ما تطنشها وريح بالك منها
تامر:من الاخر بردوا دي جامدة ،بتعملى منظر فى الشارع بضحكتها ولبسها
على: (غمزله)ايوة يا صايع انت
تامر: (ضحك بخبث)سارة دي مستقبلها باهر معايا
على: هتعمل ايه؟
تامر:هعمل كتير
على:ياعينى على البنت دي
تامر:شكلها صعبانة عليك؟
على:كفاية انها وقعت فى ايدك
تامر: (بضحك)ده من حظها
على:بس دي اكيد محترمة ما دام هايدي بتكرهها
تامر:هايدي بتقولى انها مؤدبة،بس انا شوفت صورتها،يعنى من البنات اللى بتلبس حجاب صح من الاخر،بس الصراحة جميلة
على:ياعم انت غريب،رايح للمحجبة وكمان حجاب صح،ما اللى بشعرهم حلوين
تامر:يابنى الحجاب بيحلى اصلا
على:بس بقى هي عيونها ملونة،ولا ايه؟
تامر:تصدق بالرغم من انها لا عيونها ملونة،ولا بيضاء،الا انها تهبل
على: (باستغراب)تهبل ازاى بقى؟
تامر:مش عارف،بس حاسس انها جميلة ببراءتها ورقتها يابنى
على:بس انا كنت فاكر انك بتحب البنات اللى احنا مصاحبينها دول اكتر
تامر:يابنى البنات المحترمة دول بيبقوا يجننوا
على:عندك حق بردوا ياتيمو
تامر:انا هبقى اقولك كل حاجة اعملها معاها
على: (غمزله)قشطة ياباشا

(خبط على اودة اخته ودخل،ولقاها بتغنى)

يمني: (بضحك)وبحب الناس الرايقة اللى بتضحك على طول
هيثم: حبيبى الرايق
يمني: (ابتسمت)ازيك يا هيثم؟
هيثم:زي الفل
يمني:اعزمنى على سيجارة،يعنى وعندك اقتراحات اما بنى او سبنى انا اختار لونها
هيثم: (ضربها على ايدها وهو بيضحك)بس يابت اخرسى
يمني: (عملت نفسها زعلانة)انت وحش على فكرة
هيثم: (بضحك)ماشى ماشى
يمني:ايه اللى رمأك على المر؟
هيثم: (بضحك)اللى امر منه يا بنتى
يمني: (ابتسمت)عايز ايه؟
هيثم: انتى امتى هتبقى محترمة؟
يمني: (بضحك)اوعدك السنة الجاية
هيثم: (ضحكلها)من الاخر،انا جاي اقولك ان صاحبى جاي
يمني: (قامت وقفت)اخيرا بقى هنشوف ولاد ياشيخ
هيثم: (اتعصب،شالها وزقها فاترمت على السرير)اه ياقليلة الادب
يمني: (ضحكت بصوت عالى)خلاص اسفة
هيثم:بصى انا جيت اقولك انتى علشان انتى اودتك قريبة من اودتى،وطبعا متطلعيش من اودتك،الا لو احتجتى حاجة ضروري،وعلى العموم البسى احتياطي،ماشى؟
يمني: (ابتسمتله)انت تؤمر ياجميل
هيثم: (بصوت واطي شوية)اما عبيطة صحيح
يمني:انا سمعاك على فكرة
هيثم: (بضحك)طيب ياستى

(احمد قال لسارة ومنة يخشوا البيت وهو راح يشتري حاجات،وكانت ماما احمد مش موجودة فى البيت، وطبعا سارة ومنة استغلوا الفرصة دي،قعدوا يجري ويتنططوا فى البيت،ويغنوا بصوت عالى ويضحكوا،بعدين طلعوا على اودة منة،ومنة من التعب اترمت على السرير،بعدين طلبت من سارة تجيب اللاب بتاع احمد،وطبعا سارة رفضت الموضوع ده نهائي علشان هي دخلت اودته مرة واحدة بالعافية،لكن منة مكنتش قادرة تقوم وفضلت تطلب من سارة اكتر من مرة،واضطرت سارة بعد صداع من منة انها تروح اودة احمد،ودخلت بس افتكرت ان منة مقلتش ليها فين اللاب،فضلت تدور فى الاودة،وهي مخنوقة من انها فى اودة احمد من غير ما يعرف)

سارة: (بعصبية)يعنى الذكية مش تقولى اللاب فين،اعمل ايه دلوقت؟

(بعدين فكرت سارة ان اللاب ممكن يكون فى الدولاب،ووقفت قدام الدولاب وهي مترددة،مش عارفة تفتح ولا لأ،خايفة لو احمد عرف انه يتخانق معاها،وعارفة ان منة مش هتسكت الا لو جابت اللاب،بعدين اتنفست بعمق وفتحت الدولاب،واول حاجة لقتها فى وشها لبس احمد،وحست انه شيك اوي،بس طبعا ركزت انها تدور على اللاب لحسن احمد يجي،بس خدت بالها من شكل الدلاوب،واللى حست ان شكله مجنون،كان كل الدولاب تقريبا ورق مقطوع ومكتوب تحت كلام،يعنى حاطط صورة احمد زويل وكاتب تحتها "شرفتنا،وحاطط صورة عمرو خالد وكاتب تحتها "ربنا يكرمك"،وحاطط علم مصر وكاتب تحتها "بحبك يابلدي"،وطبعا حاطط صور كتير وكاتب تحتها كلام،بعدين لقت شعر متعلق،شدها فضولها انها تقرأه،وكان طويل اوي وكلامه بالعربية الفصحي،شدها جماله واللى شدها اكتر انه كان رومانسى،وحست انها هتجنن وتعرف مين اللى كاتبه،وابتسمت لما لاقت مكتوب فى اخر الورقة "بخطي المتواضع"،وفكرت انها تخلى منة كمان تقرأه،فراحت لمنة تانى وهي بتجري)

منة:فى ايه خدتينى؟
سارة:تعالى معايا بسرعة
منة:ما انتى عارفة انى مش قادرة اتحرك،عايزة ايه بس؟
سارة:بطلى رخامة وتعالى معايا
منة:لا بردوا انا مش قادرة اتحرك
سارة: (شدت منة جامد من ايدها،وجرتها لحد ما دخلوا اودة احمد،وبعدين سارة بصت فى وش منة وهي بتضحك)ناس مبتجيش الا بقلة الادب
منة: (قعدت تضرب فى سارة)والله لاوريكي
سارة: (ضحكت جامد،بعدين بصت لمنة)شوفى لقيت ايه
منة:لقيتى ايه،انتى تعرفى اللاب بتاعنا؟
سارة: (ضحكت بتلقائية)بس ياهبلة انتى
منة:ممكن افهم فى ايه؟
سارة:اخوكي
منة:ماله ياستى؟
سارة: (بابتسامة)طلع ولا احمد شوقى
منة: (رفعت حاجبها)مينفعش حافظ ابراهيم؟
سارة: (ضربتها على كتفها وهي بتضحك)انتى متعرفيش تتكلمي جد خالص
منة: (بضحك)اسفة بس انا بجد مش فاهمة
سارة:اخوكي طلع بيكتب شعر رهيب
منة: (باستغراب)وعرفتى منين يا اسامة منير؟
سارة: (بضحك شدت ايد منة،ووقفتها قدام الدولاب)اتفرجي ياستى
منة: (قفلت الدولاب بسرعة)يخرب بيتك يابت
سارة: (حست بقلق)ايه هو انا عملت ايه؟
منة: (ضحكت على شكل سارة)اهدي ياحبيبتى
سارة: بجد هو فى ايه؟
منة: (ابتسمتلها)اصل احمد مانع اي حد من اقاريبنا يفتح الدولاب ده،انا وماما بس اللى بنفحته،وبردوا مفتحنهوش كتير
سارة: (بدات تلعب فى ايدها من القلق)يعنى هيزعقلى؟
منة: (بضحك)يابت وهو يعرف يزعقلك اصلا
سارة: (راحت قعدت على السرير)لا بصى شكله هيتخانق ويزعق،انا همشى قبل ما يجي
منة: (راحت قعدت جنبها)يابت مش للدرجة دي
سارة:اذا كان اقاريبه واهله مانعهم يشوفوه،اكيد هتيخانق لما يعرف ان صاحبة اخته فتحته
منة:يابنتى معتقدش انه ممكن يعمل كده
سارة: يؤؤه بقى انا غبية انى فتحته
منة:يابنتى مفيهاش حاجة والله
سارة: (رجعت افتكرت اللى حصل وقلقت تانى)منة منة بجد احمد مش هيزعقلى
منة: (بابتسامة)معتقدش
سارة:بس اصله هيتضايق اني قريت الشعر بتاعه
منة: (ابتسمت وغمزت لسارة)بس انتى ضيفة يعنى لازم يبقى مؤدب معاكي ،بعدين هو فى شعر متعلق عندك فى الدولاب
سارة:ايوة شعر رومانسي
منة: الله،انا قريت ليه اشعار بس مكنتش رومانسية صراحة
سارة:قوليلى بس اخر مرة واثقة انه مش هيزعق؟
منة: (بابتسامة)نوب نوب،مستحيل
سارة:طب تعالى بقى اوريكي الشعر اللى مكتوب هنا
منة: (بضحك)مبتحرميش
سارة: (بضحك)اعتقد
منة: (بكل فضول،فتحت الدولاب بسرعة،وقعدت تقرأ الشعر،وبعدين بصت لسارة وهي مبتسمة)الله الله عليك ياحمادة
سارة: (بضحك)اخوكي غلب احمد شوقى
منة: (غمزتلها)ما كله لسيادتك
سارة: المرة دي اتمني انه يكون ليا الصراحة
منة: (بضحك)يابختك يا احمد
سارة: (خبطت دماغها فى الدولاب)بس اسكتى
منة: (حطت ايدها على راسها)وجعتنى يازفتة
سارة:تستاهلى،علشان تبطلى رخامة
منة:حسابك بعدين،بس يلا نخرج بقى علشان احمد قرب يجي
سارة:بس احنا مجبناش اللاب توب
منة:امال حضرتك كل ده بتعملى ايه فى الدولاب؟
سارة: (لعبت فى شعرها وابتسمت لمنة)بتفرج على الدولاب
منة: (جابت فرشاة احمد،ورمتها على سارة بس مجتش فيها)يارخمة
سارة: (بضحك)احسن مجتش فيا
منة: (وشها بقى احمر من العصبية)شكلى هقتلك
سارة:هاهاها،ولا تعرفى تعملى حاجة
منة:انا هدور فى الدلاوب
سارة: (بقلق)الدولاب ده تانى؟
منة: بس ياغبية،هدور فى الدولاب التانى اللى فيه شغل احمد
سارة: (بابتسامة)اه لو كده ماشى

(منة فتحت الدولاب التانى اللى فيه شغل احمد،واللى احمد مش مانع أن حد يفتحه نهائي،وطلعت شنطة اللاب،بس استغربت وهي بتطلعه انها لقت ورقة محطوطة فى المكان اللى فيه الشاحن،استغربت ان احمد ممكن يكون سايب ورقة من شغله فى شنطة اللاب،فى الاول رفضت انها تقراها،بعدين افتكرت ان احمد سامح ليها تقعد على اللاب فأكيد تقدر تقرأ الورقة دي،وراحت قعدت على السرير،وطلعت الورقة،وهي بتقراها كانت ساكتة خالص)

سارة: (استغربت هدوء منة)فى ايه؟
منة: (بصدمة)مستحيل تكون فيروز بتحب اخويا
سارة: وايه اللى فيها لو بتحبه؟
منة:انتى مش فاهمة حاجة
سارة: (حست ان منة عايزة تبقى لوحدها،ابتسمت وقامت وقفت علشان تمشى)طيب هسيبك لوحدك وهروح انا فى اودتك
منة: (حست انها ضايقت سارة،ابتسمتلها،وشدتها علشان تقعد جنبها على السرير)انا اسفة مكنش قصدي
سارة:ولا يهمك
منة:انتى اصلا متعرفيش فيروز صح؟
سارة:لا،هي مين اصلا؟
منة:دي بنت خالى
سارة:بس انتى عمرك ما كلمتينى عنها
منة:بصي اصل دي حكاية كبيرة شوية
سارة: طب احكي ياستى
منة:زمان لما كانت ماما هتتجوز بابا،خالى رفض الموضوع نهائى،لان بابا مكنش غنى زي ماما،لكن طبعا ماما قبلته علشان اخلاقه ودينه،وجدي كان موافق على الجواز،وطبعا من ساعة ما مامتى اتجوزت بابا،وخالى ميعرفش عننا حاجة،عمره ما كلمنا ولا سمعنا صوته حتى فى عيد،كانت ماما بتبقى هتجنن وتعرف اخباره،لكنه كان بيرفض يرد عليها ولو رد عليها مش بيطول فى المكالمة،فكانت ماما فى الأغلب بتعرف اخباره من اقاريبنا،وسبب ان خالى اتخانق مع مامتى،ان واحد صاحب خالى كان متقدم لماما فى نفس الوقت اللى اتقدم فيه بابا لمامتى،وطبعا كان غنى لكن الازمة انه كان اكبر من ماما ب14 سنة،وكمان ماما محستش انها مرتاحة بيه فرفضته طبعا،واللى كبر الموضوع ان ماما قبلت بابا علي الرغم انه مش غنى،وحتى جدي كان بيبقى حزين على ان ابنه مش بيسأل عليه،ولا بيطمن عليه،وكان جدي دايما اللى يتصل بخالى وطبعا خالى مكنش بيبقى فاضى يرد على امي او جدي فى اغلب الوقت
سارة: كملى
منة:وانتى عارفة اننا الحمدلله بعد جهد صعب لبابا ماديتنا بقت تمام،وبقى بابا يمكن اغنى كمان من خالى،بس للأسف خالى شركته خسرت فجاة،وطبعا خسر فلوس كتير،وطبعا ماما وبابا اول ما عرفوا وقفوا جنب خالى،وساندوه،ومن وقتها خالى رجع قرب مننا،بقت علاقتنا كويسة،وانا واحمد اعتبرنا فيروز زي اختنا والله،بس خالى ومراته كانوا على طول يقولوا كلام معناه ان احمد يتجوز فيروز،وان هما لايقين على بعض،وطبعا الكلام ده كان بيخنق احمد وبيخنق ماما وبابا كمان
سارة:وده يخنق مامتك وباباكي واحمد ليه،هي فيروز مش بقت قريبة منكم؟
منة:ياسارة انا قولتلك بقت زي اختنا،مش اكتر،ثانيا خالى مربى فيروز على مبدأ الفلوس،وان الفلوس هي رمز السعادة،وكان بيعلمها الكلام ده من واحنا صغيرين،وفيروز اصلا من النوع اللى مش بيحس بقيمة الفلوس،بتشتري حاجات غريبة لمجرد المنظر،وانتى عارفة ان احمد الحمدلله بردوا دلوقت شغال فى شركة بترول،ومرتبه كويس ماشاء الله،وده اللى خلانا نحس ان خالى ومراته بيفكروا فى احمد زوج لفيروز لمجرد الفلوس،ولأنهم ضامنين ان بابا اكيد هيساعد احمد لما يتجوز،وانا عارفة فيروز مستحيل تنفع شخصيتها مع احمد اصلا،واحمد طبعا دلوقت بقى حبيب خالى ومراته،بصى انا عارفة انك ممكن تفتكري ان انا بكرههم،بس والله انا بحبهم،بس انا مش عايزة فيروز لاخويا
سارة:متخافيش انا فهماكي
منة:انا يمكن مبتكلمش اوي عن الموضوع ده مع اصحابى،لكن انتى اقربهم ليا
سارة: (ابتسمت)ياحبيبتى انا تحت امرك،بس مال الورقة اللى فى ايدك بكل اللى انتى بتقوليه ده؟
منة: (ادت الورقة لسارة علشان تقراها)اقري انتى بنفسك
سارة: (خدت الورقة من ايد منة،وقرأتها وكان مكتوب فيها "الى حبيبى اللى محبتش حد قده،انا بحبك يا احمد وطول عمري بحبك،واتعس فترة فى حياتى الفترة اللى مكناش مع بعض،بجد انا حسيت وانا جنبك بالامان اللى ملقتوش طول عمري،ربنا يخلينا لبعض وميحرمنـاش من بعض ابدأ، فيروز")بس فى حاجة غريبة
منة:ايه؟
سارة:كلمة ربنا يخلينا لبعض،تحسسك يعنى ان احمد كمان بيحبها
منة:احمد مش بيحبها طبعا
سارة:بس يمكن هو بيعمل تصرفات تحسسها انه بيحبها
منة:بصى اخويا جنتل ومحترم مع كل الناس،وكمان بيعاملها حلو زي اخته،ودي حاجات تخليه يتحب الصراحة
سارة:بس مش يمكن هي حاسة ان اخوكي بيحبها؟
منة:هي عارفة كويس ان احمد بيعاملها زي كل اقاريبنا،لكن هي بتحاول تمثل من الاخر
سارة: (حطت الجواب على السرير)بس غريبة ان اخوكي شايل الجواب؟
منة:انتى مش فاهمة،احنا اخر مرة كنا عند خالى،احمد خد معاه اللاب بتاعه علشان كان عنده شغل،ومن وقتها احمد مفتحش اللاب،ولا انا كمان فتحته،يعنى احمد مقرأش الجواب اصلا

منة: (سمعت صوت باب الشقة بيتفتح،خدت شنطة اللاب،وشدت ايد سارة،وجريت بسرعة على اودتها)كويس لحقت اجري
سارة: (مكنتش سمعت صوت التليفون)انا مش فاهمة حاجة،هو في ايه بالظبط؟
منة: (باستغراب)انتى مسمعتيش صوت الباب؟
سارة:لا
منة:يابنتى احمد جه،وخوفت يشوفنا واحنا فى اودته وعمالين نرغي فيها كده
سارة:طب لحقتى تشيلى الجواب؟
منة: (حطت ايدها علي وشها)لا الجواب لسه على السرير
سارة: (قعدت جنب منة،وقالتلها على فكرة علشان يحلوا المشكلة)اسمعينى كويس

(منة جريت على السلم،ونزلت تحت بسرعة قبل ما احمد يطلع)

منة:احمد احمد
احمد: (كان لسه هيطلع بس وقف يسمعها)يا نعم؟
منة: رايح فين؟
احمد:طالع اغير لبسى،عند حضرتك مانع؟
منة:لا ياحبيبى،بس معلش عايزاك ثوانى
احمد:يعنى مينفعش تستنى اغير بعدين تقولى عايزة ايه؟
منة:لا مينفعش خالص

(سارة جريت على اودة احمد،جابت الجواب،وظبطت السرير والاودة علشان احمد ميحسش انهم قعدوا فى اودته كتير،وبعدين ودت الجواب لاودة منة وحطته فى شنطة اللاب،وبعدها طلعت شاورت بايدها لمنة من فوق علشان تفهمها انها خلصت)

منة: (باصة لاحمد)اممممم
احمد: (بخنقة)تصدقى انك عايزة الضرب؟
منة: (بضحك)ليه بس؟
احمد: يعنى مقعدانى جنبك على الفاضى
منة: (شافت سارة من فوق)خلاص قوم
احمد: (ضربها على كتفها)اما عيلة رخمة صحيح

(احمد طلع علشان يروح اودته،ولما سارة سمعته جريت على اودة منة،بعدين منة طلعت اودتها بعد ما ارتاحت)

منة: (بضحك)يا افكارك ياكرافت
سارة: (بضحك)احمد مخدش باله؟
منة: لا عيب عليك ياكبير
سارة: اقعدي بقى على اللاب اللى قرفتينا بيه
منة: هاهاهاي،هقعد ياسوسو
سارة:طب انا هنزل اجيب ميه
منة: (بابتسامة)لالا،بصى هتلاقى بيبسى فى الثلاجة،هاتيلنا منه
سارة:حاضر ياستى

(سارة لبست فستان اسود خالص،ولفت عليه طرحة لونها تراكوز وفيها ورود،بعدين نزلت وراحت على المطبخ على طول،جابت البيبسى والميه ،ورجعت بيهم عند منة،وطلعت كتاب تقراه لحد ما منة تخلص قعدتها على النت علشان يقعدوا مع بعض)

ريم:يازوفتة
اية: (جريت بعيد عن ريم وقعدت تضحك جامد)بس بس
ريم: (قعدت تجري ورا اية وهي بتضحك)بقولك تعالى
اية: (قعدت تجري وريم بتجري وراها وبتضحك بصوت عالى)ولا هتعرفى تلحقينى
ريم: (لحقت اية ومسكتها ورمتها على السرير وقعدت تضرب فيها)والله لاربيكي من جديد
اية: (قعدت تضحك ضحك هستيري،وبقت بتحاول تضرب ريم) يابت مش قادرة
ريم: (تعبت وقامت وقفت،وبصت لاية وقعدت تضحك بصوت عالى بدون سبب واية عمالة تتضحك على ضحكها)شكلك حلو وانتى مضروبة
اية: (جريت مسكت ريم وزنقتها فى الحيطة)نعم نعم
ريم: (قعدت تضحك،وبصت لاية جامد وزقتها لحد السرير ورمتها عليه)بس بقى انا تعبت
اية: (قامت ظبطت لبسها وشعرها،ووقفت قدام ريم) ياعجوزة
ريم: (سمعت صوت الباب بيخبط)افتحى ياعبيطة
اية:استنى استنى البس حاجة طيب
(وجريت لبست عباية جنبها ولفت طرحة بسرعة وفتحت الباب)
عبدالله:بتفتحى الباب انتى ليه ها؟
اية: (بضحك)ومين غيري يفتح
عبدالله:فين ريم؟
اية: (بابتسامة)بتسأل ليه ؟
عبدالله:علشان انتى قولتى انها كانت نايمة،ومجهزتش شنطتها
اية: (بضحك)يعنى انا اللى جهزتها مثلا
عبدالله: (وشه ظهر عليه الصدمة)انتى قولتى ايه؟
اية: (خافت وابتسمت جامد)قولت اننا نسينا نجهز الشنط تقريبا
عبدالله: نعم نعم؟
اية : (بضحك)هذه الحقيقة يا اخي
عبدالله: (بصلها جامد)ده لو كنتى اختى،كنت قطعتك اربأ اربأ دلوقت
اية: احسن حاجة انك ملكش اخوات بنات
عبدالله: (بضحك)بس معلش افهم يعنى،امال بقالكم ساعة بتعملوا ايه؟
اية: (لفت وشها علشان حست عبدالله هيضربها)بنلعب
عبدالله:والله لولا انك بنت كنت مسكت دماغك خبطتها فى الحيطة دلوقتى
اية: (بصتله وضحكت ورفعت ايدها للسماء)الحمدلله يارب انى بنت
عبدالله: (ضحك جامد)لا الصراحة ضحكتينى
اية: (ابتسمتله)طول عمري يابنى بضحكك
عبدالله:اخرسى يابت احسنلك،و روحي جهزي الشنطة انتى وريم بسرعة
اية:هو انتم خلصتم حاجتكم
عبدالله:طبعا من زمان،خلصوا بقى علشان نلحق نوصل قبل ما الدنيا تظلم
اية:يعنى المفروض نخلص بعد ايه تقريبا
عبدالله:اخركوا ساعتين
اية:اوبأ
عبدالله:مش قولتلك ربنا رحمك انك بنت
اية: (ضحكت جامد)خلاص انا هخش اعمل حاجتى بسرعة
عبدالله:اوك وقولى لريم بردوا
اية:سؤال اخير معلش
عبدالله: ارغى
اية:احنا هنوصل امتى
عبدالله:النهاردة بالليل ان شاء الله
اية: ليه ان شاء الله رايحين الهند؟
عبدالله: على فكرة ايدي بتاكلنى
اية: (ضحكت علشان فهمت انه قصده انه عايز يضربها)وانا مالى ومال ايدك
عبدالله:اصلك رغاية ومش مديانى فرصة اتكلم
اية:ادينى هسكت ومش هشتم اهو
عبدالله:وانا هسكت ومش هضرب
اية: (بابتسامة)طيب ياسيدي
عبدالله:ما علينا،اصل انا هنزل كده فى مكان وهروح اودي كتاب بتاع واحد صاحبي ليه وصاحبى فى اسكندرية،و بعدين اصلا بالليل كده مش متاخر انتى بتستهبلى
اية: (ضحكت)انت عارف انى بحب اضخم الامور
عبدالله:مش وقت ضخامتك دلوقتى
اية:اه يعنى انت عايز ايه دلوقت
عبدالله: (وشه احمر من الصعبية)انتى غبية
اية: (بضحك)اه افتكرت نجهز الشنط صح؟
عبدالله:ده لو مفيش عندك مانع طبعا
اية:بص انا ممكن اقولك عندي مانع وارخم عليك،بس بلاش علشان الحق اعمل الشنطة
عبدالله: (اتنفس جامد)الحمدلله،اخلصى بقى

(مازن اتأخر شوية،وطبعا يمني نسيت اصلا ان مازن جاي،ونزلت قعدت فى الصالة،وكانت عمالة تغنى بصوت عالى،ورن جرس الباب،وافتكرت ان هايدي هي اللى على الباب،راحت بسرعة ناحية الباب)

يمني: (وهي بتغنى)وبحب الناس الرايقة

(يمني اتصدمت لما لقت مازن فى وشها،وشها ضرب الوان،وهو بص فى الارض علشان ميكسفهاش،اتصدمت من اللى حصل،وكل اللى عملته انها سابت الباب مفتوح وطلعت تجري على اودتها)

(مازن مات من الضحك،واستغرب تفكيرها ازاى تسيب الباب مفتوح وتطلع وتسيبه،فكر يكلم هيثم على الموبايل بس لقى موبايله فصل،فقال يستنى لحد ما هيثم ينزل)

هيثم: (كان سمع الجرس،نزل يفتح لصاحبه،واتصدم لما لقى الباب مفتوح وصاحبه واقف بره،وفهم ان اخته نسيت وفتحت الباب)مش عايزين لبن النهاردة
مازن: (ضحك جامد)ياراجل،انا عمري ما حصلى كده قبل كده
هيثم: (بضحك)عندنا كل جديد
مازن: (بصله وضحك جامد)لا بس اختك دي اعجب من عجائب الدنيا السبعة
هيثم: (بضحك)اشمعنى؟
مازن:مفيش خرجتلى وهي بتغنى،وتقريبا كانت فكرانى حد تعرفه،لما شافت اني اجنبى عنها،جريت وسابت الباب مفتوح،وسابتنى من غير ما تقولى حتى اتفضل
هيثم: (ضحك على اللى يمني عملته)حلوة اجنبي عنها دي
مازن: (ابتسملها)اي خدمة
هيثم: متزعلش والله البت دي نفسنا نغيرها
مازن:تغيروها ليه؟
هيثم:يابنى دي بتعمل حاجات تحفة والله،دي لسه قريب عاملة مقلب فى جدتنا
مازن: (بضحك)وجدتك سكتت ليها؟
هيثم:لا طردتها من اودتها مش اكتر
مازن: (حب يرخم على هيثم)لا بس شكلها عسولة
هيثم: (مسكه من القميص)نعم يا اخويا؟
مازن: (بصله بابتسامة)لا لا مش قصدي اوعى تفهمنى صح
هيثم: (قفل الباب ومسك مازن)طب قدامي عالاودة بدل ما اخسرك
مازن: (بضحك)حاضر

(يمنى كانت جريت على اودتها،واول ما دخلت وقفت قدام المراية،وقعدت تضحك بصوت عالى عالموقف اللى حصل،وعرفت ان اكيد هيثم هيبهدلها علشان فتحت لمازن بس قالت متستعجلش الامور،بعدين مسكت الريموت فى ايدها، وقعدت تتفرج على كارتون تيمون وبومبـأ)

(ربا ومحمد راحوا دريم بارك،وقضوا يوم تحفة،محمد مكنش عارف يشكر ربا ازاى،حس بجد انها بتعوضه عن امه وابوه،وعن غياب منة حبيبته عنه)

محمد:بجد بحبك يابت يارورو
ربا: (بصتله وضحكت)خلى الكلام ده لمنة
محمد: (وشه قلب وبان انه زعل)ياه فكرتينى بيها
ربا: (غمزتله)على اساس انك ناسيها
محمد: (وشه اتضايق)تقدري تقولى بحاول انساها
ربا: (بصتله جامد واتصدمت)ليه بس يامحمد ؟
محمد:وانتى فكراها ممكن تقبلنى بعد اللى كنت بعمله فيها زمان
ربا:ياحبيبى كلنا بنسامح،بعدين هي لو شافت شخصيتك اتغيرت هتحترمك
محمد:مستحيل ياربا خلينا واقعين
رباابتسمتله،وقررت انها تشوف حل علشان تأكد لمحمد ان منة هتقبله)سبها على ربنا يا ميدو
محمد: (ابتسملها وراح قعد جنبها)سايبها والله،بس بجد ربنا يخليكي ليا
ربا: ياخوفى من رومانسيتك دي
محمد: ليه يعنى؟
ربا: معرفش
محمد:يلا ياعبيطة
ربا: (فتحت التليفزيون وجابت كرتون كانوا بيتفرجوا عليه سوا زمان)فاكره
محمد: (ضحك وبص لربا)ودي حاجة تتنسى،انا بعشقه
ربا:والله مفيش حد هيقبل يتجوزنا واحنا هبل كده
محمد: هاهاهاهاها،على رايك يامعلم

(فضلوا يتفرجوا على قناة الكرتون،لحد ما ناموا على الكنبة هما ال2 من التعب)

هايدي:بجد وحشتينى ياكلبوبة
ميرنا: (ضحكت برقة) انتى اكتر
هايدي:ايه اخبار الواد نبيل؟
ميرنا:بلا قرف انا سبته اصلا
هايدي:ليه بس؟
ميرنا:خنقنى بيقولى لبسك ضيق وبتاع،ماله ومال لبسى
هايدي:ده خنيق اوي
ميرنا:حبيت واحد جديد بقى
هايدي: (غمزتلها)لحقتى يابت
ميرنا: (ضحكت بصوت عالى خلى كل الناس فى الشارع تبصلها)طبعا يابنتى انا مقدرش اعيش من غير الحب
هايدي:اسمه ايه؟
ميرنا:طلال
هايدي: ده مش مصري
ميرنا:لا ده خليجي
هايدي:يخرب بيتك عرفتيه منين ده؟
ميرنا: بيشتغل مع بابا فى الشركة،وكان موجود فى مصر الفترة اللى فاتت،وحاول يتكلم معايا،وانا فكرت لقيته عسول ومش بطال
هايدي:وهو بيحبك؟
ميرنا:طبعا يابنتى،لما قابلنى قالى انا كنت هموت واكلمك،بس كان خايف من بابا،انتى عارفة بابا شديد حبتين
هايدي:اه يعنى باباكي كان رافض يخليه يتعرف عليكي؟
ميرنا: (بخنقة)بيقعد يقولى احنا بناتنا متتعرفش على ولاد وكلام عجيب كده
هايدي:معلش معلش
ميرنا:بعدين هو فى حد بيشوفنى ومبيحبنيش
هايدي: (بتتخنق من غرور ميرنا اوي)اه ماشى
ميرنا:واهم حاجة انه عايش فى السعودية الفترة دي،فهقدر ابقى براحتى
هايدي:بس هو عارف انك بتصاحبى ولاد؟
ميرنا:لا طبعا،بس هو فى السعودية،ومش هيعرف حاجة،وبكده انا هعرف اعيش حياتى مع اصحابنا الولاد
هايدي: اه ياجامدة
ميرنا: (ضحكت)طبعا يابنتى تربيتك
هايدي:يخليلى العقل ده ياناس
ميرنا:ويخليكي ليا ياحبيبتى
هايدي:احنا هنفضل واقفين فى الشارع كتير؟
ميرنا:تحبى نروح فين؟
هايدي:تعالى نروح الكافيه اللى على أول الشارع
ميرنا:اشمعنى ده؟
هايدي:فيه شوية ولاد ياخراشى يهبلوأ
ميرنا :اه لو كده اكيد هاجي معاكي
هايدي:ناوية تكلمى حد هناك
ميرنا:طبعا،امال احنا رايحين ناكل ونشرب بس
هايدي: (ضحكتلها،ومسكت ايدها)ايوة كده ياميرو

(وركبوا عربية ميرنا،وراحوا على الكافتيريا)

تامر:الله بقى
على:ايه يابنى روشتنى
تامر:البت اللى اسمها مني دي عمالة تتصل خنقتنى
على: (بضحك)هما كام دلوقت؟
تامر:البنات اللى بكلمهم؟
على:ايوة
تامر:متعدش
على:لا يعنى تقريبا كام؟
تامر:يمكن 50 او اكتر
على:الله عليك ياتمورة
تامر: (ضحك جامد)يابنى انا مفيش بنت بتشوفنى الا لما تقع فى غرامي
على:الصراحة انت تستاهل
تامر:انت هتعاكسنى ولا ايه؟
على:لا يعنى بنشكر فى حضرتك
تامر: متخافش البنات قايمين بالواجب وزيادة حبتين
على:الله يسهله ياعم
تامر:هتقر عليا ياعلى ؟
على:لا وانا اقدر ده انت صاحبى من ايام حضانة
تامر:ياه فكرتنى بايام الطفولة
على: (ضحك لما افتكرها)كانت ايام جامدة
تامر:على رايك
على:صحيح هي قريبة هايدي اسمها ايه لحسن انا نسيت؟
تامر: (ابتسم لما افتكرها)سارة
على:طب وايه خططك معاها؟
تامر:انت عارف انا فكرت فى اكتر سبب شدنى لسارة
على:ايه هو بقى؟
تامر:الغريب فى بنات انا مصاحبهم احلى واجمل مليون مرة
على :ايوة
تامر:بس هي محترمة،وانا نفسى اوقع بنت محترمة
على:ما انت وقعت كتير محترمين
تامر:لا دي محترمة زيادة
على:ازاى؟
تامر:هايدي كلمتنى عنها وقالت كلام ميتصدقش اصلا،يعنى مثلا ملهاش صحاب ولاد خالص
على: (حرك وشه من الصدمة)احلف
تامر:والله يابنى
على:ايه البت الجامدة دي
تامر:وغير كده جمالها رهيب يابنى
على:يعنى ايه نظأمك معاهـأ؟
تامر:لا معرفش لسه
على:طيب مفيش واحدة زيها ليا
تامر: (ضحك بصوت عالى وغمزله)ندورلك يامعلم